زوجي يحب السهر مع ربعة انصحوني؟؟؟

[size="6"]صباح او مساء الخير يابنات
تكفون ابي وقفتكم معاي يابنات زوجي يحب السهر وأنا حيل اتضايق لما يجي البيت متاخر اشكثر اتهاوش معاه على هالسالفة ولما اتهاوش معاه يعاند اكثر بعدين وصلنا حق حل انه يسهر بس خميس وجمعة يعني باقي الاسبوع يجي مبجر بس اللة يهديه مايستمر اسبوع الإ اشتاق للسهر ويسهر يعني مرتين خلال اسبوع صارو اربع ايام وتصك هوشة مرة ثانية وثالثة وماكلمة اسبوع كامل بس لما ماتهاوش معاه يدلعني وكل شي ابية يجيبة حقي على فكرة اهو يحبني ويحب عياله اكثر ومومقصر علي بحاجة بس انا اكره انه يسهر حييييييييييييييييييل تكفون ابي نصحتكم انتم حسبت خواتي وانا ماعندي احد ينصحني::52_52:

يا قلبي طول ما انج بتتهاوشين معاه راح يعاند بزياده انتي ريحي اعصابج و كلميه بهداوه شوي شوي من غير انفعالات قولي له انج ما تحبين يتاخر عن البيت لانج ما تبين تقعدين بروحج او تخافين او تشتاقين له اتفقي معاه يوم بلاسبوع يسهر على كيفه بس انتي و شطارتج اوعديه بشي او قولي له مسويه لك مفاجاه اليوم او سوي حركه حلوه خليه يشتاق يرد البيت بسرعه علشان يشوف انتي شنو مسويه له من مفاجات و بس طووووول ما تتهاوشين معاه ماراح توصلين لحل

حاولى تشوفى هو شنو يحب و سوى وهو حينسى السهر وماستنى ردك

هذا طبع معظم الرياييل حبيبتي .. وطبيعي بعد انج ما تحبين هالطبع فيه .. أصلا الريال وجوده بالبيت مثل العزوة
تحسيــــــــن بالأمــــــــــان والراحة بوجوده
وهذا الشي مذكور بالقرآن اللي هو أهم وأحكم من كلامي وكلام أي عضوة

الحل : خليه على راحته .. وبرووووحه راح يرد مبجر .. وحاولي تتقاضين وتتنازلين .. لا تقعدين له على الوحده .. تلاقينه بيغير الروتين .. بس بعد فترة بيتعب ويمل من السهر .. وبيصير باذن الله مثل ما تبين

سلام عليكم

دام تعاندينه او تسألأينه كل يوم بيزيد عليج

خليه براحته ولاتقولين ليش وشحقه ووولاخره

اهوا من كيفه بيرد بوقت معين انا صارت معاي والله العظيم الحين مايرد الا ساعه 11 او 12

طبعا صارت مشاكل وهواش وزعل بس مهما كان في زعل بالموضوع هذا مااتصدد عنه موليه حقه بياخذه لانه مو مقصر معاج كونه زوجج ماتيي على سالفة اذا تسهر انا ماسويلك شيء او او ....

وهالشيء المفروض انتي من نفسج تداوينه مايحتاج سؤال او افكار من بنات او استشاره الحمدلله الريال مافيه عيب بأي شيء دام يدلعج ويعطيج حقج خلاص انا اقول انج انتي اللي تحلينها وصدقيني لاتسألين اي ينت او تدخلين احد من اهلج او من صديقاتج لان هالشيء مهم وايد والافكار والتجاري راح تكون عكسيه عليج حبيبتي اغلب البنات مرو بهالشيء والحل بيدج انتي مافيج قصور اكيد بس لاتحاولين انج تقصرين معاه بسبب السهر نصيحه مهما كان هذا ريلج او عيالج ومعاج من الالف الى الياء ...

خليه وصدقيني بيرد ويتعود وكثر الاسئله والحنه بتوصل لشغلات ماتوقعينها انا جرب بس الحمدلله رب العالمين

واسفه حبيبتي ان قلت شيء مو بمحله تحياتي لج

مشكورة حياتي على مرورج والله يعطيني الصبر على طبعة
تقبلي تحياتي

من حقي أغتر كتبت:يا قلبي طول ما انج بتتهاوشين معاه راح يعاند بزياده انتي ريحي اعصابج و كلميه بهداوه شوي شوي من غير انفعالات قولي له انج ما تحبين يتاخر عن البيت لانج ما تبين تقعدين بروحج او تخافين او تشتاقين له اتفقي معاه يوم بلاسبوع يسهر على كيفه بس انتي و شطارتج اوعديه بشي او قولي له مسويه لك مفاجاه اليوم او سوي حركه حلوه خليه يشتاق يرد البيت بسرعه علشان يشوف انتي شنو مسويه له من مفاجات و بس طووووول ما تتهاوشين معاه ماراح توصلين لحل

والله حاولت معاه كل الطرق بس اللي براسه براسه وشكرا على مرورج
وتقبلي تحياتي

fatma60646089 كتبت:حاولى تشوفى هو شنو يحب و سوى وهو حينسى السهر وماستنى ردك

مشكورة على مرورج وانشالله ينسى السهر
تقبلي تحياتي

ليلى الأنصاري كتبت:هذا طبع معظم الرياييل حبيبتي .. وطبيعي بعد انج ما تحبين هالطبع فيه .. أصلا الريال وجوده بالبيت مثل العزوة
تحسيــــــــن بالأمــــــــــان والراحة بوجوده
وهذا الشي مذكور بالقرآن اللي هو أهم وأحكم من كلامي وكلام أي عضوة

الحل : خليه على راحته .. وبرووووحه راح يرد مبجر .. وحاولي تتقاضين وتتنازلين .. لا تقعدين له على الوحده .. تلاقينه بيغير الروتين .. بس بعد فترة بيتعب ويمل من السهر .. وبيصير باذن الله مثل ما تبين

كلامج كلة صح ويبرد القلب واحاول ادوس على قلبي واتبع نصيحتكم ومشكورة ياحياتي على مرورج
واعطائنا وقت من وقتج والله يسمع منج
وتقبلي تحياتي

حبيبتي انتي قلتيها بلسانج (يحب السهر) ليش ما تستغلين هالشي فيج يعني خلية يحب يسهر معاج يعني اول يوم دزيلة مسج وقولي بسويلك اليوم سهرة ماصارت وخاصة ومميزة.........اكيد بيتشوق لها .............واذا وافق الباقي عليج بانج تعدين عدة السهرة من كاكاو وبطاط ونفيش وعصير او شاي وقهوة مع لبس حلو وقعدة احلى ........وهذا غير الفيلم او المسرحية الي تكونين مجهزتها مع السوالف الحلوة والنفس الحلوة والغشمرة والضحك................اكيد بعدها راح يستمتع بالسهر معاج مثل ما يستمتع برا..........
...............اللة يوفقج ويسخرة لج...........

انا بقولج نفس زوجي وتعبت معاه خمس سنين على هالحال بس لما طنشته ما اسال عنه صار يدق ويقول وينج وشفيج وانا بحاقر معطيته وصار يجي بدري حده الساعه 2

انا بصراحه اشوف الموضوع عادي وانت مكبرته شنو يعني يسهر كل الرياجيل يسهرون ليش مفتوحه الدوانيات والقهاوي اذا اهو مدلعج ومحترمج ليش ماتحترمين رغبته شالانانيه والاستبداد هذي مشكله احمدي ربج انتي بنعمه شوفي غيرج شلون يعاملونهم ازواجهم وبعدين مو شئ غريب السهر علي شباب الكويت شوفي ابهاتنا وخوانا قبل يسهرون عادي

أم أيوب الكويت كتبت:سلام عليكم

دام تعاندينه او تسألأينه كل يوم بيزيد عليج

خليه براحته ولاتقولين ليش وشحقه ووولاخره

اهوا من كيفه بيرد بوقت معين انا صارت معاي والله العظيم الحين مايرد الا ساعه 11 او 12

طبعا صارت مشاكل وهواش وزعل بس مهما كان في زعل بالموضوع هذا مااتصدد عنه موليه حقه بياخذه لانه مو مقصر معاج كونه زوجج ماتيي على سالفة اذا تسهر انا ماسويلك شيء او او ....

وهالشيء المفروض انتي من نفسج تداوينه مايحتاج سؤال او افكار من بنات او استشاره الحمدلله الريال مافيه عيب بأي شيء دام يدلعج ويعطيج حقج خلاص انا اقول انج انتي اللي تحلينها وصدقيني لاتسألين اي ينت او تدخلين احد من اهلج او من صديقاتج لان هالشيء مهم وايد والافكار والتجاري راح تكون عكسيه عليج حبيبتي اغلب البنات مرو بهالشيء والحل بيدج انتي مافيج قصور اكيد بس لاتحاولين انج تقصرين معاه بسبب السهر نصيحه مهما كان هذا ريلج او عيالج ومعاج من الالف الى الياء ...

خليه وصدقيني بيرد ويتعود وكثر الاسئله والحنه بتوصل لشغلات ماتوقعينها انا جرب بس الحمدلله رب العالمين

واسفه حبيبتي ان قلت شيء مو بمحله تحياتي لج

لاوالله ماقلتي الا الصحيح وصدقيني انا انسانه عاقلة بس المشكلة اني ماتعودت حتى عند اهلي اشوف اخواني وابوي يجون على الساعة10 وقليل جدا يسهرون ودي انى زوجي يصير مثلهم بس الناس اجناس وشكرا على نصايحج اللي بالتاكيد اقنعتني وعرفت انى في ازواج نفس زوجي والله يهديه
وتقبلي تحياتي

فيونكةq8 كتبت:حبيبتي انتي قلتيها بلسانج (يحب السهر) ليش ما تستغلين هالشي فيج يعني خلية يحب يسهر معاج يعني اول يوم دزيلة مسج وقولي بسويلك اليوم سهرة ماصارت وخاصة ومميزة.........اكيد بيتشوق لها .............واذا وافق الباقي عليج بانج تعدين عدة السهرة من كاكاو وبطاط ونفيش وعصير او شاي وقهوة مع لبس حلو وقعدة احلى ........وهذا غير الفيلم او المسرحية الي تكونين مجهزتها مع السوالف الحلوة والنفس الحلوة والغشمرة والضحك................اكيد بعدها راح يستمتع بالسهر معاج مثل ما يستمتع برا..........
...............اللة يوفقج ويسخرة لج...........

كلامج حلو بس مو كل يوم ابسوي له حركات انا موظفة وعندي ولدي مدرسة والواحد مايحمل طاقة اكثر من اللي يقدر عليها انا ابيه يلتزم بردة البيت اللي تعودت عليها من اخواني وابوي مايخليها عشوائي متى بيرد يرد ومشكورة على الدعوه والله يسمع منج
وتقبلي تحياتي

ماقصروا الخواتي بنصايحهم وأدعي له انة يسخر لج
وتقبلي مرروري

الله يكون بعونج ههههههههههههه انا صارلي 9 سنين يقولي ان شالله يخفف السهر وما في فايده والله كلهم جذي


لاتعبين روحج حيااااااااااااااااااااااااتي انتي حاولي تهدين عشااااااااااان روحج

تبارك كتبت:الله يكون بعونج ههههههههههههه انا صارلي 9 سنين يقولي ان شالله يخفف السهر وما في فايده والله كلهم جذي


لاتعبين روحج حيااااااااااااااااااااااااتي انتي حاولي تهدين عشااااااااااان روحج

لاحبطتيني حياتي كان عندي امل
وشكرا على مرورج

الصبر ثم الصبر

اصـــبري عليــه مرده بيتركـ السهر

هم انا زوجي يسهر وصابره يعني غيري العن ماتشوف رقعه وجه طول اليوم مع هالشي يعطيني نفسيه خايسه بس صابره لان مرده بيكبر ويترك هالسوالف لاتهاوشين لانه مراح ينفعج بشي كلميه بحنيه كلام حلو رومنسي وصدقيني بيحن عليج ,, والله يوفقج

وااااااااي انا بعد نفس حالتج بس اتفقت معاه كل جمعه بس

طبعا بالحسره رضى واهو الحمدالله ماعنده خرابيط ولا سوالف بس 24 ساعه بالديوانيه

بس هم يعنى مايمر اسبوع الا سهران يوم يومين وقمت اطنش لانى تعبت حييييل كل يوم والثانى هواش

الله يهديهم ان شاءالله