زوجي هاجرني

اسفه بغثكم بس محتاجه اكلم احد يشور علي بنات صج محتاجه مساعده قبل سنه تغير علي زوجي زادت بينا المشاكل وانا ماحبت ازيد معه عشان عيالي بس السالفه زادت عن المشاكل اللي بسبب وبدون سبب وحنا ساكنين عند اهله وصلت فيه انه صار يمد ايده وبعد الغضب يرد ويتاسف والرجال مو زوجي اللي اعرفه متغير عرفت ان اخته بتزوجة صديقتها المطلقه كلمته ثار نفس العاده ومد يده لثاني مره قدام عيالي السته ما تحملت قلت ودني لاهلي من عشر شهور وانا في بيت اهلي ولاجانا ولاشاف عياله ولاعطاهم مصروف بعد السالفه بشهرين تزوج رفيجه حماتي وهوه عسكري متى امداه ياخذ الموافقهمتى افحوا المهم السلفه مطبوخه مر علي الشتا وابوي جسا عالي السته وجا عيد الاضحى ولامر عياله ولاتكرم عليهم بمعاشهم بعد ثمان اشهور رفعة دعوه نفقه وحكمت المحكمه 410 لي وعيالي والخدامه وانا في ذمته لاطلقني ولا ردني ادق عليه مايرد يدق عليه ابوي مايرد طرشتله مسجات مايرد ابي حل ورايكم ارفع عليه دعوى طلاقي والالا

حاولي تطنشيه بس هذا لايمنع باااااان توسطي من اهل الخير بينكم وذلك من اجل اولادكم اسال الله بان يردك لزوجك وان تعيشو مع بعض

تدرين شنو تسوين ؟؟؟؟؟؟؟؟؟؟؟ ان الله قادر على كل شي اذا قال كن فيكون سبحانه من سجد لله من في السموات والارض خوفا وطمعا ....... الحين تقومين وتفرشين سجادتج وتصلين ركعتين بخشوووع تااام وتبجين وتدعين ربي والله لودعيتيه من قلب صااادق ماراح يرد دعائج رب العباااد قال في كتابه ادعوني استجب لكم والله حراام راحت ايام عمرج انتي وعياالج وانتي قاعده تنطرينه حظرة جنااابه قومي يامال الشحم صلي وادعي رب رحيم غفور توااب ادعيه باسمائه وصفاااته العلي تصدقي نية الي في بالج اقري البقره مااااكله ماتاخذ من وقتج ساااعه والله بتشوفين قدرة ربي وعجائب الواحد الاحد شلون يبدل حاله ودايما كرر حسبي الله ونعم الوكيل والله يرده لج وحسبي الله عالظالمين مافكر بعياله ال6 غيره يتمنى لو معاااق لاحول ولاقوة الابالله العلي العظيم ودايما استغفري ولاتعصبين على عيالج والله مالهم ذنب احتويهم بحنااانج وربيهم احسن تربيه لاتنطرين زووجج ولاتخافين الزمن بيربيه وبيرجعه لج ثقي بالله باجر يجيج يبجي بعد مايعرف معادن الحريم

نصيحتى يااختى انك تصبرين ولا تفكرين بطلاق نهائيا مدام انك تاخذين معاش منه خلاص صدقينى مصيره بيرد لج باذن الله وعسى الله يأجرج ان شاء الله وصبرج

حسبي الله ونعم الوكيل الشرهه على حماتج النذله اللي خططت لين زوجته رفيجتها بس ماعليج الدنيا دواره وكما تدين تدان إفرشي سجادتج وصلي وادعي ربج من قلب وان شاء الله ربج مايقصر واستغفري علطول وقولي حسبي الله ونعم الوكيل

هلا أختي . . .

دامج خذيتي النفقة لعيالج خليه مصيره يرد لكم . . .

واحتسبي امرج عند رب العالمين . . .

ولاتطلقين علشان ما تضيع حقوقج في السكن اللي بيطلع له . . .

الشاامخه كتبت:تدرين شنو تسوين ؟؟؟؟؟؟؟؟؟؟؟ ان الله قادر على كل شي اذا قال كن فيكون سبحانه من سجد لله من في السموات والارض خوفا وطمعا ....... الحين تقومين وتفرشين سجادتج وتصلين ركعتين بخشوووع تااام وتبجين وتدعين ربي والله لودعيتيه من قلب صااادق ماراح يرد دعائج رب العباااد قال في كتابه ادعوني استجب لكم والله حراام راحت ايام عمرج انتي وعياالج وانتي قاعده تنطرينه حظرة جنااابه قومي يامال الشحم صلي وادعي رب رحيم غفور توااب ادعيه باسمائه وصفاااته العلي تصدقي نية الي في بالج اقري البقره مااااكله ماتاخذ من وقتج ساااعه والله بتشوفين قدرة ربي وعجائب الواحد الاحد شلون يبدل حاله ودايما كرر حسبي الله ونعم الوكيل والله يرده لج وحسبي الله عالظالمين مافكر بعياله ال6 غيره يتمنى لو معاااق لاحول ولاقوة الابالله العلي العظيم ودايما استغفري ولاتعصبين على عيالج والله مالهم ذنب احتويهم بحنااانج وربيهم احسن تربيه لاتنطرين زووجج ولاتخافين الزمن بيربيه وبيرجعه لج ثقي بالله باجر يجيج يبجي بعد مايعرف معادن الحريم

مافي بعد كلام الشامخة كلام
فديتها

حسبي الله ونعم الوكيل

حبيبتى طنشيه وادعى الله ليل نهار وربي ماراح يردج

اللهم اني ادعوك باسمك الاجل الاعز وادعوك-----

اللهم باسمك الاحد الصمد ادعوك-----

اللهم باسمك العظيم الوتر ادعوك------

اسالك بنور وجهك الذي ملأ اركان عرشك ان تيسر لي جميع أموري لأنال مرادي وتوفقني لما تحبه

وترضاه--

اللهم وفق بيني وبين زوجي واجمع بيننا على خير--

اللهم اجعلني قرة عين لزوجي واجعله قرة عين لي--

اللهم احعلني لزوجي كما يحب واجعله لي كما احب وارزقنا الذريه الصالحه كما نحب وكما تحب---

اللهم اني أسألك باسمك الحبيب الكافي الاعظم ان تكفيني كل اموري مع زوجي مما يشوش خاطري

ويسهر ناظري---

اللهم الف بين قلبي وقلبه كما ألفت بين قلوب عبادك---

اللهم سخره لي كما سخرت البحر لموسى عليه السلام---

اللهم اشرح صدره للأيمان والخير والصلاح---

اللهم ابعد عنه رفقاء السوء وجنبه الفواحش والمعاصي ماظهرمنها ومابطن---

اللهم اغفر ذنبه وطهرقلبه وحصن فرجه---

اللهم جمله في نظري وجملني في نظره ولاتفرق بيني وبينه ياارحم الراحمين---

اللهم اهدي زوجي للأيمان وارزقه حلاوته ثبته عليه---

اللهم اقنع قلبه من الدنيا وحب المال وارزقه الرزق الحلال---بارب سخر لي زوجي وحنن قلبه علي--

اللهم دعوناك فاستجب لنا كما وعدتنا انك لاتخلف الميعاد ياارحم الراحمين-------

وبالتوفيق يارب

واللة ياقلبي اهم ماعليج نفسج وكرامتج وعيالج ,,, مصيرة يرد لج ندمان ومتحسف ,, بس انتي ادعي ربج وخلي ايمانج بربج قوي وكوني ياجبل مايهزك ريح وحماتج الزمن بيرد عليها ومصيرها بتندم لانها خربت بيتج ...

لا حول ولا قوة الا بالله يعني بدون سبب تغير واخته زوجته الله سامحها وياخذ حقج وانا اقول دام ما يسال تطلقي واهو بحاله ودري بالج عاى عيالج ولا تقطين نفسجوتدقدقييين دام هو ما يسال وخري عنه واحرقيه ما تدرين يمكن اللله يهدي ويردلج

واذا ما صارت وفقدتي الامل تطلقي ولا تظلين معلقه

مووووووووووووفقه ياروحي ربي ينصركـ انتي
وعيااالكـ ويخلي لكـ الوالد واهلك
وهو اذا فيه امل ورجعه فهي من ربك

الله يصبر قلبكـ ويحفظ لك عقلكـ

اصبررري يا قلبي ...


انتي عندج عياااال .. وعيال يبلهم امجابل الابوو ...


اصبري يا قلبي مالج الا الصبررررررر

الي ايده بنار مو مثل الي ايده بالماي

اختي الي تقولج احقريه والي تقولج طنشيه واهو يجيلج والله لو زوجها يبتعد عنها ماتسوي الي تقوله
ماعليج كلن عقله براسه ويعرف خلاصه
وانتي ماشاءالله عليج مره كبيره وام ست عيال يعني فاهمه واعيه للدنيا فكري بينج وبين نفسج وصلي صلاة الستخاره

وان شاءالله تبي تلقين الحل لو ركزتي للمشكلتج وصدقيني مشكلتج لو دش فيها غيرج راح يهدمها وهذي نصيحه اخويه
وترا الطلاق شي مو بصيط ولا لعبه
وعساء الله يفك مشكلتج ان شاءالله
فكري بينج وبين نفسج وصدقيني تبن تلقين الحل

الله يعينج
ويرده لج عاجلاغير اجلا

ادعي على حماتج اهي اللي فرقت بينك
قولي حسبي الله عليها عسا اللي صار لي يصير لها
وادعي لزوجج بالهدايه واذا مرت سنه وما جا ولا دق ولا شي
ارفعي قضيه طلاق واسحبي الاولي والتالي هذا حقج وحق عيالج
قادر يتزوج مو قادر يصرف على عياله
اذا شافج ضعيفه يتقوى عليج صدقيني

لاحول ولا قوة الا بالله العلي العظيم اشفيهم الرياييل استخفوا واقعدوا صار الواحد مايستانس ولايتهنى بعيشته الا اذا تزوج اقول ياحبيبتي اكثري من الاستغفار بنية انه يرجعلج وينن قلبه لج واعيالج قال الرسول صى اله عليه وسلم:(من لزم الاستغفار جعل الله له من كل هم فرجا ومن كل ضيق مخرجا).
جربي حبيبتي واستغفري والله عن تجربة انا كل ماصارت بيني وبين زوجي مشكلة وحتى لو كنت انا الغلطانة مااتعدى مشكلتنا 2 ساعة ويرجع يضحك ولا كأنه في شي صار
والله يوفقج ويرده لج قولي امين