→

تعالوا قالوا رايكم في المعارض

قسم الاعلان عن المعارض التجاريه · 7,712 مشاهدة
📦 أرشيف هذا الموضوع محفوظ من المنتدى القديم (2010/05/01) — للقراءة فقط. المعلومات قد تكون قديمة.

تعالوا قالوا رايكم في المعارض

بقلم كاكاوية · 2010/05/01 · 47 رد
كا
كاكاوية 2010/05/01 · #1
خواتي ابي رايكم عن المعارض وعن

حسن الضيافة والاسلوب والتعامل مع الزباين

انا بقول لكم ان تلقيت دعوة استضافة مجانيه لمعرض سوق الحريم في مكه مول

توهقت ورحت ماكو حضور ولاتنظيم ولاشيء

وللحين ف اول يوم وتحسفوا على الاستضافه

جتني (( منظمه اسمها هناء ))

تقول خلاص مافي هديه وانتهى العرض

وكانت معاملتهم سيئه للغايه وانا شلت اغراضي ورجعت البيت وقلت لها بكتب موضوع في النت عن

المعارض واقول كل شيء بخاطري

كل وحده تقول رايها في المعارض الي تدشها ونبي تقول الزين وين والشين وين

وشكراااااا لكل الاخوات

اختكم كاكاوية
نا
ناز21 2010/05/01 · #2
ايي اختى بصراحه معرض سوق الحريم فاشششششششششششششششل و ما فى حضور و لاشى
كا
كاكاوية 2010/05/01 · #3
مشكورة ناز على المشاركة في الموضوع

وشهادة حق اعتز فيها
ال
المصممة شيماء الخميس 2010/05/02 · #4
المعارض المميزه عن تجربة و من خبرتي بالمعارض معرض القادسيه و قرطبه و قهوة كويتيات و افكاري هيلتون المنقف والمعارض ابصراحه الفاشله معارض وايد من ضمنها دار اللولو ومعرض تنمية المجتمع الفردوس و فيلا بيج سي والموفنبيك الحره اسفه بس الحق ينقال
كا
كاكاوية 2010/05/02 · #5
شيماء شكرا لمشاركتك وصراحتك
دم
دم الورده 2010/05/02 · #6
بصراحه حبيبتي

انا احسن معارض دخلتها
1- افكاري
2-قرطبه
وابيخ معرض دخلته
1- الجامعه العربيه المفتوحه
وبصراحه انا ما دخلت معارض واايد
بس معرض افكاري دخلته 5 مرات
مره برمضان والباجي مجانا كل شهر
والله يعطيهم العافيه
كا
كاكاوية 2010/05/02 · #7
اختي دم الورده افكاري راقي في ناسه واهله شكرا لج على رايج
أط
أطياب الدرة 2010/05/02 · #8
وانا بعد اشيد في افكاري وفي سليل الجهرا وفي الروضان حلوين
كا
كاكاوية 2010/05/03 · #9
شكرا اختي على المشاركة
ام
ام فوز 2010/05/04 · #10
خووووووووووووش موضوع خليني افضفض طبعا معرض دار اللولو بس علشان ما يصير حش الموضوع علني ، المعرض بااااااااااااارد والمعاملة بصراحه ما عجبتني ما أدري ليش كانت صاحبة المعرض مصورة كل التاجرات الا انا طبعا هي اعتذرت لما نزلت موضوع بمنتدى ثاني بس عذر اقبح من ذنب هذا اول شي

بعدين بالشيل والحط محد ساعدنا ولما قلنا لها خلي احد يصعد معانا الجنطه بس لأن المعرض بالسرداب تخزنه وترد علينا بنفس (تساعدكم الخدامة بس بدينارين) اكيد بعطيها !!! بس بكيفي

المعرض السنع العديلية بيت 41 قمة في الذوق والسنع والخدم يحوفونك حوف بصراحه انا دايما هناك ونادر ما اغير
والقادسية فوضى مو راقي صراحه
كا
كاكاوية 2010/05/04 · #11
ام فوز مشكورة على رايج

ونبي الخوات يقولون رايهم

ويقولون وين الزين وين الشين
اح
احلى لحظة 2010/05/04 · #12
المصممة شيماء الخميس كتبت:المعارض المميزه عن تجربة و من خبرتي بالمعارض معرض القادسيه و قرطبه و قهوة كويتيات و افكاري هيلتون المنقف والمعارض ابصراحه الفاشله معارض وايد من ضمنها دار اللولو ومعرض تنمية المجتمع الفردوس و فيلا بيج سي والموفنبيك الحره اسفه بس الحق ينقال


السلام عليكم اختى شيماء

عسى الله يوفقج و باقى المشاركين معاكم عسى الله يوفقهم . وانا صاحبة معرض فيلا بيج سى

انتى قلتى رايج بمعرضى ولكن رايج مو مقياس لنجاح معرضى او فشله ولو انه معرضى مو ناجح ما

اخذ كل هذا الصيت والشهرة ل 3 سنوات على التوالى ولحد الان له مشاركاته وعروضه المميزة اللى

استقطبت المشاركات من كل مكان واعلاناته بجريدة الوطن اللى اكثر من نص الكويت يقراها .

والله يوفقكم ويوفقنا الى ما يحب ويرضى .........

وتحياتى لج وللوالدة ام فهد
ال
المصممة شيماء الخميس 2010/05/04 · #13
احلى لحظة كتبت:السلام عليكم اختى شيماء

عسى الله يوفقج و باقى المشاركين معاكم عسى الله يوفقهم . وانا صاحبة معرض فيلا بيج سى

انتى قلتى رايج بمعرضى ولكن رايج مو مقياس لنجاح معرضى او فشله ولو انه معرضى مو ناجح ما

اخذ كل هذا الصيت والشهرة ل 3 سنوات على التوالى ولحد الان له مشاركاته وعروضه المميزة اللى

استقطبت المشاركات من كل مكان واعلاناته بجريدة الوطن اللى اكثر من نص الكويت يقراها .

والله يوفقكم ويوفقنا الى ما يحب ويرضى .........

وتحياتى لج وللوالدة ام فهد

حياج الله ام صقر بس الحق ينقال الكل عارف ان معرضج ميت وماله زباين لان ماكو دعايه و حتى الناس الي حواليج مايدرون ان عندج معرض اسمحيلي بس هذا الصج و الله يوفقج و منها للاعلى و ان شاء الله تكونين اشهر من نار على علم
كا
كاكاوية 2010/05/05 · #14
كل الشكر لكل من تجرأ وشارك

وقال رايه ووجهة نظره في المعارض

بنتظار الاخوات بقول رايهم
ني
نيرات 2010/05/05 · #15
السماحة زينة حبايبي...

اسمحوا لي أدلي برايي:shades_smile:

أولا يقول تعالى (والفتنة أشد من القتل )

على المسلم أن يجتنب المواضع التي فيها إيغار للصدور ..وشحناء النفوس..

فعند النقد يحاول كثر مايقدر إن يكون نقده بناء ..لأنه يصب في مصلحة الطرفين التاجرة ..وصاحبة المكان المستأجر

لاألوم أحد ..التاجرة اضطرت أن تدفع من فلوسها حق حجز الطاولة ..تتمنى إنها تربح شي...فوق اللي حطته..وحتى تسوق البضاعة ..((والمال عزيز))..وماأتوقع دخلت

هالمجال إلا أن تكون عندها هدف ..أن تنمي رأس مالها ..:sad_smile:

وأيضا لا ألوم صاحبة المكان ..لأنها أيضا حريصة على بلوغ هدف ما لديها ...

بس لازم يكون من الطرفين بذل السبب ..بالنسبة للتاجرة ..قبل الإشتراك في أي معرض تسأل عنه عدل ..وتشوف زباينه

اللي آراءهم معتدلة .:75_75:. وتستخير ..وتتتوكل على الله ..وبعدين إذا ماباعت شي بهالمعرض فهو رزقها من

عند الله ..ودامها استخارت خلاص ..لاتتندم ..لأن هذا اللي الله كتبه والله سبحانه مايكتب حق الإنسان إلا الخير ..وإذا صبر راح يعوضه خير ..

وبالنسبة حق صاحبة المكان ..لازم تبذل وسععععععها ..في الدعاية والإعلان ..لأن الناس أمنت

فيها ..ووثقت ...فلازم تجتهد عدلللللل عدللللل عدلللللللل في الدعاية والإعلان ..لأن الله راح يسألها عن

هالأمانة (أمانة ثقة الناس فيها)..وبعدها عاد الرزق بيد الله سبحانه ..يسوق الأرزاق من غير ما نحتسب ..

وموشرط إنها تربح مية بالمية..ولاحتى نص بالمية ..وأحيانا في ناس والله ماتربح يمكن تطلع راس مالها

ويمكن لأ ..أهم شي إن تكون سوت اللي بيسالها عنه رب العالمين أولا ..وثانيا إنها كسبت سمعة طيبة عند الناس ..

ليييييييييش ..لأنها إهيا حطت نفسها بهالمكان .إن تستضيف الناس في بيتها باجار ...فلازم تتحمل هالمسؤولية..

سألت مرة شركة إعلانات عن الدعاية الكاملة حق معرض قال إذا معرض عادي 3 آلاف دينار ..وإذا أقل

منه يصير تقريبا 1500 دينار...وعلى حسب ..مافي مقياس مضبوط ..

فلازم يصير توفيق بين الربح وشغلج للمعرض ..ألحين بتقولون هذي تتفلسف علينا ..والله أنا قاعدة أقول

رأيي ..بكل صراحة ..لأن حبيبتي الأخت كاكاوية قالت قولوا رايكم بصراحة ..

وبنفس الوقت ماودي الشيطان يدخل بين الأخوات ..كلنا هدفنا الربح ..بس لازم مايكون على حساب

أشياء ثانية مهمة ..ذكرتها لكم ..

ومن رأيي إن إذا في وحدة تضايقت من تصرف زميلتها ..لازم تنصحها بالسر ..موبالعلن ..لأن هذ يطريقة

الرسول صلى الله عليه وسلم ..إن مايشهر في أحد ..إلا في أمور حددها الشرع ..بس بعد النصيييييييييييحة بالسر ..

وأنا قاعدة أشتغل حق معرضي ..وهلكانه والله العظيم كل يوم أطلع ..و حق الدعاية والتوزيع وأتابع

المسجات ..غير مسجاتي الخاصة ,,وورفع المواضيع بالنت ..هذا واحنا بعد شراكة ..وأنا عود من حزمة ..((لأن بصراااحة باخذ فلوس الناس و الامانة موشوية..))

ومتابعة البنرات في المنتدى ..وعمل دعاية في المواقع التجارية ..ويشهد علي الله إني مالي ربح أبدا بهالمعرض ..يمكن أحط عليه زيادة منعندي ..ليش لأني بسوي دعاية وأبني نفسي ..لازم أضحي ..

ولا أحد يظن إني قاعدة أسوي دعاية حق نفسي ..الله يعلم .. لكن إنا ما أحب الشحناء والفتنة ..وأحب دايما

أصلح ..بين الناس باللي ربي يقدرني عليه(مصلح اجتماعي ههههههه)

..بس لا حد يمسك علي ممسك ...أخاف بعد ماينجح معرضي .:mad:.بيقولون اللي يحبون الحجي ..((إي هذي

اللي تقول سوت دعاية ))وانا مايهمني احد ..أهم شي إني أرضي ربي وبس ..وهو سبحانه بعدين بيرضي

الناس علي ..وتعرفون ان رضى الناس غاية لاتدرك ..

أرد وأقول ...ترا والله مابغيت من هالكلام إلا النصيحة حق خواتي في الله ..وأدري كلكم حبايب ...بس

الشيطان لقى له منفذ ..

ياليت هالموضوع يتسكر ..او ان يتم نقد بناء ..يعني ذكر المحاسن وذكر المساوئ ..وذكر الحلول المتاحة ..أو

اللي نقدر ننصح بعض فيه ..ويتم بيننا ..الأمر بكل سماحة وسعة صدر ((عشان نحصل رحمة الله

علينا ..والرحمة فيها البركات من عند الله سبحانه والخير الكثير))

لأن الرسول صلى الله عليه وسلم قال

(رحم الله عبدا سمحا إذا باع ..سمحا إذا اشترى ..سمحا إذا قضى ..سمحا إذااقتضى)

وجزاكم ربي الخير ..وأصلح لنا قلوبنا ونفوسنا ..وأبعد عنا الشياطين...آآآآآمين ..

أتمنى من الله تعالى للكل والجميع كل التوفيق ..(آآآسفة صكيت روسكم)
ني
نيرات 2010/05/06 · #16
للرفع............................
كا
كاكاوية 2010/05/06 · #17
نيرات اختي مشكورة على كلامج ورايج

والحمد الله حنا بديرة متقدمة ولنا حرية الرأي

والموضوع كله بخصوص الاراء عن الزين والشين في المعارض

يستمر الموضوع الغاليه

ونبي مشاركات الاخوات المشاركات في المعارض
ني
نيرات 2010/05/06 · #18
حبيبتي كاكاوية ..أنا معاج ..في الكلام .مية بالمية... ووالله العظيم حاسة بالحرقة اللي بقلبج من الموقف اللي شفتيه..

وعسى يعوضج خير ...

..وأكيد كل واحد من حقه يقول رايه ...واحنا في دولة متقدمة ولنا حرية الري ..للللللكننننننن ..ياوخيتي يبقى حدود الشرع في هذا ..والشرع نهانا ..عن أستعداء الناس ..والشحناء ..

..أرد أأكد ..على النقد البناء ..(اللي يبني مايهدم)..

أختي العزيزة ..ما راح أنسى نصيحتج الغالية على قلبي ..وانت تذكرين وهذا يدل على طيب أصلج ..ونيتج وقلبج ..بس _والله_ يظل إني أحب لج الخير ..وللكل أيضا ..لما شفت الموضوع بيتحول إلى شحناء ..مارضيتها لكم ..يالغاليات والله..

المقصر في أي شي يرجع لربه ويستغفر ..والمهضوم حقه ..هم يرجع لربه ويسترجع: بمعنى أن يقول :إنا لله وإنا إليه راجعون )ويسامح ..وربي بيعوضه خيييير كثيييييرررررر

وهذا اقتراح مني ...إن يكون الموضوع بهدف وضع الحلول ..عشان مايصير بالنفوس شي ..ويتحول الموضوع إلى جدال قاسي ..أو ((((هوشة)))

تخيلي لوانفتح الباب لكل المنتديات في النقد اللي يجيب الكره ..شنو راح يصير بالديرة ..والله محد راح يعيش هني أبد

والكل بيخسر ..التاجر والمشتري ..وكل الناس..

قصدت الرقي بالنصيحة ..وإن أخذتوا فيها ..عسى الله يبارك لكم ..وإن لم تأخذوا فيها ..على هواكم ..وبظل أدعي لج على النصيحة هذيك...ماراح أنساها أبد ..

(((((تذكرة فقط)))))) ...........ولا حد يزعل ..........
كا
كاكاوية 2010/05/06 · #19
كلامج راقي مثلج اختي نيرات

ربي يوفقج بكل معارضج وتكون راقية مثلج

وأتمنى الرقي لكل منظمات المعارض

ولكل المشاركات لنجاح معارضهم ورقيها

وشكرا لج ولكل من شارك في الموضوع
ني
نيرات 2010/05/06 · #20
بااااااارك الله فيج حياتي ...والله إنتي الأصيلة بنت الأصول

وويوفقنا واياج لكل خير ياعمري ..ويرزقج من واسع فضله ..

الحمد لله على هالنعمة .......
كنتي عضوة بالمنتدى القديم؟
استرجعي حسابچ وشوفي مشاركاتچ ومحتواچ من ٢٠٠٩.
استرجعي حسابچ

مواضيع من نفس القسم

تم دمج جميع مواضيع طلبات البائعات في المعارض 120,935 مشاهدة
تنبيه : موضوعك الجديد لن يظهر إلا بموافقة الإدارة . . . 23,465 مشاهدة
دعوه لمعرض دار الازياء بمنطقة هديه العرض يوميا حياكم الرحمن 11,346 مشاهدة
معرض بدل سهره 11,094 مشاهدة
حياكم الله فى معرضى فى العدان 9,460 مشاهدة
اليوم ... 7دنانير ......والاسبوع ... ؟؟؟؟؟ 6,460 مشاهدة
انضمي لسيدات للمشاركة والتعليق والحفظ والتسوّق — مجاناً
انضمي دخول