من وين شارية مطبخج؟

السلام عليكم ورحمة الله وبركاته


محتاجة مساعدتكم بشتري مطبخ منو عارفة احسن وارخص مكان

حبيت من كل وحدة دش تكتب


1-من وين شارية مطبخج؟

2-جم المنر؟ وشكثر صارله عندج؟ تنصحيني فيه ولا لا؟

3-من وين المدخنة؟ وبجم؟ وشنو نوعها؟ وشرايج فيها تطلع ريخة الطباخ بالبيت ولا لا؟


ادري اسالتي واجد بس محتاجة رايكم:75_75:

شدعوة بنات 24 وحدة داشة ولا ربع رد احتسبي الاجر من الله وساعدني بالرد اللي تقدر اصابعج عليه

انا الله بعد محتاره وابي احد يجاوبني عشان ابي اسوي مطبخي والبيت كله حلالنا كله فابي شي حلو ورخيص
اضم صوتي لصتج

ما عندي بيت والله بس مرت حماي مسوية مطبخ بيتها من الواوان روعة الصراحة غالي بس يستاهل هذا بيت العمر حطي الغالي ويدووووم طول العمر

ماعندج فكره على جم سوته

اعرفه الواوان وشفته روعة بس غااااااااااااااااالي حيييل يعني مطبخ صغير تحضيري يكلف 1700 تقريبا والمطبخ يطلع 3 ب3

ابالضجيج*****

والله انا رحت اليوم البرازيليه روعه بس الاسعار تتفاوت ووايد محلات فيه روحي وشوفي

السلام عليكم

انا مطبخي سويته عند الكندور تقريبا كلفني 1300 دينار بعد حنه ورنه معاه المغسله من عندهم

ياحياتي وين الكندور بالضبط

حبوبه اسمحيلي طولت عليج بالرد الكندور مقابل صفاة الغانم بالشويخ

والله يا عزيزتي أنا نفسج محتارة ورحت لأكثر من مكان ويمكن أسوي عند عالم المطابخ والله هو مو غالي ولا رخيص والناس حيل طايحة فيه والله للحين أفكر

ما عندي فكره سوري حياتي

انزين وين احسن مكان اشتري المدخنة لاني ابي مدخنة تشفط الدخان والهوا عدل طفارتي ادخل شقة اشم ريحة الاكل فيها

بصراحه سوق الجمعة عندهم مطابخ موووووصج خفيفة وحلوة ورخيصة وفي ألوان او روحي إيكيا في عندم سوالف حلوة وموفقة

السلام أحسن مطابخ عندج العثمان شي حلو وراقي واليوم ودوم
المتر يطلع 80 دينار وهو يجي ياخذ المقاس إصمم لج شكل الزوايا تقعدين عند مهندس إصمم لج الشكل اللي تبين نصيحة لا تاخذين من غيرة شي عجيييييييب

دعاوي وين صاير العثمان

روحي الثريا بالشويخ وشوفي المطابخ عندهم تحتارين شنو تاخذين والألوان غريبه وفوق الأجهزه مثل الفرن الكهربائي الي ينحط داخل ديكور المطبخ والمايكروويف الخاص بالديكور لأن مو أي مايكروويف يدخل بديكور المطبخ للعلم فقط وتقريبا كل اجهزه المطبخ عندهم وانا سويت 3 مطابخ عندهم مع الأجهزه ونسيت اقولكم اخذت منهم شوايه الفحم على الكهربا وقلاية البطاط