علموني وش اسوي مع خداع زوجي

سلام عليكم
عندي موضوع محيرني
انا الحين عند اهلي وكلمته ولقيت جواله مقفل
وارسلت له مسج وجاني تقرير استلام المسج الساعه 1ونص ويوم دقيت عليه حط لي مشغول ودقيت ثانيه ولارد
والصباح دق علي قلت وينك امس قال لي نايم وقعد يهاوشني يقول ازعجتيني وماخليتيني انام
مشيت الموضوع
اليوم الي بعده يدق علي العصر وتوة صاحي من النوم ويقول برجع انام ثانيه
استغربت كثرة نومه
وكلمه صاحبتي وقلت لها تشوف احد في الجووازات تطلع هو مسافر برا ولا لا
وقالت لي انها طالع البحرين بتاريخ 4 وراجع بتاريخ 5
يعني اكيد راجع بعد الساعه 12
والحين منقهررررررررررررررررررررررة منه مرة
وقلت ماراح اسكت له لازم اعلمه انه مايكذب علي ويخدعني
بس ماادري شلون اواجهه
هو بيجيني يوم الاربعاء وش اسوي
الله يعافيكم ردو علي ضروري
والله من يوم دريت وانا ماانام زين ونفسيتي تعبانه

شوفي حياتي اهم شي تأكدي انه مسافر من جوازه طبعا
ثاني شي واجهي بالكذبة وشنو سبب السفره
وادعي ان اللة يهدية ويسخره لج
والصبر مفتاح الفرج

المشكله انه يسافر للبحرين بدون جواز ببطاقه الاحوال يعني مو باين
انا سالت ومتاكده انه مسافر
والمشكله اني ماقد منعته اذا قال بروح اقول الله يستر عليك علشان مايمل مني ويكذب علي وبرضو يكذب علي
واخاف يقلبي علي يقول تجسسين علي
وانا مااقدر اسكت مرة منقهرة
حتى الحين اذا كلمني اكلمه عادي مو زي اول بشوق


والله تعبت نفسيتي نحفت مرة وقله نوم
تكفون ساعدوني

هلا حبيبتى انا بنصحك انت قاعدة تفكرين وذابحه عمرج واهو ولا همة واذاواجهتية اكيد بينكر فليش تقعدين تاكلين بنفسج الزم على الوحدة صحتها واحنى الحريم على طول نتاثر ادعيله بالهداية وعيدى ترتيب اوراقك 1-ليش يكذب عليك2-ليش يسافر بيوم ويرد اكيد لاقى نقص فى البيت3-دايما قعدى فى بيتك وصدقينى اذا عدتى ترتيب اوراقك وحاولتى اهو من نفسه بيتغير ولاتخربين بيتك بالمواجهة بل بذكاء المراة وشكرا

عادي يروح للبحرين يشوف سينما وينبسط مو شاكه فيه وعارفه وش يسوي
وانا مااتحمل انه يكذب علي
وابي اواجهه علشان مايكذب علي ويحسب لي الف حساب

قوليلة ليش تسافر من غير لا تبلغنى اذا قلتلى ما راح امنعك

يروح البحرين عشاان السينما ! مافهمت

مادري والله بس لازم تواجهينه هذا مو لعب يهال سافر برا الديره بدون لاتدرين يعني مو حاطلج حساب ..
كلميه وشوفي شنو يبي بالضبط يمكن يسوي جذي لانه في شي منج ماتدرين قعدي معاه وبدون نجره وهواش باسلوب حلو تفاهمو

والله يوفقج

ام عبودي النزغه كتبت:يروح البحرين عشاان السينما ! مافهمت

انا من السعوديه في الشرقيه وماعندنا سينما نطلع للبحرين نشوف سينما قريبه مرة منا
انا خايفه يقلب علي يقول ليه تجسسين علي مدري شلون اقول له

جزاكم الله خير

حبيبتي عطي الموضوع طااااااااااااااااااف
قومي بامور بيتج ولا تقصرين لابكشخه ولا فراش ولا طبخ وعليج بالدعاء والاستغفار وتسلي مع اهلج ورفيجاتج اذا ضاق خلقج وهو مو عندج لكن بس يجي خلاص عطيه اهتمامه وحقوقه
ولاتنبشين بسوالفه الا اذا ربي كشفلج بعض الامور من غير لاتنبشين عطيه خبر انج دريتي وقوليله ببرود الله يهديك وبس راح يركض وراج ويدورج واذا هو جذي لاتروحين بيت اهلج روحي العصر وردي بالليل بعد العشاء عشان ما تصير عنده فرصه
والله يوفقج ويهديه ويسخره لج امييييييييييين

نار الغلا كتبت:حبيبتي عطي الموضوع طااااااااااااااااااف
قومي بامور بيتج ولا تقصرين لابكشخه ولا فراش ولا طبخ وعليج بالدعاء والاستغفار وتسلي مع اهلج ورفيجاتج اذا ضاق خلقج وهو مو عندج لكن بس يجي خلاص عطيه اهتمامه وحقوقه
ولاتنبشين بسوالفه الا اذا ربي كشفلج بعض الامور من غير لاتنبشين عطيه خبر انج دريتي وقوليله ببرود الله يهديك وبس راح يركض وراج ويدورج واذا هو جذي لاتروحين بيت اهلج روحي العصر وردي بالليل بعد العشاء عشان ما تصير عنده فرصه
والله يوفقج ويهديه ويسخره لج امييييييييييين

انا ساكنه في الشرقيه واهلي في الرياض
ومالي احد في الشرقيه وانا فاضيه لاادرس ولااشتغل علشان كذا مااقدر اشغل نفسي بشي وانا اعرف نفسي اقعد افكر بالموضوع واحقد عليه والله معاملتي تغيرت له غصب عني مااتحمل فكرة انه يكذب علي والمشكله اني ماامنعه من السفر ولا الطلعات ولااقول ليه كان ماالومه بقول مل مني ومن اسلوبي بس انا مخليته على راحته ومعطيته جميع حقوقه ليه يسوي كذا ماادري

والي قاهرني زياده اني مقررة اقعد عند اهلي اسبوعين وخلاني عندهم 3 اسابيع ومستغربتها منه مرة اول مرة يسويها

والله محتارة مرة منه الله يهديه
ويعطيكم الف عافيه

الموضوع أكيد له خلفيات غير معروفه بالنسبه لنا
آنا برايي انج تستشيرين أهل الخبرة والاختصاص بهالموضوع عشان ماتندمين على أي تصرف تسويينه واذا تبين أنا عندي مجموعه من الاستشاريين وأرقامهم

لا توااااااااااااااااجهينا بعدين ما راح تكشفينا بالعكس استعبطي لين يتسنع سوي روح ما دريتي و بارده على الاخر كل مل حس انج تغارين واجد يقول ما عندها ثقه بنفسها.... استهبلي على يوم و قولي له حبيبي وديييي اشوف فيلم وياك مادحينه ... و مثل ما قالت النوير لا تواجهييييييين خلج فحله الرجال يبيله صبر...

قلم و ورق كتبت:الموضوع أكيد له خلفيات غير معروفه بالنسبه لنا
آنا برايي انج تستشيرين أهل الخبرة والاختصاص بهالموضوع عشان ماتندمين على أي تصرف تسويينه واذا تبين أنا عندي مجموعه من الاستشاريين وأرقامهم

اي الله يعافيك من جد محتاجه اكلم احد عطيني رقم وياليت لو يكون في السعوديه
وجزاكم الله الف خير ويعطيكم العافيه
والله يوفق كل وحده ردت علي

ديري بالج
الاغلبيه يعرفون الشباب لييش يروحون البحرين

اناا من راي
واجهييييييييييه
واذا قالج تجسسين ومن هالحجي قولي من حقي زوجي واخااف عليك

وقبل لاتخافين عليه خاافي على نفسج
ديري بااااالج
والله يهديه إن شاءالله