كرهت حياتي ونفسي وولدي بسبب تصرفات زوجي الغبية

بنات انا وايد متضايقة

زوجي مصخها

تخيلوا كل ماصارت بيني وبينه مشكله صغيرة كانت او كبيرة الا راح قال حق امه وخواته عنها بالتفصيل ويخليهم يتدخلون في حياتنا ومشاكلنا !!!!!!!!!!!!!!!!!!!! :frown:

انا سكت له وايد بس اليوم تنرفزت بزيادة يوم سواها

حتى من كثر مااحترق قلبي قلت له في وجهه بدون شعور انت مو رجال لأن كلما صار شي رحت تقول لامك وخواتك !!!!!!!!!!!!!!!!

انا ماصار لي من تزوجت الا سنة تقريبا وعندي ولد واحد والمشكلة اللي صارت اليوم بسبته

مو عارفة كيف اتصرف معاه

شرايكم بنات ساعدوني

شلون اتصرف مع المشكله ومع زوجي وحركاته البايخه

للمعلومية انا ساكنة مع اهل زوجي في نفس البيت هذا اللي زايد الطين بله

بصراحه الله يعينج عليه ... ان شاء الله المتزوجات وصاحبات الخبره يفيدونج

هلا أختي . . .

قعدي وياه وقوليله ترى مشاكلنا تكون صغيرة لكن لما يتدخلون اطراف اخرى تكبر . . .

وكل واحد فيكم يقعد يكابر ويزودها حبتين جدام هالاطراف . . .

طولي بالج اول سنوات الزواج يبيلها صبر لانكم تقعدون تكتشفون بعض عيوبكم وحسناتكم . . .

احيانا تحسين انه عدو لج واهو نفس الشي . . .

لكن قاومي هالشعور وتعوذي من ابليس وطوفي . . .

وحاولي تتفاهمين ويااااه وقوليله شنو تستفيد لما تقول لخواتك وامك؟

هل تعتبريني عدوة لك وتبي تحشد جنود للوقوف في صفك؟

ان كانت هذي نيتك فأنت غلطان لاني زوجتك وحبيبة لك وابيلك الخير بس لازم نطوف لبعض بعض السوالف والمواقف. . .

علشان حياتنا تمشي . . .

وربي يسخركم لبعض يااارب

ام عبدالله صح صح الله لسانج طبقي وقوليلة انا سترك وغطاك اذا بدخل من طرفك ودخل من طرفي راح نقوم القيامة نحل مشاكلنا مع بعض مالة داعي تدخل طرف 3 بينا وانت واثق بيوقفون معاك حتى لو انك غلطان لاتحسسني اني ضعيفة في امور اتجاهلها وفي امور مالها داعي انها تصير عندك راي ناقشني كلمني اهلك على عيني وراسي بس هذي اسرار بيني وبينك وماارضى بايا كان ياخذ قرارة على حساب حياتي لو انها امي عرفت ترى معزة امك من معزتك وحطها بعيوني بس كافي الناس مغرقنهم الهموم نزيد همهم هم ليش عندك شي تعال قولي بيني وبينك وحنا نحل مشاكلنا بنفسنا بدون تدخل اي طرف كان رجاء لاتفهمني غلط انت دنيتي وحياتي يمكن باول الطريق مع بعض وماابي اخسر انسان حبة قلبي ترى امك حسبت امي وعلى راسي بس مابي اصغر بعينها وتركبني الاخطاء واطلع انا غلطانة اذا كل يوم بدخل امك ولا اختك خلاص نتم حسبة اخوان انت بغرفة وانا بغرفة عشان اتفادى دخول اي احد مملكتي الشخصية وترى تزوجتك انت مو امك واختك تشوفهم قدامك منفعلين بس اي موقف ثاني بيقولون والله مانخلص منهم ومن مشاكلهم لاتسكتين بس بسياسة وعبرة ودمعة وصوت مقهور وابدي كلامج حياتي بسالك سؤال للامانة تجاوبني بصراحة انت شايف تدخل امك وخواتك وامي وخواتي اجمعي اهلج واهلة بكل شي في حياتنا بيحل مشاكلنا وانطري لين يخلص وعقب هلي الكلام علية

أم عبدالله كتبت:هلا أختي . . .

قعدي وياه وقوليله ترى مشاكلنا تكون صغيرة لكن لما يتدخلون اطراف اخرى تكبر . . .

وكل واحد فيكم يقعد يكابر ويزودها حبتين جدام هالاطراف . . .

طولي بالج اول سنوات الزواج يبيلها صبر لانكم تقعدون تكتشفون بعض عيوبكم وحسناتكم . . .

احيانا تحسين انه عدو لج واهو نفس الشي . . .

لكن قاومي هالشعور وتعوذي من ابليس وطوفي . . .

وحاولي تتفاهمين ويااااه وقوليله شنو تستفيد لما تقول لخواتك وامك؟

هل تعتبريني عدوة لك وتبي تحشد جنود للوقوف في صفك؟

ان كانت هذي نيتك فأنت غلطان لاني زوجتك وحبيبة لك وابيلك الخير بس لازم نطوف لبعض بعض السوالف والمواقف. . .

علشان حياتنا تمشي . . .

وربي يسخركم لبعض يااارب

مع كل كلمه قالتهاااااا خيتؤؤؤؤ ام عبدالله..

صدقيني بالتدريج تقدرين تعودينه على اطباااعج وزوجج على ماتعوديـــــــــــــــــــه

يعني بالهداااوه راااح تقدرين تغيرين فيه واللي يسويه صح غلط وموحلووه

قولي له ترضى اطلع مشاكلنا عند اهلي وادخلهم بيننا اذا انت ترضاا انا مااحب احد يتدخل بخصوصيااتنا

بالكلمه الطيبه وبالهدااوه تغيرينه ..

اول سنه وثاني سنه راح تصير تصادماااااااااااات بس الذكيه اللي تعرف شلوون تتصرف ويا زوجهاا

تغير منه للطريق الصحيح ..

يمكن هو من النووع اللي اذا زعل يبين عليه ومايحب يخش اللي بقلبه واذا نزل عندهم وشافوه

متضايق يسألونه وطبعااا هو يسردهااا عليهم .. حاولي تنهين المشكله ولاتكبرينهااا

حاولي تحلينهاا بوقتهاااا ..

ربي يسخره لج ويهديه لج ..

هلا حبيبتي ماقصرت ام عبدالله

انا اوفقها الراي

واهم شي طولي بالج

شووفي حبيبتي انتي توك باول المشوار وياما حنشوف اولا لازم تمسكين نفسج واختاري يوم تكوني هاديةعشان تتفاهمين وياة اكشخي ذاك الكشخة جيبي الي وراك وخلي الجو رومانسي اول مايشوفك هادية ومبتسمة فاتحية بالموضوع عاد انتي وشطارتك مثلا قولي امي ماخليها تدخل بحياتي الخاصة وكمان خواتي مستحيل اخبرهم بشي عن حياتنااكيد انت نفس جذية اعطية ثقة مو تكونين هاجمة علية انت وانت كذ بيعند ولاتنسين الاستغفار مائة مرة ولاحول ولاقوة الاباللة وصلاة على النبي علية افضل الصلاة والتسليم ................................................................................:wink_smile:

الله يعييييييييين

باحاول اشوف يوم واكلمه في الموضوع

عاد ان شاءالله ينفع وياه

مشكورين ماقصرتوا ياعمري انتوووووو

الله يصلحكم لبعض ويهديكم
ام عبدالله ماقصرت فهميه عيب كل شي يقوله لاهله الصراحه هالسوالف للحريم موللرجاجيل
والمشكله اذا دش فيها احد 3تكبر ياختي فهمي اهله قوليلهم مابي احد يدخل بمشاكلي مافيها شي مو عيب لاتستحين وقوليلهم فهموه انه لايدخل احد بمشكلنا لا من اهلج ولا من اهله

الله يكون بعونج حبيبتي

مشكورين على المرور

المشكله كلمالها وتتعقد اكثر
الله يكتب اللي فيه الخير يارب

حبيبتي انتي لج حق تزعلين بس مايصير تسوين سالفه وتكبرينها باجر بيروح لاهله ويقول زعلت عشان

دخلتكم بالموضوع ماتسوى عليج...باجر هو واهله يقلبون عليج..انا اقول كلميه بهدؤ واقنعيه..اهو نوعيته

بيبين حق اهله شوفوني انا مو حيل احبها انا زوجي كان جذي ومازال بس خف حيل الحين

طيب وشلون اتعامل معاه اذا كان يبين لاهله انه مو حيل يحبني ويمكن يطلع صج مو حيل يحبني مادري شسوي انا احترت بعمري مع هالريال

والله تعبت تعبببببببببببببببببببببببببت

طيب وشلون اتعامل معاه اذا كان يبين لاهله انه مو حيل يحبني ويمكن يطلع صج مو حيل يحبني مادري شسوي انا احترت بعمري مع هالريال

والله تعبت تعبببببببببببببببببببببببببت

انا قمت كل ماقالوا الله يعينج مبين عصبي معاج اقول منو فلان لا والله يتهيالكم انجنوا لانه هو كان عصبي على

خواته شلون تغير معاي...بس انا ماانصحج تسوين جذي راح يقلبون عليج ويحاولون يغيرونه مو من مصلحتج..

انا اقول خليج طبيعية معاه بس لاتعدين الموضوع وكلميه من غير عصبية..ولاتتكلمين جدام اهله عن اي شي

واذا تدخلوا اهله قولي مافي الا العافية كل بيت فيه مشاكل ولا تبينين انه في شي بينج وبين زوجج لهم حتى

لو تكبر بينج وبينه لان انتوا بتنسون بس محد من اللي حواليكم راح ينسى...

خلف السحاب كتبت:طيب وشلون اتعامل معاه اذا كان يبين لاهله انه مو حيل يحبني ويمكن يطلع صج مو حيل يحبني مادري شسوي انا احترت بعمري مع هالريال

والله تعبت تعبببببببببببببببببببببببببت

لا تقولين مايحبج كل الرياييل جذي رضا عالمرة حطها فوق راسه واذا زعل نسا كل شي حلو

عوديه اذا صار اي شي بينكم لايطلع لاحد تعاملوا عند حمولتج عادي بس ببيتكم ازعلوا وبجذي

حتى اهو راح يتحسف اذا شافج ماتحبين المشاكل...:teeth_smile::teeth_smile: