النجده قلبي يعورني.....

السلام خواتي
انا مشكلتي انا ام زوجي الله يهديها تفرق بين حريم عيالها مو لانا فلانه تعاملها زين و الا شين لا
لان تبي على طوووول هدايا و سفرات و الا تحطج على البلاك لست....و المواجيب توجب ناس على ناس يعني مثلا عشا استقبال حق فلانه بس فلانه لا... اخر مره قررت اواجها ليش تفرق قالت لي لا تزعلين ولدي فلان و فلان غير و انتو غير .. جرحتني معا انا محد يقوم فيها الا انا.. من تزوجت ما حشمتني بشي و اخرتها الزواره تمدح حريم حماي جدامي و اهي تكلمني.. مسلسل التجريح مستمر ..و انا مقابلتا بصبر بس ابي اعرف ليش و شنو الحل و ياها المواصيل و صلت انا لمل يضيفون الناس يطوفوني الله يجزاكم خير ساعدوني... قلبي يعورني و الله.. اللي يزيد الطين بله الزوج معاهم على الخط:emoticon_U:

من أجل عين تكرم مدينه ..

صدقيني مافي شي يضيع وربج كريم ان ضاااع عندهم مايضيع عند ربج سبحااانه ..

وزوجج لاتلوومينه اذا وقف ويا امه لانه مهماا كانت امه ولاازم يكبر بعينج من هالفعل

لان اللي مافيه خير في امه ماراح يكوون فيه خير فيج احمدي ربج على هالنعمه

ولاتجيبين طاريهاا بالشينه جدامهااا وانتي مهما بعدت احترمي وسوي اللي يمليه عليج ضميرج

وبالمناسبااات اهديهاا وذاكريهاا من فتره لي فتره .. ومهما كان ارضااء الناس غايه لاتدرك ..

والله يهديهااا ويوسع صدرج ولاتحطين في بالج وتضايقين عمرج اهم شي علاقتج بزوجج

ممتازه وامه لازم تحترمينهاا عشانهاا امه وثانياا عشانها جدة عياالج واحترامهاا واجب ..

اتمنى اني فدتج وان شاء الله البنات مايقصروون ..

نصيحتي
غيري طبعج
يعني سووي مثل مايسووون حريم حموانج
صيري شوي لعينه نفسهم
وربي راح يحترمونج ومرات العين الحمره لها فايدة
الناس تغيرت الحين يحسبون للعوبة الف حساب والطيبه تنداس
بس انتي لاتقطعين من ناحيه الهدايا
الهدايا لها مفعولها السحري على الخاله
تهادوا تحابوا
اما الزوج شي طبيعي مع اهله حتى لو يطقونج
بس انتي خليه عارف بكل شاردة وواردة قولي اهلك ماقدروني .......و.......و..............واشمعنى ..........و...........
عشان يكون بالصورة
بس قوليله وانتي مكسورة الجناح وانتي تبجين عشان يحس ولاتنطرين منه رد ابجي وروحي غرفتج
راح يحس

أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأه

بس أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأه

انا مع عسوله حبيبة قلبي حطيها على العين والراس وربش كريم

الله يجزاكم خيرررر و يسخر لكم خالاتكم :)))))

الله يهديها لج

تبين الصج
انا كنت طيبه وداسوني
الحين صرت نسرة ولا اعبرهم ومشو معاي سيده
بيني وبينج الطيب هالايام يندااس

انا على كلام خواتي اللي فوقي والله كللللهم صاجين ^_^

الله يرزقج اختي سوي لله والله كريم

وش تسوين حبيبتي ماتشوفين انا خالتي اخت امي ونصبر وولدها لازم يكون معها ومهما كان كل ولد مع امه تعرفين من غير الزن اللي تزن ها الام الله يهديها ويسخر رياجيالنا لنا
والحمد لله ع كل حال

شوق ناصر كتبت:وش تسوين حبيبتي ماتشوفين انا خالتي اخت امي ونصبر وولدها لازم يكون معها ومهما كان كل ولد مع امه تعرفين من غير الزن اللي تزن ها الام الله يهديها ويسخر رياجيالنا لنا
والحمد لله ع كل حال

اي و الله يا خيتي الله يعين الجميع لا و الطامه الكبرى صارت توجب معا حريم الحما و تقولي روحي بروحج ما انطرج الله يهديها شقول بس

ابدا ابدا لا تواجهين خالتج غلطه عمرج ولاتقولين سويت ولاتبالغين بالهدايا باي وقت بس اذا في مناسبه يبيلها شي يكسر عينها يايج رمضان والعيد ولوتمدح حريم حموانج مدحي ورفعي فيهم جدامها خليها تحس انه مافي شي يضايقج ابدا لاتفكرين فيها ويمرون مايضيفونج كسري عينهم وقومي انتي ضيفيهم و حتى لو بيتهم ولا لاتاخذين منهم ولاتعطينهم اهتمام وقوي علاقتج بحريم حموانج وان شفتي شي مايعجبج خفي الدوس عليهم انتي مو محاسبه فيهم دشي ساكته وطلعي ساكته وامشي سيده بيحتارون وياج ومردهم بيطخون وينخون

كويتيه86 كتبت:ابدا ابدا لا تواجهين خالتج غلطه عمرج ولاتقولين سويت ولاتبالغين بالهدايا باي وقت بس اذا في مناسبه يبيلها شي يكسر عينها يايج رمضان والعيد ولوتمدح حريم حموانج مدحي ورفعي فيهم جدامها خليها تحس انه مافي شي يضايقج ابدا لاتفكرين فيها ويمرون مايضيفونج كسري عينهم وقومي انتي ضيفيهم و حتى لو بيتهم ولا لاتاخذين منهم ولاتعطينهم اهتمام وقوي علاقتج بحريم حموانج وان شفتي شي مايعجبج خفي الدوس عليهم انتي مو محاسبه فيهم دشي ساكته وطلعي ساكته وامشي سيده بيحتارون وياج ومردهم بيطخون وينخون

يا بعد قلبي ما قصرتي انتي و البنات ريحتوني و انا انشالله بطبق و ببلغكم اول باول و الله يهديهم
جزاج الله خير و سخر لج بيتج و عيالج و وسع رزقج

الله يهديها
بس طنش تعش
البنات ماقصروا
وانا مع عسووولة