ديروا بالكم من هالمكتب

السلام عليكم....
خواتي بقولكم عن تجربتي مع مكتب النقا بفحيحيل
رحت لهم واخذت اثيوبية مسترجعة وقعدت عندي اسبوعين ياحلوها تهبل وتبي تتعلم تطبخ
(اربعة شهور في بيت قبلي يعني كانها جديدة بدون خبرة) وخذوا مني 480 دينار ولمن حولتها على كفالتي من ثاني يوم بالضبط قامت تتخانق مع بناتي وتخربط وايد وقالت مابي اشتغل قلت لها ليش ياماما انتي صغيرة وهذيلا بنات صغار لعبي معاهم بس ماكو فايدة وقامت عضت بنتي الصغيرة ام سنة
ولما وديناها المكتب مارضت الاتروح مكتبها اللي اخذناها منه فقالت المسئولة عن الاثيوبيات هناك (اسمها فاطمة) بعطيكم فيها 450 قلت مايخالف خسارة 30 ولا اكثر واليوم لما رحت اخذ الفلوس مارضت تعطيني الا400 وهددتها اشتكي عليكم تقولي بكل برود عادي روحي اشتكي وراهية علي بعد والله حسيت بالقهر اهم عبالهم الفلوس لاقينها بالشارع حسبي الله عليه
بعد هالتجربة بس احبيت انبهكم من هالمكتب النصابين
مقهورة حبيت افضفض معاكم وتسلمولي

الله يعوضج خير حبيبتي

..........

مشكوره

الله يعوضج خير كل المكاتب بدون استثناء نصابين والقانون مقويهم

انا مكتب النجدى اللى بالفروانيه نفس العمليه

اثيوبيه قعدت شهرين عندى اخذيتها منه 450 ولم رجعتها اخذها تصورى 300 بس


ما اقول غير حسبى الله ونعم الوكيل فيهم

وياج حبيبتي ام وهابي
الله يفكنا من شر المكاتب والخدم
موفقة يالغالية

بالتوفيق يالغاليه

حسبي اللة عليهم
اللة يعوضج باحسن منها ان شاء اللة

ياريت تكتبين لنا اسم هالمكتب . . .

شكلهم قاصدين هالحركة حسبي الله عليهم . . .

وربي يعوضج يااارب . . .

يوووووووووووووه الله يكون بعونج نحن السابقون وانتم الاحقون

حسبى الله ونعم الوكيل

حبيبتي المكاتب حسبي الله عليهم يتفقون مع الخدم لما تخلص الكفالة تسوي سالفة عشان ترجع للمكتب
ويبيعونها وهم الكسبانين وأحنا نخسر فيها فوق المية والخمسين الله ينتقم منهم

هاذي مشكله الخدم لي رديتيهم يمرمرونكم لي يعطونكم الفلوس لا وناقصه بعد

مره هنديه اخذناها عن طريق المكتب استلمو كاش ولما رديناها طبعا هي الي قالت ودوني ماتبي تشتغل
ومرمرونا علا ماردولنا فلوسنا ناقصه

اي والله صااااجين اغلب المكاتب يتفقون مع الخدم يقعدون لين تخلص الكفاله عشان ما يردون فلوسج كامله وبعدين عقب ما تخلص الكفاله تيي الخدامه علي البراااااد تقولج ماما ودي مكتب ما يبي شغل :omg_smile: صج حسبي الله عليهم

اللة يعوضج باحسن منها ان شاء اللة

خواتي تقدرون تشتكون عند العماله المنزلية المكاتب تخاف من الشكاوي ....

السلام عليكم حبيبتى انا زوجى عند مكتب خدم وعندى خبرة هههههههههههههههه بس اكيدة انتى مو معطى الخدامة معشها

حبيبتي راجية الجنة
الخدامة ماقعدت عندي شهر عشان اعطيها معاشها
ثانيا المكتب النصابين (النقا بفحيحيل) خذو خمسين دينار غير الخمسين الاولى حق المعاش وهي مومكملة شهر
يعني من ال480 ما استلمت منهم الا350
حارقين قلبي يعله زقوم ببطونهم والمبلغ هذا وبما ان عندج مثل ماتقولين خبرة ماييب خدامة حتى اي جنسية خصوصا برمضان

وياريت تقوليلي من واقع خبرتج ليش المكتب يشيش الخدم على النحشة ويقعد ياجرهم ويتاجر فيهم تجارة الرقيق
وهم من واقع خبرتج قوليلنا ليش يرفعون اسعار الخدم على الناس حصوصا المسترجع والكفالة
وبعد من واقع خبرتج قوليلنا الفلوس اللي قاعدين ياخذونها المكاتب بهالطريقة حلال ولا حرام؟؟؟؟؟؟؟؟؟؟؟؟؟

اوووف اثيووبيه 480 يمه نصب واحتيااال على هالاواادم الله لا يوووفقهم

اي والله منوووورة 480
لا وتقول الموضفة قريب رمضان يصيرون على 520
نهب اشكرة

حسبي الله ونعم الوكيل