الي تبي رجيم الخبير وائل عندي

اذا كنتو سامعين عن الخبير وائل الي احط اعلاناته بمجله ممتاز :smile:

انا دقيت عليهم وبالتلفون قالولي جم لازم انزل والمبلغ بس الصراحه وايد غالي واهمه ايبولج لي البيت اوراق الرجيم والشابوره وحبوب بس كل هذا فوق 200 دينار على حسب الجسم انا وزني 65 قالولي 230

بس في وحده اعرفها متينه واايد ماخذين منها اكثر

بس الصراحه انزلت واااااااااااااااااااااايد

المهم رجيماته متشابهه وانا خذيته من رفيجتي
اهوه عباره عن نظامين ويوم تنظيف ويوم رجيم
والتنظيف عباره عن فواكه طول اليوم او خضراوات طول اليوم

وانشالله راح اكتبه لكم اذا في احد يبيه لان حرام تشترونه غالي

ياريت تكتبينة

مشكوره ياليت تكتبينه
وانا استغليته بعد من زمان دقيت قالوا 150 والحكي قبل 3سنوات
بس ماشوف احد مجربه او يمدحه اغلبهم يقولون نصب,,,

عشتي عشتي يالله يالله اكتبي لنااا

تكفين لا تطولين بسرعه اكتبيه

والله انا من زمان ودى اعرف شنو رجيمهم
ياريت تكتبينه
وجزاك الله خير

مشكورة وتسلمين بس انتي كم نزلتي عليه بالضبط ؟

ناطرينك عفية

يالله انبلش بس اول شي لازم يوم رجيم ويوم تنظيف يعني يوم وترك
والتنظيف عباره عن

تناول خليط عصير طبيعي مكون من ( اناناس + برتقال + كيوي + جريب فروت ) من 5 الى 7 كوب خالي من السكر
عند الاحساس بالجوع تناول الفواكه ( تفاح اخضر + عنب اخضر + كوجا + مشمش + بطيخ احمر + فراوله + خوخ + رمان + جوافه + افندي + عرموط )

او التنظيف بالخضار ( سلطه خس +جرجير + خير + بقدونس+ فجل + ليمون اضافه ملعقه نخاله او بذره الكتان
مع شوربه خضار ممنوع الماجي
ملاحظه : ممكن يوم وترك او يومين بالاسبوع يوم التنظيف اما ان يكون التنظيف بالفواكه طول اليوم فقط
او بالخضارطول اليوم فقط

يسمح بتناول من 1 الى 5 تمرات

يتبـــــــــــــــــــــــــــــــــع.................

النظام الاول :

الافطار : ( 2 كوب ماي على الريق )
• جبنه قريش ( او اي نوع من الاجبان قليله الدسم ) اوا لبنه التوفو قليله الدسم + حليب قليل الدسم
• بيضه مسلوقه بدون صفار او 3 – 4 ملاعق فول + سلطه خضرا مقطعه + 5 – 7 حبات زيتون

الغداء : ( 2 كوب ماء قبل الوجبه بنص ساعه )
• سلطه خضراء + كوب خضار مشكل او فاصوليا او بزاليا او كوسه مسلوقه او على البخار
• صدر دجاج مشوي او سمك + خضراوات مسلوقه
• 5 -6 ملاعق ارز مسلوق + سلطه خضراء
• 1 -2 شريحه همبورجر او ستيك مشوي + كوب خضار مشكل مسلوق او على البخار

العشا : (2 كوب ماء )
• بيضه مسلوقه بدون صفار او تونه بدون زيت مع خل وليمون
• 3 – 4 ملاعق فول + كوب سلطه خضراء + كوب روب خالي الدسم
• قطعتين بسكوت لايت
• 2 تفاحه خضراء او 2 برتقاله او 3 كيوي

ملاحظات هامه :
 اضافه 2 ملعق نخاله او بذره الكتان على السلطه وعلى الروب
 اضافه 1 -2 ملعقه خل التفاح على السلطه
 اضافه زيت الزيتون او زيت بذره الكتان او زين كانولا ( متوفر بمركز السلطان ) مع الطعام
 عدم تناول النشويات بصفه عامه والتركيز على المشويات

النظام الثاني :

الافطار : ( 2 كوب ماء على الريق )
• 3-5 حبات تمر
• جبن قريش +بديل الخبز ( تقدرون تستبدلونه بالشابوره السمرا )
• كوب لبن او حليب ( قليل الدسم او صويا ) + بديل الخبز
• بيضه مسلوقه + توسته سمرا

الغداء : (2 كوب ماء )
• سمكه مشويه + سلطه خضراء
• نقانق مشويه او مشاوي ( تكا , كباب , شيش طاووق ) + سلطه خضرا او شوربه خضار
• 5 -6 ملاعق ارز مسلوق + مرق ( باميه , خضار , ملوخيه )
• 5 -6 ملاعق معكرونه + صلصه حمره بدون دهن
• 6 – 8 ملاعق ارز اسمر مسلوق او معكرونه سمرا مسلوقه

العشاء : (2 كوب ماء )
• شريحتين تركي او مرتديلا + توست اسمر + سلطه خظراء مقطعه + روب خالي الدسم
• 1 – 2 ستيك مشوي
• تونا + سلطه خضراء + توسته سمرا
ملاحظات مهمه :
• تقليل المكسرات والحلويات
• عدم شرب البيبسي ويستبدل دايت بيبسي ويسمح واحد باليوم
• يسمح بشرب كوب من الشاي او القهوه ( يفضل الشاي الاخضر )
• يستخدم بديل السكر ( السكرين او الكاندريل او سكر الذره )
• ممنوع التركيز على وجبه كل يوم يرجى التنويع
• يشرب شاي رويال للرجيم بعد وجبه الغداء فقط مع اضافه البابونج او النعناع حسب الرغبه
• يسمح التنويع في الوجبات بين النظامين

تسلم ايدينج لا بالعكس حلو ومنوع بس قاسي شوي

الله يعطيج العافية

مشكوره حبيبي :)

يعطيج العافيه
خوش رجيم

الله اعافيج واخليج ((((كوثر ))))

والله حلو مشكورة حبيبتي

(غداير ) حلت ايامج انشالله

ثانكيو على المرور :)

مرحبا أختي

أنا من اللي أتبعوا هذا الرجيم والنتيجة ع***ة

في البداية نزلت9 كيلو في أقل من اسبوعين وكان روعة

وأنا ماشية معاهم بالحرف لكن فجأة زاد وزني بدون مقدمات أثناء الرجيم مع أمساك

وكنت أبلغهم وأختلفت تبريراتهم ........ تخيلوا عندهم خبيرتين كل وحدة فيهم تعطيني طريقة تحسن فيها

الامساك اللي ملازمني وتقولي سبب غير عن الثانية للأمساك

وبعدها كلمني وائل نفسة وبرر لي ان زيادة الوزن نتيجة لقرب الدورة الشهرية

وأن وزني راح ينزل لمن تنزل الدورة

ولازم أخذ ملعقتين زيت الزيتون على الريق

وفعلا نطرت تنزل الدورة وكنت أخذ زيت الزيتون

لاكن مافي نتيجة نزلت بس كيلو واحد فقط بعد الدورة

والامساك زاد لحد ما صرت اخذ حبوب ماينة

ولا في نتيجة

تخيلوا وصلت لدرجة الدوخة وبالأخير الترجيع

وتركت الرجيم في أقل من شهر

مع أني من اللي يسوون رجيمات وايد

وبنتظام

لكن هذا سبب لي تعب في المعدة

ولمن تركته رد الوزن بسرعة زاد دبلات

بسبب الامساك اللي لازمني وتعبني وايد

وهذا اللكلام من شهر10 اللي طاف وقاعدة اتعالج منه

اهم شي الطبيعي

بعدو عن الحبوب والخلطات والاعشاب المصرية للتخسيس والله سلبياتها أكثر من

ايجابياتها

الكل شاف صورة الخبير وائل ما سألتوا نفسكم اهوه ليش ما يطبق الرجيم على نفسه!!!!!

تقبلوا مروري

بس والله حبيت أنصحكم عشان ما طيحون بنفس الغلطة اللي أنا طحتها