يعطيكي الصحه والعافية

حلمت اني مع امي واختي في المطعم ناكل . وبعدها ركبنا سيارتي نتمشى عالبحر بالسيارة.
وقبل لا نوصل ابراج الكويت . قالتلي امي :-

انا مشتهية ذرة وعيش ( الارز ) نزلي وشوفي اذا موجود بالبوفيه اللي انا مشتهيته .
قلت لها :- حاضر راح ننزل كلنا ... ( اللي انا مستغربته بالحلم امي كانت راكبه كرسي متحرك وانا اللي ادزها واذا في رصيف او عتبه عاليه انا اشيل الكرسي وامي فيه يعني الكرسي كان جدا خفيف وامي في الواقع تمشي على رجولها عادي )

بعدين تاكدنا انه عندهم ذرة وعيش ( الارز ) ورحت احجز لهم طالوله

واحنا عالدرج لم تستخدم امي الكرسي المتحرك عشان نشوف طالوله وانا كان بودي طالوله عالبحر . كان درجهم من النوع كل ماتنزلين يلف فيكي الدرج ( يعني درجهم مو سيده , لأ فيه لفه على جنب )

وانا انزل اشوف فيه كراسي لونهم احمر رووووعه. فجأه الدرج مافيه درجه ثانيه يعني صرنا معلقين مانقدر ننزل اكثر لانه مافيه درجه كمان . اختي ما انتبهت فسقطت ووقعت على الارض ( اختي عمرها 21 سنه لما سقطت كأنها ذو 7 سنين ) , انا خفت على اختي واشوفها تتحرك على خفيف فقررت اني انط لأطمئن عليها وتركت امي على الدرج وامي كانت خايفه علي

ملاحظه :-

عمري 27 سنه منفصله بدون اولاد غير موظفه

اختي الغالية الرؤية فيها عدة رموز
فاولا من تفقد المشي وتجلس بكرسي متحرك وهي بالاصل تمشي
فهنا رسالة بان الوالدة ممكن تتعرض لمشكلة او لامر ما يتعبها
لان الرجول اداة لحمل الجسم فلبما تفقدهم فهو مشكلة او ازمة ممكن تعترضكم
وتمر بسلام
والدرج المتحرك بلفات هو التوهان وعندكم امور فيها بعض التعب ستزول وتنتهي بس عليكم
بالحزر اكثر
ووقوع اختك هنا رمز الانتباه لانها ممكن يحصل معها مشكلة او تنصدم وتوقع بمشاكل
هي بالغنى عنها فلازم تحزر اتباعا لقوله ((يايها الذين امنوا خذوا حذركم ))
فلتحذر مممن حولها وتكبر عقلها حتى لاتكون بسبب لظهور مشاكل وتعب والله اعلم