الحقوا علي

السلام عليكم يا احلى منتدى ارتاح فيه
عندي مشكلة اتمنى منكم التفاعل معي فيها لاني احب نصايحكم
بدخل بالموضوع
انا صار لي متزوجة 4سنوات وعندي طفل وحامل
مشكلتي اني اكتشفت ان زوجي صار يدخن له شهرين تقريبا
مع انه قبل بس شيشة مو يوميا بعدوبصراحة الموضوع مضيق خلقي ولا ابي اهلي يعرفون بالموضوع وانا اكره الدخان والتدخين والله كل ماشميت ريحته تخنقني العبرة
وهو مايدري انا عارفة بالموضوع تكفون وش اسوي؟؟؟؟؟؟؟:sad_smile:

هلا اختي . . .

الشيشة تعادل اكثر من باكيت سجائر . . .

يعني صبه حقنه لبن . . .

لا الشيشة والا السجائر شي طيب . . .

وربي يعينج على الرائحة . . .

حاولي تدخلين له مدخل ديني وتقولين له الفتاوي اللي حرمت التدخين لان لها مضار كبيرة

ودائما بيني له انج متضايقة من ريحته خصوصا لما يقرب منج لعل وعسى يخفف منها . . .

وربي يهديه ويتركها . . .

حبيبتي قوليله اخطارها وان ريحتها اتضايقج وحسسيه انج خايفه عليه منها وخليج وراه ليما يتركها وادعي له بالهدايه

شلونج ياقلبي

حاولي تقولين له عن مخاطر التدخين

وانه ريحتها تضايقج وتاثر على الجنين وانتي حامل

والله يوفقج

لا يــأحياتي لاتعلمينه انك تدرين على انــه يدخل بعدين بيــدخن قــدااامــك...

اختلقي قصــه عن التدخيين واضرااره..
مثلا قووولي..
فـــلان شفت خويتي فـــلانه كانت طلع ولدهاا مشوهه ولماا كشف عنهاا الدكتور قــالهاا بسبب ماده كيمااويه النكوتين لان زوجهاا يدخن..
او قوليله خويتي فلانه متضــايقه حييل لانهاا زوجهاا صــار يدخن وهي احين من كثر مــو كاره التدخين اكــرهته ..ومااادري شنو اقولهاا وش تنصحنـــــي فيه..

ليش مكبرين الموضوع

اغلب الرياجيل يدخنون

عااادي

بس اهم شي مو قدام العيال

حبيبتي هونيها وتهون



اهم شي احرصي ان ما يدحن جدامج وصارحيه ما فيها شي





وادعيله