كما وصلتني قصة إحدي أخواتنا العضوات . . .

انا طلبت من ام عبدالله انا تنشر قصتي وارجو من الله انها ما تحذف ولا كلمه بسم الله ابدء اناا من سكان الكويت اتكلم اللهجه الكويتيه لانها قريبه جدا من لهجتي الاصليه ولكني لست كويتيه مشكلتي اني احب الكويت حب اقسم بربي اللي ما ارجو غيره اني احب الكويت بشكل جنوني واحتقر بلدي واكرهها ولا احب اسمع اسمها انا ولدت بالكويت ودرست بالمدرسه اللي بالفحيحيل ام القرى اسمها ايام الغزو كنت بال11 سنه سافرنا على دولتنا اللي ماشفنا منها الا المرار و10 سنوات وانا احلم اني ارجع للكويت وكنت اتعذب وما وافقت على ولا معرس كنت شديدة الجمال والمعاريس بالعشرات لكن كان هدفي واضح ابي الكويت وبس لا حب ولا كلام فاضي قلبي كان ميت من التعب وفعلا تقدملي شخص ساكن بالكويت نفس جنسيتي بس مقيم من زمان هني وما صدقت خبر طرت على طول هني كنت احلم ادرس لاني شاطره وموهوبه جدا لكن حصل اللي ما اتوقعه صرت بالكويت لكن الكارثه اللي صارتلي هي اني صدمت بزوجي مغرور وشايف نفسه وكان متزوج كويتيه اكبر منه ب10 سنين وراني الوان العذاب وانا مالي احد كنت مثل المجنونه اقعد بزاوية الغرفه واقطع شعري باديني كان يشيلني ويرفعني فوق ويقطني على الارض لمن اكلمه بالتلفون يفتح اسبيكر ويسمع اهله صوتي وانا اقوله احبك وليش انت تكرهني وجذي كلام ويضحكون علي وانا ما ادري بالسالفه الا ياهل قالي جذي وجذي صعقت بالكلام وانهرت وتميت اكل واكل واكل مثل المسعوره اكل وابجي واقطع شعري ليما صار وزني 100 هو شافني بهالوزن متينه وفقير هوانا المزيون الجميل ارضى بهالشيفه وتعلو شوفو المعامله شلون صارت فتح بيت كبير وحطني خدامه للرايح والجاي ويقول حق خواته لا تطبخون عزايمكم ابيتكم ييبوها عند هاذي ياللي هي انا وخلوها هي تطبخ وفعلا 9سنوات من الاعمال الشاقه حتى ما ينام يمي على طول فراشه بالدوانيه سافر كذا مره عشان ايتزوج بس ما يلقى المواصفات اللي يبيها لازم تكون طويله وتشبه ممثلات الجنس الشقر ولمن مايتوفق بالزواج ويرد هني يصب كل جمر غضبه علي ويعتبرني على قولته قبسه والحين يبي يسافر لقي اللي يبيها واريح يكمل المراسيم يقول كلمه زايده تذلفين بيت اهلج وانا بيت اهلي رعب ما اتخيل ارجع لهالجحيم اللي عانيت منه قبل اما وضعي الحين فهوه كالاآتي
متزوجه من 9 سنوات متينه وزني فوق ال110
ماعندي الا ولدين الحمد لله محطممه متروسه امراض وزني ماثر على العمود الفقري ومسببلي آلام لاتطاق موراضي يساعدني بولا شي اترجاه يمشيلي بعمليه لكن لا حياة لمن تنادي اصلا يتقزز مني وما اقدر اطلب المساعده من احد ههههههههه تكفا منو بهالزمن يساعد اخوه لو طلبتب المساعده قالو هذي طراره تبي تيمع فلوس لا مساعده ماديه ولا نفسيه ولا معنويه ومالي صديقات بس ايعرفون اني مو كويتيه المعامله اتصير غير اذا بالمستوصف اذا شافو الطابع الاخضر على ورقتي يكلموني كني بدائيه او متخلفه مع اني والحمد لله مثقفه وواعيه وعندي من العلم ما فضله ربي علي اصلا لو اني موحكيمه ما كنت دبرت اموري مع واحد نفس زوجي تحملت عشان عيالي ما يلاقون نفس المصير والحين اشكي ضعفي وقلت حيلتي لله وحده وانطر فرج ربي وعلى فكره انا بمجتمع زوجي وبين اهله ينظرب فيني المثل بالطاعه والشطاره واحترامي لزوجي واللي عنده زوجه معذبته يقولها شوفي فلانه شايله زوجها على كفوف الراحه ما تقوله الا حاضر وتامر ولو يقعدها الساعه ثلاث الفير عنده ظيوف اتقوم وتسوي احلا سفره وانا حبيت اكتب قصتي بدون نك بس عشان ما تفكرون اني ابي شي من احد الله هو المعين
ولا لي هدف بكتابة قصتي ولا اشكو لكم الحال الشكوه لغير الله مذله بس حبيتا فضفض لاني وحيده ومالي احد