→

اووووف تعبت بليييز عطوني حل؟

العروس · 1,275 مشاهدة
📦 أرشيف هذا الموضوع محفوظ من المنتدى القديم (2010/07/10) — للقراءة فقط. المعلومات قد تكون قديمة.

اووووف تعبت بليييز عطوني حل؟

بقلم نونهـ · 2010/07/10 · 15 رد
نو
نونهـ 2010/07/10 · #1
صباح الخير






شلونكم بنوتات انشالله بخير

أمبيه بنات وانا أكتب الموضوع ايدي ترجف من الخوف والله يابنات صار عرسي نفس الشبح
باجيله 14 يوم الله يعديه ع خير ومااذوق طعم النوم وغير الكوابيس والاحلام كله صوب والصوب الثاني اني أتحلم ان الميك أب مو ضابط واقعد اتحلطم بالحلم لين اقعد ووووووووع لاعت جبدي
وين ايام قبل اطقها شخري ومااحس بالعالم ياربي بنات هذا الحين عيل لو عرسي باجر والله يمكن يصير فيني تبول لا إرادي خخخ
قولولي الي نفسي شنو ناويه تاكل حبوب منوم والا تخليها مع الله؟!!
أن
أنغام القصيد 2010/07/10 · #2
أختي أول موفقه إن شاءالله ...
أحسن لاتحاتين حاولي تنسين الوقت اللي باقي خصوصا إذا كنتي مخلصه التجهيز بس أشغلي نفسج في برنامج للعنايه بالجسم وحاولي تنسين المكياج الحين ...
حـ
حـــ الكون ـــلآ 2010/07/10 · #3
ههههههههه

تصدقين أنآ نفسج بآجي عليه شهرين ومن الحين خوف ومحاتاه هههههه

شوفي بقلوج ع طريقة ,,أنا نظامي اذاذ وراي شي بسيط عادي موعد طبيب او بروفا نفنوف أو اي شي
مانام شلون اذا عرسي؟؟
فامي تقول بعطيج حبوب قلت إي عشان يوم العرس تقعدوني وأنا اقولكم ماشبعت بعد شوي هههههههه

المهم شغلت مخي وفكرت <<الله يستر كل مافكر يصير شي خخخخ
عاد مافي غير هالحل قبل عرسج يعني مثلن عرسج الخميس انتي تكونين الثلاتا قاعدة ومواصله لي الاربعا صج بتتعبين غصبن عنج بتنامين ع س7 او س9 بالكثير وماتقعدين الا يوم عرسج =الخميس شبعانه نوم ومصحصحه حق اللوية

شرايج ؟أسويهآآ؟
بر
برنسـس 2010/07/10 · #4
ألف مبرووك

موفقة إن شااء الله
مو
موقه 2010/07/10 · #5
انا يوم شفت توقيعي امس >>>





ماااااااا نمت رحت للدوام مواصله

نو
نونهـ 2010/07/10 · #6
يعطيكم العافيه
حبايب قلبي حلا الكون والله لاتسوينها همن ماراح تنامين خخخ
در
دراريع عليا 2010/07/11 · #7
الله يوفقج خليج عادي ريلاكس ترى النفسية يلعب دور باجر حبوب والوجة ينصفق انتي داخلة التجربة ادخليها وانتي حابتها راح تضحكين على عمرج بعد العرس وحلات العروس فرش مو منصفق وجها ترى عاااااااااادي والله دخلت الصالة من الصدمة بس اضحك ياحلات صوري وفي صور لما دخل المعرس مرتبكة وااااع
نو
نونهـ 2010/07/12 · #8
عليا حياتي تسلمين ع المرور والكلام الطيب اي والله شكلي بنسى الهم
وادخل اضحك بس لايقولون هذي شفيها ماصدقت تزوجت خخخ
در
دراريع عليا 2010/07/12 · #9
نونهـ كتبت:عليا حياتي تسلمين ع المرور والكلام الطيب اي والله شكلي بنسى الهم
وادخل اضحك بس لايقولون هذي شفيها ماصدقت تزوجت خخخ


هههههااااي امي بالصالة وانا اضحك ترى بالعكس تكيدين العذال وانا متعمدة في كم وحدة قاثتني وامي تكلمني لاتضحكين يابنت وانا مبتسمة للحياة ولما دخل المعرس الصراحة ارجف ومكشرة بالتصوير مو شي بس نصيحتي ابتسمي بيمووووتووون المعرس ماراح يطل بوجههج هههاي لاطل اسكتي لاتضحكين ترى يبا عادي لاتذكرتي الايام بعدين تقولين حسافة ياليتني اضحك عاد مو ضحكة فاكة الفم لالالالالا ابتسامة واسنانك ماتبين بس خفيف عرفتي
مم
ممرضة جلديه 2010/07/14 · #10
اولاا الف الف مبروك باجر بتندمين علي خووفج لانه مافي شي يخووف اهم شي خلج متاابعه علي الرقيه عشان تحفظين نفسج من العين "؟

والله انااا نمت ماقعدت ال الصبح علي اساس اني اكلم زوجي وما اخااف ورحت الفندق وانا اضحك واسولف واطلب اكل واكل ومافيني ال العافيه

يعني الي يشوفني يقول مو عروووووس

وبتصوير يقولون الزفه واصله يلاا انا اقول مابي بخلص الصور شنووو مابي يعني عيني قويه وما خاااف وصورت والناااس تنتضر


ومشيت وانااا مو راضيه بعد بصوور ههههههههههههههه بس ركبت الاصنصير انزل لي الايموزين ال الدموع اربعه اربع ههههههههههههه


المهم سكت لانهم ماتوو ضحك علي توج تعاندين وتضحكين ومو مهتمه المهم فكرت انه حبيبي واسولف معاه عادي

بالايموزين اضحك واسولف وندمت اني بجيت وعااااادي حدا الوضع واشرب العصااير واحذف العصااير حق بنات عمي وخالتي

ويرقصون واعيب


دخلت الصاله وانا اضحك شوي ولا ادموع اربع اربع هههههههههههههههه



ودخلت وصلت الكوشه وعادي اضحك ومابجيت وجا المعرس وانا عاادي جابو الكيكه ولااا مفجاة من ابوي ولا الدموع اربع اربع وهوو يزفني هيههيهيهيهيههيه


والله وناسه الله يوفقج يارب وما انصحج تبجين ولاترتبكين تراا الموضوع حده سهل سهليهاا تسهل ان شاء الله
نو
نونهـ 2010/07/14 · #11
ممرضه هههههههههههههه
والله مت ضحك احس انج تكابرين بعرسج ولمن تضعفين تبجين عورتي قلبي

بس دعواتج غاليتي
نو
نونهـ 2010/07/14 · #12
دراريع عليا كتبت:هههههااااي امي بالصالة وانا اضحك ترى بالعكس تكيدين العذال وانا متعمدة في كم وحدة قاثتني وامي تكلمني لاتضحكين يابنت وانا مبتسمة للحياة ولما دخل المعرس الصراحة ارجف ومكشرة بالتصوير مو شي بس نصيحتي ابتسمي بيمووووتووون المعرس ماراح يطل بوجههج هههاي لاطل اسكتي لاتضحكين ترى يبا عادي لاتذكرتي الايام بعدين تقولين حسافة ياليتني اضحك عاد مو ضحكة فاكة الفم لالالالالا ابتسامة واسنانك ماتبين بس خفيف عرفتي




ههههههههههه
عليا تصدقين انا من غبائي كنت بدش قوي تدرين كنت بحط اغنيه الدخله
لا لا ماتقدرون حق راشد الماجد بس الحمدلله خواتي قالوا شنو هذي الي مايحقد يحقد
عاد انا جنا احد طقني طراق اي والله شكو داخله بقوه خخخ
الحين انتي تبين اقث العذال والله احس نفسي بموت من الخوف ويني وين العذال هع
أم
أم نوافي 2010/07/14 · #13
نصييييييييييييحه قبل عرسج بيوم روحي سوي مساج ريلاكس بالشرقيه واذا انتي بالجهرا روحي لمسات عندهم خوش مساج0000

والف مبروووووك وهذي ليله عمرج لاتخربينهااااااااااااااااااا عليج وبعدين تقولين ياليت ضحكت ليش يسمونها ليله العمر؟؟


الله يوفقج ويسخر لج زوجج يارب0000
Aj
Ajmn 2010/07/20 · #14
مبروك وموفقة باذن الله
نو
نونهـ 2010/07/21 · #15
شكرآ عالمرور
نو
نوره القطوه 2010/07/27 · #16
ابيييييييييييييييه انا عرسي عقب شهر من كثر هالرعب صج ببجي من الحييييييييييين مابي اخلي امي وخواتي واخواني وبيتنا واروح اقابل وجهه مابييييييييييييييييييييييي
وبعدين تعالو ممرضه ماشالله عليج والله يوفقج يعني وناسه تعرفون بعض وتحبينه ويحبج احنا البدو جنجفه يعني يا تصيب يا تخيب ما تشوفين وجهه ولا يشوف وجهج غير يوم العرس قمة في الرعب وانا من الخرعه والروعه قلت ماني داشه الصاله اصلا من صجكم مالي قلب والله مالي قلب اروح الفندق على طول ابرك
كنتي عضوة بالمنتدى القديم؟
استرجعي حسابچ وشوفي مشاركاتچ ومحتواچ من ٢٠٠٩.
استرجعي حسابچ

مواضيع من نفس القسم

ارقام مصممين ومصوري وصالونات ومشاغل وكل مايختص بتجهيز العروس 94,079 مشاهدة
فديتكم يابنات الكويت دلوني على احسن المحلات عندكم 50,436 مشاهدة
دليل هواتف صالات الأفراح (نساء – رجال ) 48,524 مشاهدة
مستلزمات العروس من الالف الى الياء 41,308 مشاهدة
دليل كل ما يهم المرأه والعروس على ارض الكويت الغالية 35,719 مشاهدة
جااااات للعراايس :) 34,163 مشاهدة
انضمي لسيدات للمشاركة والتعليق والحفظ والتسوّق — مجاناً
انضمي دخول