زوجي حارمني يا ربي ليش ساعدوني

انا زهقت

مليت

من تعامل زوجي معاي

تخيلو لا اروح ولا اجي وحمواتي ومرت حماي يروحون ويطلعون وكل اللي حولي
وانا اروح لسوق وهو اللي يوديني وتعرفون الروحه مع الرجال تغث ولازم تخلصين بساعه بس

وعيالي يطلعون يلعبون مع عيال خواتي بالعطله وانا ما اروح لان زوجي يقول ما معاهم رجال
زهقت قلتله انت ما تودي خواتك واهلك للسوق واخواني مو ملزومين فيني

لا اروح لا عروس جماعتي ولا مناسبات لرفيجاتي بس اروح مع خالتي ام زوجي للمناسبات اذا طلبت مني
وملبسني دسوس وبوشيه ومو مضايقني هالشي بس اقول اذا رحت الدوام ما ابي البس بوشيه سوا لي سالفه ولا اسافر ولا اطلع اتونس الا اذا حس انه صج قصر فيني وداني مطعم
صج زهقت حتى حمواتي زهقوا يقولون الله يعينج
والله حتى الصالون مع حمواتي ما اروح لازم ادق عالصالونه تجي البيت
اووووووووووووووف ابي حل؟؟؟؟؟؟؟؟؟؟؟؟؟؟؟؟ظ

هلا اختي نار الغلا في كثير مثل زوجج واكثر تعقيد منه--قعدي معاه وكلميه بهدوء وفهميه ان اللي يسويه غلط ونتايجه موزينه او كلمي احد يمون عليه من اخوانج او حموانج--والله يعينج

اشكر مرورج العطر اختي زينه

بس انا كلمته و ماكو فايده وما احب ادخل احد بيني وبين زوجي

صدقيني ما تضيق إلا لما تفرج

صدقيني صبري وتحملي وأدعي دعاء تسخير الزوج

الله يعينج و يسخرلج زوجج
انا معاج ان ما تدخلين احد بحياتج عشان لا تكبر المشكلة بس قوليلة انا انسانه عندي مشاعر و احاسيس هم اضيج مثلك و اللع يعينج لاني مجربة

صدقيني صبري وتحملي وأدعي ان شاء الله الله يستجيب لدعائجيا حبيبتي (:

اشكر مروركم العطر ياخواتي
شوفي يدري اني متضايقه وبقعد واسولف معاه وراح للبحر مع ربعه وخلاني
الله يعين مع اني والله مو مقصره معاه حتى هو يقولي انتي حيل مو مقصره معاي مو شويه

تدرين شلون خلى وحده من حمواتج قدامه يقولون ابيه انتي ليش ماتطلعين وليش مارحتي العرس الفلاني فلانه سالت عنج ابيه وانتي بكل براءه قوليلها زوجي مايرضا خلى تحسسه انه خواته يطلعون والناس تطلع عادي الحين الحريم كل من ساق سياره ولا حطو سايق

او خلى عيالج يحنون فوق راسه انه يطلعهم وانتي رزي نفسج معاهم ههههههههاي

الله يكون بعونج حياتي ويصبرج وادعي ربج واستغفري انه يتغير 00000

الله يهديه لج وهذاا كله من الغيره صدقيني والله يخليه لج ويسخره لج ..

وصدقيني مع الوقت بيتغير وانا اعرف وحده قريبه حيييل مننا طبع زوجهااا

والله نفس طبع زوجج ويمكن اكثر بس مع العشره

وعرفهااا عدل قاام يقولهاا انتي عن عشرين رجااال تقول الحين اتمنى انه اهو اللي

يوديني ويجيبني مو كله ع السااايق << محد عاجبه حااله لاقبل عاجبهاا والا بعد عاجبهااا ..

يعني مااالج الا الصبر والدعااااء وان شاء الله ربي بيهديه ..

والله موعيشه حتى لي درجة صالون وزوارات لا !!
انزين اشمعنى يرضى مع امه ومع اهلج وخواتج لا ماتطلعين شنو تفكييره ؟

كلمييه بهداوه ومسايس شوي شوي عليه ساحليه وقوليه انا لي حقوق مثل ما انت لك ومثل ما انت تطلع وتغير جو انا بعد من حقي ومن هالكلام بس لاتحنيين عشان لا يعاند زياده ...

الله يعيييينج حبيبتي ويسخره لج :)