تعبت من وساوس الشيطان مابي اكفر ساعدوني

اشلونكم يا بنات
تكفون ساعدوني انا الحمدلله اصلي فروضي واصلي صلاه الليل وملتزمه بالاستغفار والدعاء بس حياتي كلش ماتمشي بالشكل الي ابيه وربي نادرا ما يستجيب لدعائي مع ان اسمع وايد يقولون مادعينا بشي الا وربنا استجاب لنا بس انا مادري ليش اموري تتصعب وماتصير بالشكل الي ابيه تعبت تعبت مع اني ادعي بخشوع وتذلل وابجي
وماخليت دعاء الا ودعيت فيه
مع اني اشوف ناس قلبوبهم سوده وحقودات وامورهم متيسره ويصير لهم الشي الي يبونه ويحروني فيه يدرون ان امنيتي يصير لي هالشي بس مو طايله ويحروني واشوف امورهم متسهله وازواجهم يادهينه لا تنكتين
وفي ناس يكونون عاصيين واشوف امورهم متيسره مثلا بنات مو متحجبات بس امورهم متيسره ومرتاحين
والله تعبت تعبت تعبت ياست كل ما ييت ادعي يوسوس لي الشيطان لاتدعين دعائج مو مستجاب مافيه عداله بتوزيع الارزاق
استغفر الله واقعد ابجي وانقهر وكله اقول ليش وليش وليش يصير فيني جذي ليش اموري تتصعب ليش
والله كرهت هالدنيا ايام الفرح بحياتي قليله
احس تعبت والي يذبحني اكثر ان هم فيه بنات اقرى عنهم بالمنتديات يدعون ويستغفرون وامورهم تتصعب مثلا الي تبي زواج او الي تبي ذريه او تبي رزق او تبي ان زوجها ينصلح حالها اقرى انهم يقولون انهم يدعون ويستغفرون بس امورهم تتعقد وتتصعب هالشي عاد يخليني اياس اكثر
مع اني اقرى انه الي يصلي صلاه الليل ويدعي ويستغفر ان ربي مايرده
انا بس مره تطلقت من زوجي واعترف ربي استجاب لي بصلاه الليل وردني لزوجي ونصرني على من ظلموني وعقبها باشياء وايد ادعي واصلي صلاه الليل بس اموري تتعقد اكثر
ياربي تعبت تعبت مادري الحين بطلت خلاص بطلت من صلاه الليل والدعاء والاستغفار بس اصلي فروضي ما اخليها لان الي اشوفه ان البيبان كلها مسكره بويههي وكل ماتمنيت شي ودعيت ربي انه يحقق له لي تطلع لي سالفه تبين لي ان هالشي صعب المنال
ياربي شسوي تعبت مابي اياس مابي اكفر ساعدوني اشلون اخلي ايماني بربي يصير اقوى مع اني يوم كنت ادعي كنت احسن الظن بربي يعني مثلا سنه 2007 كنت ادعي فيها ان تتحقق امنياتي بسنه 2008 وتصير سنه خير عليي وكنت حاطه ببطني بطيخه صيفي وكان عندي ثقه كبيره بربي والنتيجه انها سنه 2008 والله من اولها لي اخرها كلها سنه مصايب ومشاكل مع زوجي ومع اهلي وبالدوام ووفاه ابوي الله يرحمه برمضان وغير قبلها مستشفيات بين مرض ابوي الله يرحمه قبل وفاته وعقبه امي مرضت وعقبه خالتي ام زوجي والله هموم ومصايب استمرت لي منتصف 2009 وهالشي خلاني فعلا احس بالياس والحين الوضع مستتب بس هم اموري مو ماشيه مثل ما انا ابي
تكفون تعبت ابي دعواتكم لان خلاص احس نفسي منهااااااااااااااااره
حياتي لا عشتها قبل الزواج مثل ما انا ابي ولا بعد الزواج عشتها مثل ما انا ابي

اشدعوه المشاهدات 25 ولا اكو رد

مريومه الكويت..حبيبتي تعوذي من الشيطان ترا اهوا اللي يوسوسلج حتى لو لوكنتي ملتزمه ..والله سبحانه اذا حب عبد ابتلاه .. واما الناس اللي تقولين عنهم فان الله يمهل ولايهمل.. ونصيحه من اخت لج .. اقري كل يوم صوره البقره كامله...واحسني الظن بالله وابشري بكل خير... واسمحيلي عالاطاله..

حنان22 كتبت:مريومه الكويت..حبيبتي تعوذي من الشيطان ترا اهوا اللي يوسوسلج حتى لو لوكنتي ملتزمه ..والله سبحانه اذا حب عبد ابتلاه .. واما الناس اللي تقولين عنهم فان الله يمهل ولايهمل.. ونصيحه من اخت لج .. اقري كل يوم صوره البقره كامله...واحسني الظن بالله وابشري بكل خير... واسمحيلي عالاطاله..

بعد عمري ربي ينولج مرادج يت لي فتره اقراها كامله الحين كل ما ييت ابي امسك المصحف احس بضيقه مو طبيعيه ومالي خلق
ياربي مادري شقاعد يصير فيني
عسى ربي ينولج مرادج ويسعدج دنيا واخره ويسخر لج الناس الطيبه امثالج

مزيونه الكويت كتبت:بعد عمري ربي ينولج مرادج يت لي فتره اقراها كامله الحين كل ما ييت ابي امسك المصحف احس بضيقه مو طبيعيه ومالي خلق
ياربي مادري شقاعد يصير فيني
عسى ربي ينولج مرادج ويسعدج دنيا واخره ويسخر لج الناس الطيبه امثالج

كثري استغفار وحاولي على قد ماتقدرين اذا وسوسلح الشيطان انح اتصلين .وترا الشيطان بيحاول يوسوسلج حتى بصلاتج بس ادحريه وترا هذا جهاد والله انشاءالله بينصرج عليه.. ولاتنسين ان الصدقه تطفئ غضب الرب والله يشافيج. وان شاء الله بدعيلج بكل صلاة .. اسمحيلي طولت عليج .. فيه كتيب اسمه اوراد انصحج فيه...

مزيونة تكفين كبري عقلج والله ياما دعينا وماستجاب دعائي كنت مريضة وادعي بالشفاء سنين مو سنة ولم يستجاب دعائي شنو يتقوم القيامة لا والله كل مااذكر العملية والتعب وانا ادعي طول هالسنين 7 سنوات وانا كنت تعبانة من مستشفى لي مستشفى بس ادري ان ربي ياخذ ويعطي واخر مرة بلندن 3 شهور اقرى سورة البقرة بنية الشفاء وماتشافيت وسويت العملية وكانت نسبة نجاحها 50 بالمية ورحت عمرة بنية شفاء شربت من زمزم بنية شفاء بس ماتشافيت مردي اسوي العملية معناتها اخلي ايماني ينقص لا والله زاد وكل ماذكرت قلت يارب لك الحمد وللعلم ترى عمليتي واضحة بالبطن لو زوج ثاني طلقني يمكن منها بس حمدت ربي وشكرتة ورزقني بزوج متقبلني باي شكل ترى ربج مايبلى الا المؤمن وانا مؤمنة بهالشي مكتوب غصب بيصير ليش اتكدر ليش اضعف ايماني ترى الحين صرت احسن بس هم تعبانة وقلتيها انا الي مايذكر ربة دعواتة مستجابة لان ربج يوري نعم الدنيا ومايردلة اي طلب وناستهم بالدنيا اما الي ينرد دعائه ربج يختبر صبرة اصبري ولج الجنة شنو احسن من جذي والله لاتحاتين وربج ماينسى عبدة وبيعوضج بالي احسن بس اصبري على ماابتلاج هذي بلوة والله مايبلى الا المؤمن خلي اللوسواس عنج وانا اختج وقومي توضي وصلي مااحد بينفعج لا امج ولا زوجج ماينفعج الا عملج بسسسسسسس لاتخلين الشيطان يزينلج امور الدنيا ترى الدنيا فناء اخذي عزمج من الحين انة ايمانج قوي لا الشيطان ولا تاثير كلام الناس علي يقدر ينزل مكانة ربي الي بقلبي رىى سندج ربج وخير السند ترى كلها وساويس من الشيطان احرقية مثل ماحرق قلبج اقري البقرة باستمرار ماتقدرين شغليها بالبيت خلي الاذكار بلسانج على طول تقدرين كل شي بالارادة مو قول بدون فعل الله يصبرح ولاتنسين وبشر الصابرين اذا اصابتهم مصيبة قالو انا لله وانا الية راجعون الله يحفضج

صح لسانج دراريع عليا
لا تقولين جذي تذكري معاناة سيدنا موسى عليه السلام اللي صبر 950 سنه مو10 سنين وما ياس والله يقول في سورة يوسف بسم الله الرحمن الرحيم ولا يياس من روح الله الا القوم الكافرون صدق الله العظيم
احتسبيه اجر وتخفيف ذنوب يا قلبي وكثري وزيدي وغيضي الشيطان لا يا قلبي ابعدي هالاشيا و الافكار من بالج وانطري الفرج وحاولي تشغلين عمرج باشيا مفيده مو تروحين تقعدين مع ناس ناقصه عقل الله يهديهم ويهديج

لازم تحسنين الظن بالله حتى لو ماتحقق اللي تمنينه عادي هذا اختبار صبري نفسك وبتشوفين الفرج

واذا جتك ضيقه او تسويف لفعل الخير وقراه القران انتي محتاجه رقيه ررررررررقيه وربي خير وبركه وشفاء لمافي لصدور

هلا يالغلا

حبيبتي كل الي فيج وسواس من الشيطان اعوذ بالله منه

كلنا ساعات تمر علينا ايام نتضايق ونحس انه كل شي ضدنا

لكن اذا استسلمتي لهشعور والاحساس

صدقيني بتفتحين باب لشيطان اعوذ بالله منه

وتزيد حالتج اسوء واسوء

انتي قومي وصلي صلاة الليل وكل فروضج

وهذي ضيقه وتمر

وياحبيبتي مو كل شي نتمناه بالدنيا نحصله

قولي الحمدلله على نعمة الصحه والعافيه غيرنا مبتلي في بلاء مرض وغيره


الله يكفينا الشر اجمعين


قولي الحمدلله وقمي الحين صلي ركعتين لله واستغفري بقلب صادق

حبيبيني سوي لج رقيه شرعيه يمكن لاسمح الله مسحوره والا عين
والله يشافيج من كل شر

هلا اختي . . .

ما سألتي نفسج يمكن ما تحققت الامور اللي تبينها خيرة لج ؟

في امور ندعي ربنا تتحقق لنا ونصر بالدعاء من اجلها لكن ربج كريم وهو علام الغيوب وخيرة انها ما تتحقق

لنا . . .

انتي تشوفين انها من صالحج لكن الخيرة غيبية لا يعلمها الا الله . . .

وفي امور يؤجل تحققها ليوم الدين وهم خيرة لناااا . . .

يعني لو سألتيني هل تحققت كل اما*** بقولج لا شي بسيط جدااااااااااااااااااااااا تحقق والحمدلله على كل حال . . .

كلنا جذي مو كل شي نبيه يتحقق لنا ولا تقولين الانسانة الحقودة المفرطة في التزامها مع الله يتحقق

لها كل شي ما تدرين يمكن هذا ابتلاء مو نعم ونتائجها تظهر عليها بشكل سيء مع السنوات . . .

وربي يرزقج الخيرة في كل شي يارب

جززاكم الله خير كلكم الي رديتوا عليي
ربي ينولكم مرادكم ويسعدكم
والله مادري اشصاير فيني حتى الصلاه احسها ثقيله عليي غصب اقوم اصلي بس عشان فرضي وهم مو بخشوع مادري شصاير فيني تعبت تعبت
الله كريم يارب ارحمني وصبرني
حتى امي الله يطول بمرها دايما تدعي لي ودعاء الام مستجاب بس مادري المصايب تزيد ماتنقص
الله كريم

مزيونة الكويت


حبيبتي هذا ابتلاء واختبار من رب العالمين اذا انت بتصبرين او لا سيدنا ايوب كم صبر ؟؟ 40 سنة
انت لا تفقدين الامل خلي ايماانك بالله قوي وبعدين اذا الله ما استجااب دعائك اكيد بتحصليه في الاخرة
ولا تقارني حيااتك بحياة غيرك اللي .
استغفر ربك واايد عقب كل صلاة ولا تنسين القران ابتعدي عن الوسواس .


تقبلي مروري أختكـ " عبقرية زماانها "

حرام عليج اختي تقولين الكلام ادعي ما يستجيب واصلي واستغر ما صار اللي بالي ؟نصيحة اذكري اللة في كل وقت اكثري من الاستغفار وصليالصلاة بوقتة لا تخلين الشيطان يشتت مخج _ لو تشوفين مصائب الناس تقولين الحمدللة على كل حال باللة عليج شغلي صورة البقرة كل يوم حافظي على اذكار الصباح والمساء ربج يفرج يارب

ماقصرتوا ربي ينولكم مرادكم ولا تشوفون هم ابد