رحلتي للتشيك

مرحبا خواتي قبل ايام رجعت من رحله علاج بالتشيك وعجبني البلد هناك وخصوصا المنطقه اللي كنت فيها كارلوفيفاري -العلاج كان ممتاز -علاج طبيعي للديسك

طبعا لاني كنت تعبانه فما قدرت اصور وراح ادرج لكم صور من النت واعرف عنها

واتمنى التقرير عنها يعجبكم



هذا منظر عام لمدينة كارلوفيفاري




منظر ليلي للمدينه



من اروع الاماكن هناك حديقه امام فندق التيرمال



منظر أخر للحديقه



الكولونادا الذي يحتوي على المشارب للمياه الشافيه المعدنيه كان البئر رقم 6 ينصحني الدكتور علشان السكر



طريقه علاج بالمساج شي عجيب هالمساجات



وهذا المغطس اما للمساج تحت الماء واحيانا يكون مغطس للاعشاب وماء دافي وشي رهيييب وحيل يفيد

وطبعا الكلام بالموضوع هذا ماينتهي لكن الحمدالله انه جابلي نتيجه وانشالله حالتي في تحسن وطبعا شعب التشيك شعب جدا طيب وحبوب ومسالم

اتمنى تقريري يعجبكم واللي حابه تستفسر انا حاضر

يعطيج العافية حبيبتي بس بسأل هي غالية ولا رخيصة وجم كلفتكم السفرة وهل انتي رايحة سياحة ولا علاج ؟ عشان انا مفكرة اروح كسياحة اذا تنصحيني

هلا اختي ام ثنيان الغلا مو غاليه حيل يعني قريب من صرف الكويت واغلى شوي -انا كنت رايحه علاج -وكسياحه هي سياحتها الطبيعه لانه هذه ميزتها والهدوء يعني كتغير نفسيه وتقدرين تاخذين جلسات مساج ومغطس اعشاب مو شرط يكون الواحد مريض يعني انا اعطيج اسم المصح وقوليلهم ابحجز عنكم جدول هم يضبطونه لج والله يردون عضامج مثل ماكانت اول واذا بغيتي تروحين على خير راسليني على الخاص واعطيج كل المعلومات اللي تبين وعن اسماء المناطق اللي تبين تتمشين فيها
ومسروره لمرورج

ماشاء الله

اب اب شسالفه ماعجبكم التقرير ليش مافي تفاعل

ممكن اعرف التكاليف كممممممممم بالضبط




وشلون سوقهاااااااااااااااا خخخخخخخخخخخخخخخخخ الحريم اهو شي السوق لو مريضات

هلا فيج يام خالد وعبود الله يحفضهم بلنسبه للتكاليف يعتمد على حسب نوع السفره وعلى عدد الاشخاص 0بالنسبه لي انا قعدت مده شهر وطبعا بشهر مارس يعني مو موسم فاسعار الفنادق تختلف فاكيد كان ارخص يعني احنا كانت الليله باكثر من 55 يورو يعني بحدود 25 دينار على مااعتقد وبعدين احنا كنا ساكنين بنوع من الشقق الفندقيه اسمه قرطبه كان جيد ومناسب حق العرب -وبالنسبهه للمصروف بصراحه انا ماكنت اقصر بروحي من المشتروات والهدايا والاكل والمطاعم فتقريبا صار علينا السكن لمده شهر فوق 700 دينار ( مثل ماقلت لج مو موسم سفر ) والمشتروات للاكل والمطاعم قولي يبيله اكثر من 500 ومثل ماقلت لج ماقصرنا بروحنا يعني نمشي ونشتري ندخل مطاعم بس مطاعمهم لج عليها شوي والمطاعم العربيه نهيبيه -وبالنسبه للتمشيات يعني نسافر مناطق ثانيه تقريبا خذت علينا 200 دينار ويمكن اكثر طبعا بسياره اجار -والمشتروات والسوق مو حيل لانه عباره عن محلات ونادر مافيها المجمهات اللهم مجمع التسكو والانتر شبار -هذولا يفتحون لي الساعه تسع فكنا انا وزوجي اذا ضاق خلقنا نركب بعد المغرب لانه كل شي عندهم مصكر ناخذ باص ونروح للتسكو فيه كم محل وكارفور نفس اللي موجود بالكويت ودبي -نتمشى ونتشرى منه فيه اشياء شوي مميزوه مثل لعب الاطفال والاكسسوارات والشنط بس يعني مافي شي مميز لا بالعطور ولا المكياج ولا الملابس -بالنسبه للعلاج المصح وصل علاج الف دينار لمده شهر انا اللي اعرف وانا اختج اننا قطينا فوق 3000 دينار بشهر من غير التذاكر -بس كان البلد هادئ جدا ويريح الاعصاب وفي ناس كانوا مسوين فيزا شنغل فقدروا يروحون النمسا ودول ثانيه
اتمنى اني افدتج واذا حابه تسالين على شي انا حاضر

بالنسبه للسكن ترا انا قلت 700 دينار كان حساب فندق قرطبه لمدة ثلاث اسابيع لاننا بالبدايه سكنا في شقه كان معندنا عرب في السكن سكنا فيها اسبوع تقريبا كانت 170 دينار بعدينا رحنا للفندق الثاني يعني السكن تقريبا كلف بحدود الالف على

مشكورة على تقرير الحلو بس ابي تعرف شنو اماكن العلاجية وايضا ابي اماكن سياحية منها علاج وسياحة ابي اسماء الأماكن السياحية شكثر تكلف السفر واحسن فنادق واحسن مصحااااااااااااات العلاجية عشان امي اريولها وفيها السكر يعطيج الف عافية

يعطيج العافيه عالمعلومات

زهرة الحريه كتبت:مشكورة على تقرير الحلو بس ابي تعرف شنو اماكن العلاجية وايضا ابي اماكن سياحية منها علاج وسياحة ابي اسماء الأماكن السياحية شكثر تكلف السفر واحسن فنادق واحسن مصحااااااااااااات العلاجية عشان امي اريولها وفيها السكر يعطيج الف عافية

هلا فيج زهره بالنسبه للتكاليف اقري ردي للعضوة اللي قبلج -بالنسبه للسياحه العصمة براغ تعتبر سياحيه لانه فيها القلاع التاريخيه والجسور لكنها زحمه وباقي المناطق تعتبر راحه واستجمام في منطقه قريبه من كارلوفيفاري اسمها كلادسكا حلوة عباره عن بحيره وتتمشون حويليها داخل الغابه وعندها مطعم للغزلان حلو سمينا وكلينا حيل حلو لحم الغزال -بالنسبه للفنادق عندج فندق التيرمل مكانه حلو بكارلوفيفاري ويعتبر مصح ايضا بنفس الوقت -عندج مصحات من الاول للخامس انا كنت اعالج بالمصح الخامس اسمه اليزابيث لازني -يمدحون الكولزنادا هو موجود عند المشارب والينابيع وفيه البير رقم 6 حيل حلو للسكر انا كان واصفلي الدكتور انا اصلا معاي سكر وبالنسبه لسعر الجلسات اتوقع سعر الجلسه من 7-12 دينار واذا هي ادخلت على دكتور راح يحطون لها جدول كانه جدول المحاضرات واذا تبي شي بعد انا حاضر واتمنى اني افدتج

الحمدلله على سلامتج

وما تشوفين شر

اشكرج على المعلومات :tongue:

الله يسلمج ومشكوره على المرور

اب اب للرفع

مشكوره قلبي ....على المعلومات ..وقت الحاجة أكيد بستعين فيج قلبي ...

وانتي بالف خير وحياج باي وقت

مشكورة ومااا قصرتي . . .

يعطييج العافيه

مااااااشاااءالله مااقوول الا ياااااااحلو السفر