الجكر والسيارة الكشخه

هلا أختي . . .

يعني روح شبابية :) فيهم

واضيفي للسيارة السبورت جملتين ويا حنج يبيله درنفيس يشد براغيه شوي :

لا حـــــــــــــــــده مو صــــج . . .

وجملة أي شـــي ايضاااا . . .

استغفر الله والله ضحكتيني

انا اقولج ليش اول شي هذا مرض نفسي وثاني شي فلوسهم واجد خل يشترون وثالث شي كل ماطليت بوجة وحدة ردة فعلي يماي وعاد فيني فضول الا اشوف الي تسوق هههاي ورابع شي المتخلفون للمتخلفات والجياكر للجيكارات انتي عبالج الي يلحقونهم اوادم لاوالله حشاكم كلاب مسعورة وشوفي شلون يحدها مسكينة متسلفة للسيارة وحالة حالة واخر شي مدعومة لاحول الله كككاك وخامس شي مو عشانها تسوق عشان يناس شوفوني لاحضيهم كلا مبتسمات ولا يعني نتكلم بالموبايل عشان توري الناس مو السيارة الساعة وسادس شي هههههههههههههههههههاي لاتشوفينهم بالاشارة تكانة يعني خل تحرك تطل على الي جنبها انا رادار عليهم ههاي سابع شي خل يلحقها احد نضام ماعطي وجة تكانة ولاراح عنها كبستلة والله العضيم مصخرة بس الي عرفتة مو اسم سيارة اسم الموضة الحين جذي تقتلني الموضة شخلو للشباب الضاهر السيارات النسائية كامري ولا برادو ولا لكزس ولا بي ام وحنا بناتنا موستنج جيتي بس كشخة كككككاك اشكالهم غلط

أحلى من القمر كتبت:والله تصدقين عمرى ماطليت بوييهم .. بس أتأكد أرد عليج
بس أنا اللى أعرفه خاصة الشباب وااايد يحبون العنطزه والفشخره عشان يلفتون نظر البنات إذا كان شكله عادى

اي والله يحبون العنطزة والفشخرة هذول هههاي

يمكن مو حلوين ومحد يطل بويههم
علشان جذي يركبون سيارة كشخة وبطبع الانسان فضولي يعني اذا شاف سيارة كشخة يصير عنده فضول يبي يشوف منو اللي يسوق وسلامتج

الصراااااااااااااااااااحه انا خواتي ملكاااااااااااات جمال بكل ماتحمل معاااني الكلمااات وجامعيات وحده فيهم سيااارتها جيب بووووورش والثااانيه سبورت بس ناسيه اسمها بس الحمدالله تربيه واخلاااااااااااااااااق ولله الحمد والمنه

mo shr6 ena kl wa7d syarta ksh5a jiiikr ;-Pp
e5ti syartha BM kopiih bs mn eldwam li elbit loool mo jikra :-Pp
elki 3lb7r hathol klhm ta2jiiir
majrin syayerhm w bs bl week end t6l3el syayeer elksh5a loool
alla y3iinhm ;-)
mw'9o3ch cute;)
yslmooo

صاجة والله أغلب الجياكر يعوضون النقص بالمظاهر
والحريم هابات بالسبورت بعد!!!!
تصدقين مرة سايقي صفط بالبلوكات تو بنزل من السيارة الا السيارة اللي يمي سبورت بورش الصغينونة" >>>>فتحت الباب الا نزلت وحدة يامتنها تصدقين أفكر شلون تقلقصت فيها ودخلت؟؟؟؟؟

والله انا عرف ثنتين وحده بنت جيرانا ووحده بنت بنت خالتي
يهبلووووووووووووووووون وسياراتهم بورش سبورت مو شرط ترى
بس جان الرياجيل مادري والله

g6wa.90 كتبت:mo shr6 ena kl wa7d syarta ksh5a jiiikr ;-pp
e5ti syartha bm kopiih bs mn eldwam li elbit loool mo jikra :-pp
elki 3lb7r hathol klhm ta2jiiir
majrin syayerhm w bs bl week end t6l3el syayeer elksh5a loool
alla y3iinhm ;-)
mw'9o3ch cute;)
yslmooo

متاكدة ان الكلام عربي ولا هيروغلوفي

دراريع عليا كتبت:متاكدة ان الكلام عربي ولا هيروغلوفي

علوي شفيج هذي موضة البنات هالايام حتى بالمسجات
مو انا وانتي كلامنا كله بدليات والاحرف نصها مأكوله خخخخخخخ
يبيلنا دورة نتعلم انجليزي معرب
شنسوي نبي نواكب التطور ههههههه
شرايج؟؟؟؟؟؟
مره وحده دزلت لي مسج تبي مني شغله بس كاتبتلي بنفس هالطريقه ومالي خلق اقعد احول كل رقم حق حرف وسنه على ما اقره
توقعين شنو رديت عليها؟؟؟
قتلها تسلمين
ماتت من الضحك قالتلي شكووووو قتلها لا دازته بالغلط
بعد ياربي هذي سالفه جديده احنا دراسه يالله خلصنا نقعد نتعلم هاللغه بعد

مامن قصور حبيبتي تسلمين
مشكوره