أفضل أنواع الكيراتين ( جلوبال فورمالديهايد فري) البرازيلي تصنيع بريطانيا

السلام عليكم
شلونكم بنات؟؟
أكيد كل وحده فيكم سمعت عن الكيراتين ؟؟ ناس تمدحه وناس تذمه وناس تقول انه ممكن يسبب الأمراض والسرطانات ( الله يكافينا شرها ) عشان جذي نزلت هالموضوع عشان يزيل اللبس

أول شي الكيراتين انواعه كثيـــــــــــــــــره منها الامريكي ( وهو تم منعه في امريكا لأسباب صحيه , وبسبب حادثه صارت هناك وانتشرت) ومنها اللبناني والتايلندي والفلبيني والانواع الاخيره الثلاثه ماتخلى من مادة الفورمالديهايد حتى لو كان موجود بنسبه بسييييطه مثل الكيراتين اللبناني ومعروف عن مادة الفورمالديهايد انها تسبب اضرار على الشعر وعلى الصحه العامه سواء على المدى القريب او البعيد وهذي الانواع متوافره بالكويت بكثره , وللاسف اهي اللي تستخدمها اغلبية الصالونات عندنا بالكويت وخصوصا اللبناني ,, وممكن تحصلون هذي النوعيات في محلات تجهيز الصالونات مثل النسائم وغيره بأسعار رخيييصه وهذا سبب استخدام الصالونات لهذي النوعيه عشان يوفرون على نفسهم بغض النظر عن صحة الناس .
أما احسن انواع الكيراتين فهو الكيراتين البريطاني وهو Global keratin formaldehyde free وهو برازيلي المنشأ بريطاني الصنع ،نسبة الكيراتين في هذا المنتج 100% أي أنه خالي من مادة الفورمالديهايد , وهو عباره عن علاج يتكون من بروتين للشعر والجلد يتميز في انه يغلف الشعره بطبقه من الكيراتين ( البروتين ) فينعم الشعر من غير مايضر الشعره أو يغير من طبيعتها أو نسيجها ويعطي الشعر حيويه ولمعان ويعالج التقصف , وعندي كذا ملاحظه للي حابه تسوي كيراتين :
_ اللي حابه تسوي كيراتين بأي صالون قبل لاتسويلج تأكدي انه الاصلي واسمه Global keratin formaldehyde free وتم تصنيعه في بريطانيا , واذا تأكدتي انه الاصلي تأكدي انها مو قاعده تخلطه مع أي منتج ثاني رخيص .
_ وتأكدي أن اي كيراتين يملس شعرج ويفرده يعني مثل مفعول اليوكو فهو مخلوط بتمليس لان الكيراتين الاصلي علاج مو تمليس ينعم الشعر بدون مايفرده .واللي حابه تسوي هذا النوع من الكيراتين فهو موجود عندي اشتريه من لندن وممكن أسويلها اياه وتقدر تتأكد من النوعيه بنفسها انها أغلى وأحسن نوعيه موجوده بالسوق :) واذا بتسوين عنه سيرج بالنت عشان تتطمنين اسمه Global Keratin UK