زوجي حابسني في البيت والسبب لبس النقاب .. بليز دشوا

هلا حبيبتي انا مافهمت قصدج
انتي يعني تلبسين "غطوة" وهو يبي نقاب
شنو مواصفات النقاب اللي يبي يلبسك اياة لان فية نقاب محتشم ... وفية نقاب محرم..!!!!
فية نقاب ماتبين منة العيون وفية نقاب نصف الخد انا ماافتي لاكن الدين واضح
لا طاعة لمخلوق في معصية الخالق .....!!!!!
والله اعلم انتي اذا تدورين فتوى.....؟؟؟؟؟
اسألي شيخ مو تسألين عامة الناس ....!!!
لان الانسان لو مرض ذهب الى افضل طبيب واذا اراد فتوى يتساهل
انا مااقصدج
بس الدين النصيحة كما قال رسول الله صلى اللة علية وسلم
وفقكي الله لما يحب ويرضى
انتي اذا تبين شيخ مفتي معتمد بالوزارة انا اعرف رقمة بس لاتساهلين ....؟؟؟

حبوبه سايسي سو الي يبيه حرام تخسرين بيتج عشان شي سخيف اني اذا عاندتي اهوه بعاند

قولي انشالله ويمكن يهون


موفقه

مافيها شي حبوبه واذا لبستي النقاب شوي شوي وبترتاحين له..

الله يهدي النفوس

لا تغرج الدنيا وتلهيج عن الاخرة

سوي اللي يبيه . . .

اهو مايبي يعاند اهو يبيج تلبسينه . . .

وبحسب نوعية النقاب هل يبي المحتشم إذا إي توكلي على ربج ولبسيه ع الاقل تشوفين فيه احسن من الغطوة

وإذا يبي نقاب مدري شيسمونه تكفا بطيح مدري انا طايح هذا مو نقاب هذا فتنة . . .

مشكورين على الرد .. بس انا ما احبه اصلا ما يليق علي
والله حيرانه مش عارفه شنو اسوي

حبيبتي سوي اللي يبيه طاعه الزوج واجب واكيييد انه شايف شنو الاحسن لج واذا تقوليين ماتحبينه ومو متعوده عليه انشالله بتتعوديين اي شىء بالدنياا اذا مو متعوده عليه مع الاياام بتتعودين _والله يوفقج اختي

انا ما احب الرضوخ للرجل
اذا انتي محتشمة شنو يبي يعنى ماكو شي غصب

حبيبتي زوجج مايبي يعاندج بالعكس المفروض تستانسين انه زوج مايبي احد يشوفج غيره يعني يحبج ويبي يغطيج عن الدنيا والستر زين وانا اختج واا تقولين ماتحبينه شلون وهذا شرع ربج لازم تحبينه واذاا مولايق لج هو موللكشخه هو لستر واذا وصلتي البيت بتفصخينه الله يهدي الجمييييييييييع

حبيبتي انتي مو خسرانة شي اذا جربتية وتاكدي انه مو يقصد انة يخليك ترضخين له زوجك يبغى لك الخير ويحبك احمدي ربك ان زوجك فية خير ويبغى لك الخير تذكري انك تسوين هذا الشيئ طاعة لله مو علشان اي شخص وزوجك يعتبر ناصح لك واذا فكرتي بالأجر من الله على تغطية وجهك بيهون في نفسك واجد فانتي تركتي شيئ تحبينة وفعلتي شيئ لا تحبينة هنا من ترك شيئا لله عوضه الله خيرا منة . الله يهدينا ويثبتنا يارب

'مشكورين ويزاكم الله خير .. كلامكم حلو

حبيبتي طيعي زوجج ومع الايام راح تتعودين على النقاب

السلام عليكم.. انا إلي أعرفة ومتأكدة منه ان النقاب بالدين مو نفس حكم الحجاب ومافي حديث أو آية تلزم النقاب ..والاسلام واضح قال المرأة كلها عورة ما عدا الوجه والكفين وأساسا بالعمرة والحج المرأة لازم تكشف الوجه عيل ليش إذا قطت النقاب محد يقولها شي بس إذا قطت الحجاب الكل ينتقدها؟؟؟!!!!
.. انا مو قاعده أحرض الأخت السائلة على زوجها بالعكس بس الصج ينقال والواحد مايحرف بالدين على هواه.

الله يفرج علييج وحبيتي لاتعااندينه هو اذا قلتلها ان شاء الله بالعكس بتكبرين ف عينه

اميره1980 كتبت:انا ما احب الرضوخ للرجل
اذا انتي محتشمة شنو يبي يعنى ماكو شي غصب

حبيبتي هذا مو رضوخ لرجل بالعكس اهو لو ما يحبها ويغير عليها جان ما قال لها البسي نقاب

وبالعكس البسي نقاب مافيه شي مع الايام بتتعودين عليه ...

حبيبتي انتي مو خسرانة شي اذا جربتية وتاكدي انه مو يقصد انة يخليك ترضخين له زوجك يبغى لك الخير ويحبك احمدي ربك ان زوجك فية خير ويبغى لك الخير تذكري انك تسوين هذا الشيئ طاعة لله مو علشان اي شخص وزوجك يعتبر ناصح لك واذا فكرتي بالأجر من الله على تغطية وجهك بيهون في نفسك واجد فانتي تركتي شيئ تحبينة وفعلتي شيئ لا تحبينة هنا من ترك شيئا لله عوضه الله خيرا منة . ومع الايام بتتعودين يالغالية

وبعد كلمة اخيرة يعني اذا انتي ما لبستي يحس ان في وراج شي اما اذا لبستي الحمدلله يدري انج ماتطالعين احد غيره وتحبينه وتسمعين كلامه مع الايام ببتعودي .

وبس
تحياتي : مقبولة

أختي في الله الموضوع مو سالفة لايق أومولايق الموضوع إنه الالتزام بالبوشيه الغير شفافه أو النقاب اللي فوقه غطوه طاعة لله ومن ترك شيئا لله عوضه الله خيرا منه وصلوا عالنبي

ابي اسالج شنو تبين من الدنيا اكيد بتقولين مرضات ربي وبيتي وعيالي ورضي والديني علي بقولج انا تجربتي اول ما تزوجت قال البسي عبايه كتف ولبست مع اني البس عبايت الراس وعقب قال لا البسي عبايت راس عقب 13 سنه زواج قال لا ما يصير مكانتي في المجتمع تغيرت البسي كتف ونقاب سير ولبست بس يكون محتشم مو خضوع وخوف لا بس مابي المشاكل وعقب سنه صرت البس اللي ابيه انا وماعاد قال شي بنصحج اسمعي كلامه لو لمدت شهر وشوفي اذا ناسبك استمري واذا مارتحتي قولي له والله يريح بالك ويسعدك