كو
كويتيه كلاس
2010/03/22 · #1
السلام عليكم ام محمد حلمت إني مع بنت عمي في غرفه منوره و تشرح الصدر و كنا قاعدين جمب الدريشه ( النافذه ) فجأه سمعت أحد يضرب على الدريشه فلما فتحتها لقيت طليقي متسلق ما أدري سلم أو حبل عشان يوصل لي و لكني ما كنت مهتمه فيه و أبي أصرفه عني كان أقوله جيبلنا سكر السكر خلص عندنا .. وبعدها راح طق الدريشه و فتحتله وجابلي كيس جمعيه لما فتحته لقيت داخله سكر معاه دبو (( نوع من أنواع الحشرات مثل النمل لونه بني )) و معاه 3 سكانات شاي فاضيه فاستغربت و قلت هذا إللي قدرت عليه سكر و بعد معاه دبو ؟؟ كان أحذفه عليه و سكرت الدريشه كان يطقها مره ثانيه فتحتها كان يعطيني تيليفون نقال خربان كان أحذفه و قلت هذا إللي تقدر عليه ما تعرف تجيب شي فيه خير كل ما جبت شي لازم فيه عيب كان أطرده و أصك الدريشه بوجهه و هو قعد يطق و يطق بس ما عطيته وجه فجأه دخلت علي إختي تهاوشني تقولي افتحي للرجال لا تفضحينا جدام الناس يقولون خلت الرجال على الدريشه ما افتحتله .. و مت بعدها من النوم مع العلم إني صارلي مطلقه سنه و ما حاول طليقي إنه يردني و أنا ما أبيه ..