أبي ريحة بنتي تفووووووح

مرحبا صبايا ..

حبيت اسألكم ابي خلطات او عطورات خاصه حق البيبي , بنتي عمرها 4 شهور و ابي ريحتها تفووووووووووح .
ياليت اللي غندها خبره تقولي
آنا خذيت لها كلونية جونسون من سنتربوينت ريحتها حلوه و ما تسبب حساسيه بس مو فواحه يعني
ما يبين فيها ريحه
بليز ساعدوني

شوفي حبيبتي في عطورات تهببببببببببل حق اليهال لهم ركن عند السواني وعند الجوهره وبالمطار
شحلاااااااااتهم وبنتي كبر بنتج استعملها من هالعطرات عطر اسمه جاكادي شحلاااااااااته
وانا احب حق البيت عطر ساره القديم القرشه الورديه اموت عليه احس فرش

و ما تسبب حساسيه ؟

عطر جاكادي وين ألقاه ؟

قتلج في منه ركن عند الجوهره والسواني والشايع
وفي بنفس الركن عطر الغطا ماله على راس ارنب شحلاااااااااااااااااااااته

ولدي مميز بريحتة من شهر لي سنتين ونص اول شي كل يوم سبوح بخر هدومة بغرفة ثانية وحط بودرة رين دروب بس على الرقبة عند اجمل وكمبوديشيي من الرقبة ورى مافي نفس ريحتة وعطر الشايع الابيض مال اطفال نسي اسمة ريحتة بودر

أغسلي هدومها عادي والشفطه الاخيره

حطي كلونيا fa الورديه على الماي ونشفيهم شوي

راح تطلع ريحة ملابسها روعه وبعد راح تلزق ريحتها بجسمها

وأن شاء الله أكون أفدتج

هلا اختي . . .

سبحيها ونشفيها عدل . . .

وابتعدي عن الكلونيا والعطورات والبودرة وهالسوالف حتى لو كانت للاطفال . . .

مالعب بصدور الاطفال غير هالسوالف نصيحة . . .

خصوصا ان جونا ملوث وزيدي عليه الغبار شلون بتقاوم هالطفلة هالبيئة . . .

ربي يحفظها ويحفظ عيالنا يارب . . .

يعطييييييييييييكم العافيا و مشكوريييييييييييييييييين

بالنسبة لبنتي الكل يسألني عنها اسبحها بمنتجات بيبي جونسون اللأفندر واحط لها البودرة عقب مالبسها الفانيلية وتالي البسها البيجاما او الهدوم ماشاء الله الريحة خنينة والكل يسألني عنها وماخذه لها دهن عود من الشايع جدها استانس عليه وايد اللي بتطلبه تقوله دهن عود أطفال وبس.

هلا حياتي انا ولدي ريحته اسم الله عليه من نولد حلوه في عطورات من بيبي جونسون من غير كحول وماثر بالجاهل مثل هذي الصوره


تلقينهم بكل الجمعيات واحلى عطر اسمه ندى الصباح لونه ازرق مالقيت صورته حلوووووو حييييييييل0000

والله يخليلج البنوته الحلوهههه000

تسلميييييييييييييييين ام نوافي
اي هذي استخدمها لبتي
جربت الوردي و الاخضر
امسح بالقطنه على رقبتها

حرام عليكم اعمارهم اقل من سنتين عطور وبخور وبودره معطره؟؟؟ والله مو زين لهم
اهم شي النظافه واستعملي بودره جونسون للجسم وعلى الرقبه وحطي كلونيا جونسون للاطفال حطي بيدج شوي ومسحي على راسها وملابسها

اي ام محمد انا استخدم بودره على جسمها
و كلونية جونسون

كلونيا ساره الورديه رووووووووعه عطر بنتي الدائم بعد السبوح وألحين الله يحفظها عمرها 9 سنين ،،
وعشان تثبت الريحه حطي للبيبي زيت أطفال نونو بعد السبوح ورشي على الملابس كلونيا ساره للبنات وساري للاولاد موجوده بالجمعيات.

ثااااااااااااااااااااااااااانكي زيييييييييييييييييييييينه

الحمدلله عيالي دايما ريحتهم حلوه وهذي شهاده حمولتي و اهلي
انا اسبح الياهل بمنتجاتى بيجون للاطفال وتلاقينهم في جمعيات وسنتر بوينت....شامبو ريحته روعه و شور جل رائع
وانا ما احب استخدم البودر اخاف علي صدور اليهال بس عقب السبوح وتنشيف لوشن بيجون علي كامل الجسم فبل الفنيله وبس البس الياهل بس احط شوي كلونيه بيجون علي التبان الخارجي صوب الحفاظه فقط وجذي ريحه الياهل تهبل حتي اذا سواها وبدلتيله تم حلوه...والحمدلله

كلونيا جونسون قوية حيل على صدر الجاهل . مره كنت احطها لملابس بنتي ضرسي شم من قوة اريحتها فما بالكم بصر الجاهل خصوصا قبل السنة

مشكوريييييييييييييييين ع الردووووود