اس
اسرار الكويت
2010/06/02 · #1
السلام عليكم ياحلوات ابى اسافر لتركيا وابى الى زارها يفيدنى جم تكاليفها يعنى تذاكر واقامة ومصروووف جيب واحلى مناطقها وطبعا اسواقها هذى اهم شى ههههه والى بتفيدنى ايب لها مهند من غير نور هههههههههههههه انطركم
شو
شوكلاتة
2010/06/02 · #2
تركيا روعة بصراحة انا كلفتني 2500دينار بس الحين كل سنة تغلا زيادة احلا منطقة بورصة تونس ومطاعمهم خيال ولاتنسين تاكلين شورما اسكندر تدوخ بس لازم تتفقين مع مكتب سياحي مظمون بسيارة خاصة احسن من الجماعي
اس
اسرار الكويت
2010/06/02 · #3
مشكورة حبيبتى شوكلاتة ماقصرتى بس الاماكن السياحية والسووووووووووق ماقلتيلى ابى سووووق ماركات وين احصلة
حو
حور العين
2010/06/03 · #4
شوفي بصراحه انا مااعرف الاسعار بالضبط لانه يوم رحتلها كنت مع اهلي
بس تقريبا 5الاف حق5اشخاص
بس صج صج رووووووووووووووووووووووعه
اول شي رحنا اسنطنبول فندق برنسس رووووووووووووووووووووووووووووووعه وفخم 5نجوم
واماكن سياحيه يبيلج مرشد سياحي سنع
وبعدين بولاباند هذي المنطقه عجييييييييبه حق الاسترخاء مافيها غير فندقين وبحيره وطبيعه سبحان الله مافيها مجمعات يعني تسوى 3 او 4ايام بس
وبعدين رحنا بورصه وااااااااااااايد حلوه الفندق ماكان ذاك الزود 4نجوم بس ينقعد فيه
بس مع الاسف مااذكر اسامي الاماكن اللي رحنالها ولا الفنادق بس صج صج كانت سفره لاتنسى
وماابي مهند ابيج تاخذيني معاج (:(:
شو
شوكلاتة
2010/06/03 · #5
حبيبتي مانصحج بالماركات عندهم غالية عندهم الاسواق الشعبية روعة جودة تركية ولبس مايتكرر ماتلقينة عندج سوق المسقف بورصة على فكرة بورصة ارخيصة اسواقها عكس اسطنبول تشري من بورصة وتفقي مع مكتب سياحي احسن لج مايضيعج عندهم سوق كل يوم احد روعة بايلات كلة اكويتين ان شالله تستانسون
اس
اسرار الكويت
2010/06/04 · #6
بعد عمرى مشكوريين ماقصرتو
بن
بنت السليل
2010/06/05 · #7
حبيبتي اسرار الكويت رحت مرتين المره الاولى اكثر من قص علينا العرب
مو الاتراك سنة 94 95استانسنا حيييل جمعه عائليه روحي يلوا وحمامات الترمل مياه ساخنه ومريحه
بورصه جنان روحي مكتب سياحي اسمه مساء تورس سايقهم عثمان محترم بعد روحي جزر الاميرات
وسلامتج موغاليه حيل مشوياتهم خيال
اس
اسرار الكويت
2010/06/05 · #8
اختى بنت السليل مشكورة على المعلومات المكتب السياحي فى بورصة والا اسطنبول وشنو تنصحين الاقامة فى بورصة والا اسطنبول
بن
بنت السليل
2010/06/06 · #9
هلا اسرار المكتب في بورصه قريب من حديقة الاوتوبارك
اول3ايام قعدي باستمبول تمشي وشوفي شوارعها الاثريه
طباعهم غير عن اهل بورصه شوفي الاشغال اليدويه كل يوم يبيعونها حريمهم على البحر
احلى الاقامه الدائمه في بورصه اي شي حضره
غل
غلا دبي
2010/06/06 · #10
مشكورين يالحبايب ع المعلومات....وآنا بعد بروح لتركيا>>>بس خوفوني قالوا ياتروحين مع قروب والا يكون معك مرشد سياحي
لان الاتراك مثل مانتوا عارفين لايتكلمون العربي ولايتفاهمون بالانكليزي
بن
بنت السليل
2010/06/07 · #11
غلادبي نفس الكلام اللي قالوا لنا بس مو صحيح الاتراك طيبين
ياكثر اللي يتكلمون عربي وبسرعه يفهمون بالاشاره سلامتج
مو
مونادمه
2010/06/07 · #12
مرحباااا
انا رحت 2008
اسطنبوول في شارع اسمه تقسيم هذا الشارع كله محلات بيسطه وماركات عالميه بنفس الوقت وكله مطاعم وبصراحه حيييل حلوة اسطنبوول وفي عندهم مسيد اسمه السلطان احمد على البحر وفي القصر العثماني هم صوب البحر وشكله من داخل عالم خياال وحلو ويدشون الناس في بتذاكر اعتقد شي بسيط ويكونون قروبات مثلا الاجانب لهم مترجم عن اللي بداخل القصر والعرب والخ
عندج بورصه منطقه جبليه وبارده وحلووة حيل وفيها مجمع اسمه زفر بلازا طبعأ المجمع هذا مدخلة حجمه متوسط بس الغريب انه تحت الارض بجبل المجمع واعتقد انه 4 ادوار ومحلات حلوة وماركات ومطاعم
وصوب زفر بلازاا في سوق اسمه الحرير كله محلات بسيطه وفيها شغلات وايد حلووة واسعارهم مناسبه من ناحية الشراء او المطااعم
وفي بورصه شلالات وصوب الشلالات عياييز يبيعون عسل طبيعي بسعر مناسب
هذا اللي اعرفاا وشكرأ
اس
اسرار الكويت
2010/06/08 · #13
بعد عمرى مشكوريين ماقصرتو شوقتونى اسافر الحيييين ادعولى اروح وارد بسلامة
ال
المستبدة؛؛؛
2010/06/08 · #14
اول شي انصحج تروحين مع قروب لاتروحون بروحكم لان فيها مناطق جبليه وعرة تخرع بالليل ديري بالج
احنا رحنا بقروب سنة2008 طبعا رووووووووعة طبيعة خيال كلفتنا تقريبا 4 الاف لاني ماخليت شي ماشريته رحنا بورصة وابانت وازميت واخر شي اسطنبول حق التسوق
روحي متحف نسيت اسمه بس رووعه اللي فيه ختم الرسول واسنانه وشعره -جزيرة الاميرات-سوق اسمه اوزديلك يشابه سنتر بوينت بس احلى كله كفرات وفوط واغطيه طاولات حياكة تركيه يهبلون-مكان اسمه ابولو عبارة عن بحيرة فيها بط بين جبال منظر يحطم-سوق اسمه جواهر مول وسوق اسمة البحر المتوسط (اعتقد هاذا اسمه)
ما انصحج بالماركات لان الكويت احلى بس اشتري الاشياء الشعبيه اكسسسورات كنابل وجذي سوالف
واخذي ملابس ثجيله شوي لان في مناطق باااردة انا بنتي مرضت هناك دشها برد
ووو وتعبت من الكتابه اذا تذكرت شي يقولج...
ال
المستبدة؛؛؛
2010/06/08 · #15
تذكرت شي شارع حلو اسمه الاستقلال كله ماركات هاذا شارع الكشخة عندهم بس لاتروحون له بالليل متأخر كله شباب وسكر اخترعنا
وترا كلهم طيبين حيل ويحبون المسلمين خاصة لما تسلمين عليهم بس اسطنبول موذاك الزود اخلاقهم شايفين روحهم طبعا بعضهم مو كلهم وبقولج كلمه تركيه(اوش كالدن) يعني مرحبااااا بالتركي
ههههههههههههههههههههههه اللي تعلمناه بس
اس
اسرار الكويت
2010/06/08 · #16
مشكوره اختى المستبدة معلوماتج وايد حلوووووووووووووووووه يعنى تكلفتها انا وزوجى جم لان حاطة فى بالى لما ارد انشالله بروح العمرة وماراح اخذ عيالى
زه
زهرة الحريه
2010/06/08 · #17
العام شهر 6 مناطقها وايد حلوه 4 ايام في اسطنبول حجزنا من الكويت بعدين حجزنا من هناك الرحلات البورصة 3 ايام 2 ابانت كلفتنا السفر 2500 دينار كويتي بس حلوة وتستاهل اكل وايد حلوه ونظيف في اماكن تراثية اسطنبول بروحها كبيرة سياحة اما بالنسبة اسواقها ما اذكر منهم سوق شعبي اسمة امسقف وسوق ثاني اسمة حراير دشي النت شوفي المجمعات المتطورة