مادري شسوي مرت حماي تغار مني

مشكله رفيجتي

السلام عليكم بنات يعطيكم الف عافيه عندي رفيجتي البنات وايد يغارون منها شنو الحل؟؟

المفروض هي الي تكتب الموضوع مو انتي؟؟؟

الي متضايق هو الي يشكي ولا تقذف الا الشجرة المثمرة

يمكن هي ماااااتحب تتكلم كثير ....


عاااااااااااااد لزم تتكلمك معج...


مو لزم..


الله يوفقج

اللة يعينج
عندنا وعندج خير
حتى انا مرت حماي مو تغار الا ما تطيقني ليش لان زوجها كلة يمدحني
انا من النوع الي اذا طلب مني زوجي شي انفذة ولو شنو مايصير لانة واللة مو مقصر معاي بشي الحمداللة
ف زوجي اللة يهدية مرة قالي بنزل العشا تحت باكل مع اخوي هذي السالفة قبل سنة كنت توي متزوجة لي 5 شهور
عاد انا احب اتفنتق بالطبخ
حماي انجن ياحظك اذا كل يوم عشاك حركات ودلع مو انا مرتي اذبحتني بالبيض وشكلي بيطلع لي ريش من كثر ما اكلة
وصار يوميا يتعشا من عشاي واللة انا الود ودي ماياكل مني مرتة موجودة بس شسوي زوجي تطلبني
ومن عقبها كرهتني وصارت مشاكل مع زوجها
هي ما تقولي شي بس يبين ما تكلمني زين ما تقعد معاي ماتسلم عدل بالعربي المرة تغيرت علي
الحين الحمد اللة افتكيت ماعاد انزل عشاي تحت حماي سحب نفسة حتى زوجي مستغرب
فانا اعتقد انها حالفة علية ان كيدهن عظيم
والعلاقة معاها للحين رسمية صرت ما اتقبلها كرهتها
انا انصحج اتطنشين بالطقاق خليج عادي معاها عشان الناس ماتحس

طنش تعش تنتعش وبس

الله يهدي الجميع

وااااااااي الله يعينج حاسه فيج مع اني ماعندي حريم حمى بس عندي وحده من اهل خالتي ام زوجي تمووووووووووت غيره مني حدها تافهه عشان كل من يمدح بلبسي واناقتي ومكياجي وعطوري ومسميني ام الماركات وانا مو غرور بس اجمل منها بوايد اهي كلش مو حلوه اول ماخذاها زوجها كانت ضعيفه بس مغطي على ملامحها لانها مافيها مسحه جماليه بس الحين مع المتن صارت تخرع جنها مصارع وتتفلسف بالرجيم وكله اسمع انها تسوي رجيم وما اشوفها الا زايده بالمتن
واهي صج جناطها ماركات بس تاخذ ارخص موديل من الماركه و محد معبرها وماعندها ذوق باللبس والمكياج ومسويه روحها بو العريف وكله تبي تحاول تاكل الجو عليي بس مو قادره محد معبرها مع ان الي اشوفه ان زوجهها ذهبه وتنحسد عليه ماشاء الله الله يهنيها بس مايندرى البيوت اسرار واحنا ما لنا الا الظاهر
بس انا اشوف انها تافهه مادري شكو حطت روحها بمقارنه معاي انا بالذات

نصيحه طنشي وحقري طاااااااااف ولا كانها موجوده

لا تهتمين فيها اذا هي تغار منج هذي وااايد منتشرررة في المجتمعااات سووويلها ابو الطاف

انت شخص واهي شخص ثاني كل واحد غير لج مميزاتج ولها مميزاتها طنشيها احسن

هههههههه شكو على طول تغار يمكن ماتحب تحتك باحد مو شرط تغار يمكن شي ثاني ههههههههه الحين موضه الغيره الكل يقول تغار

كل ماتشوفيها تعوذي بالله من شرها واعتبري انهاا مو موجوده بالحيااه

طنشيييييييييييييييييييييييييييييييييييييييييييييييي وااااااااااااااااايد هلحركات صيري احسن واثقل منها لاتطلع منج اي كلمه او اي حركه خليج احسن واثقل منها

الله يهدي بعض ردود البنات من قلب مغرورين شنو هالسطحية الله يهدي بس

حبيبتي بينكم يهال وعشرة لا تحطين ببالج وكبري عقلج

هههههههههههههههههههه عنجد ضحكتوني
انا عندي سبع والوحدة منهم عن عشر مسوين فريق اوووف وغير بنات عمه بعد الله لا يوريج انتو وحدة وتشتكون انا شسوي اللي فريق كامل وكل هذا لاني من بره العايلة عندهم حب تملك لشباب عايلتهم ههههههههه
كلهم ضديييييييييي ومن غيرتهم منييييييييييي يموتون ونصهم موجودين هني بالمنتدي قطيييييعة
بس انا حقرااااااااااااااااني ذابحهمممم مساكين الله يعينا عليهم والله ما فيهم عقل صاحي والمشكلة بعضهم مدرسات
اذا هم يبيلهم تدريس بكيفية التعامل مع الناس صج مشككككككلللللللللللللللة

ويي عاد لا تحرين عمرج اهيا محترة وتغار مشكلتها النفسية الواحد يكون عنده عقل و يفكر عدل و انتي الصراحة مالج شغل فيها و طنشي و المشكلة بعد وانا وايد ملاحظتها الجناين إذا سكنوا بيت واحد كل وحدة بطالع الثانية و تتحجا عن الثانية و هكذا الحال بس انتي لا تحرين عمرج اهيا فيها نقص