تروحين الدوام وانتي متضايقة؟؟

إذا كنتي موظفه وقبل ما تروحين الدوام صار بينج وبين زوجج تش او اي احد
ورحتي وانتي متضايقه ونفسيتج تعبانه

هل يبين عليج ؟؟ وشتسوين عشان ما يبين عليج؟

مشكلتي انه اذا كان فيني شي على طول يبين علي
مع اني ما حب احد يلاحظ اني متضايقه واحاول ابتسم واتصرف عادي
لكن ما اكون بنفس تفاعلي وضحكي وسوالفي المعتاده

وفي بعض المرات افكر اني اغيب ولا اروح بفسية مو حلوة

اول في ايام الدراسة لما كنا نشوف مدرسة معصبة ونفسيتها زفت نقول هذي اكيد متهاوشة مع ريلها هههههه

هل تعانون من نفس المشكلة ام عادي بس تروحين الدوام تنسون؟؟

هلا أختي . . .

المشاكل الزوجية ما طول ولا تاخذ وقت . . .

يعني ما في شي يستحق اني انكد يومي علشانه . . .

بالعكس غيابج بيأثر عليج نفسيا وصحيا . . .

والزوج ولا على باله . . .

فالأفضل من تطلعنين من بيتج انسي واستمتعي بيومج ويا رفيجاتج ودوامج . . .

انا عن نفس المشاكل اللي تصير داخل بيتي من اطلع بره غرفتي


جنه مافيني شي والوضع طبيعي وبالعكس اذا كنت متضايقه اكون مفرفشه اكثر


من اذا كنت مستانسه رأكشني معقدني هههههههه


بس جد مااحب احد يحس اني متضايقه ولا احب ابين ضيقتي لأن اللي يحبوني

بيزعلون عشاني وراح يكبرونها براسي اتوقع ويزيدون علي


عشان جذي احب مشاكلي تصير داخل شقتي ومن اطلع كل شي يتغير


حتى اذا تواجهنا عند احد واحنا متزاعلين مستحيل يبين علينااا نتكلم بشكل طبيعي ..


وعلى قولة اختي ام عبدالله نحرق بنفسنا واهم ولا ع الباال يعني خلج ايزي ..

وأنا بعد اوافقهم الراي

الوحدة لا تضغط على نفسها زود لانه كافي مسؤولية البيت واليهال عليها والامراض تكثر فيها من كثر النفسية التعبانة

بالعكس انا لازعلت منة او تهاوشنا اطلع برى البيت اتمشى ازور احد اغير جو شوي ومعنى مرات يرفض اطلع وايصر

مااطلع

وهو الحبيب طالع رايح الدوانية او المقهى ......................

انا يبين علي اني متضايقه

مع اني احاول اخفي وما ابين

بس الافضل انج ماتبينين وتعيشين يومج

والله صح انا بعد اذا مضايقه من زوجي او العيال وعندي دوام مااقعد في البيت بالعكس اروح الدوام عشان انسي المشاكل وترى الدوام يساعد على تغير النفسيه وهروب من المشاكل البيت ومجتمع ثاني

والله كذا مره اروح الدوام وانا مضايقه بس اروح اغير جو احسن من قعدتي بالبيت حق التفكير وضيقة الخلق بس مع سوالف البنات انسى الموضوع ...

احتي حاولي تنسين لان الي راح يتضايق هوانتي ام اريال ولاعلاباله
فحاولي تغيرين جو بذهابك للوظيفه

انا حييييييييييييييييل يبين علي مرات احط ايدي على خدي واقعد افكر واسرح ومرات اسولف مع بنات وفجاه اسرح وافصل لات على اتفه الاسباب اتضايق والبنات يقولون اشفيج واشفيج اقولهم مافيني شي يقولون لا مبين عليج متضايقه احاول ادس الضيقه بس مفلصصصه حيل

بطلت مابي اعلق

انا راي ان الناااااس قدرات


في ناس تتأثر وفي ناس عاديوفي نا ينجرحون وما يبين عليهم...اما انا احاول بس ع طووووووووووووووليبنين الله يهون