يعل ربي يدخلها الجنه اللي ترد علي

السلام عليكم والرحمة جميعا


زوجي يدخن اكثر من 3زقارات في اليوم و كل ما ابتعد عنه يقعد يمي عناد شالحل الله يخليكم مع العلم اني حامل في الشهر الثامن و بعد جم يوم بدخل بالتاسع:frown:

كلميه بالكلام الهين اللين وبيجي معاج إن شاء الله
حركة تبعدين عنه ماتجيب نتيجة لأن الرجال العناد يجري بدمه

هلا اختي . . .

الله يكون بعونج وبعونا ع ريحة هالزقاير . . .

خطرها اكثر على اللي يقعد يم المدخن :(

الله يهديه عندنا وعندك خير

استغفر الله صراحه حركه تغث
اكيد انتي كلمتيه بالطيب اذا ما كلمتيه بالهداوه جربي كلمي ولذا ما نفع قومي وازعلي عليه شوي بس مو تروحين لاهلج او تكبرين السالفه
بس قوليله شهالحركات هذي انت اكبر من جذي وهالشغلات ما فيها عناد ومالا داعي هالتصرف خلاص انا اتضايق من هالشي لا تسويه وتعاندني وتقعد يمي ذا ما تخاف على نفسك براحتك بس انا فبطني ياهل
وشوفي حبيبتي في بالجمعيات منقي هواء الغرفه نفس العلبه تفتحينها شوي وتخلينها بالغرفه تسحب لج ريحه الزقاير ولا كأنه يدخن

هلا اختي انا ريلى يدخن باليوم باكيتين ولي سافرنا ترسلا جنطة فيها 5 كرووز شسوي بنات يا كثر ما كلمته بس ماكو فايدة ولا والرمضان يكون عصبي يتهاوش مع ضلة ادعوله بنات امانة

صدقوني اكلمه بس ما كو فايده كلمته بالطييب ما فاد و كلمته بالعصبية و هم بعد مافاد شسوي ؟؟؟؟ الله يعين اللي زوجها يدخن

قوليله يضر الجنين انت تبي يصير فيه شي لا سمح الله اذا انت مبتلي وتبي تشرب اشرب برا غرفتي
وسوي فلم انج اختنقتي والله يخق ومايسويها مرا ثانيه هههههههههههههههههههه

ادع ربك يهديه ويصلحه والله المستعان

حبيبتي الله يعينك ويتمم عليج ويرزقج الذذريه الصالحه
في جهاز ينقي الجو من ريحه الزقاير
وسعره معقول وشكله ذرب بعد
انا شفته عند صديقتي زوجها يدخن بشراهه
اشتري الجهاز وريحي بالج وخليه دايم شغال يفيدج بالمستقبل علشان الاولاد
تحصلينه في محلات الالكترونيات يوركا والغانم اعتقد

الله يعينج
ويعينا والله الدخان ماله حل الا انج تدعين له انه يتركه
والله كريـــــــم

أستغفر الله العظيم عندنا وعندج خير حتى زوجي يدخن بس أنا إذا يبي يدخن يطلع بره يدخن أو بالديوانيه مايدخن عندي مستحيل

الله يهديه بس 3 زقاير هينه في شباب يدخنون بالبكايتات .. بس خبريه انه يأذي البيبي

الله يعينج في دوا بالصيدلية وايد يمدحونه اشتريه وحطيه له بالاكل او الشاي وتشوفينه انه قام تلوع جبده من ازقارة جربيها

الله يهدية لج انشالله
ويقومج بالسلامة
مدام مانفع معاه الكلام بس بس هم حاولي كلمية باسلوب حلو وبدلع
وخلية يوديج للدكتور << دكتورة الي تراجعين عندة
وبينج وبين الدكتور قوليلة انة يشرب يمج الخ
عشان يتكلم جدامة الخ
انشالله يخق ويقلل من حركاات لعناد

هلا حبيبتي
من لديه حيله فاليحتال سمعيني اول شي طنشي وكان هشي ماهمك او سوي روحك تعودتي على الوضع
اوكي واذا تقدرين جيبي منقي الهواء الي قالته لج العضوه حبيبة fمن غير لينتبه
لان زوجك اذا شافك استسلمتي وماهمج الوضع بينسى ويفتكر نفسه انتصر الله يهديه ان شاءالله