فتور العلاقه الزوجيه....ابي حل؟؟

مرحبا بنات
متزوجه لي 4سنين واحس فتور في علاقتي بزوجي نحب بعض بس ماكو جديد وهو من النوع الي مايحب الطلعات والسفرات. احس حياتي روتينيه وممله حتى علاقتنا الحميمه
عيد زواجنا قريب وابي تنصحوني شسوي ابي اغير واونسه بنفس الوقت.لاتقولون لي غيري
بشكلج لاني من النوع اللي احب التغيير في شكلي وبيتي بس ابي شي غيييييييييير
ساااااااااااااعدووووووووني لاتخلووووووووووووووني..................

مافي غير اللي قلتيه الا السفرات وتقولين زوجج مايحب ..

نا اقولج اقنعيه انج تروحين للخبر فيه شاليهاات تجنن يمدحونها توها مرت اخوي جايه

ليلتها ب1000 ريال هو لعايله كبيره بس روحي لو ليله وحده وتغيير الروتين بعيد عن

العيااال الله يصلحهم انا مفكره بيووم زوجنا ان شاء الله اروح له ..

وتغيير نظاام الشقه هم حلووو ويغير من الروتين شوي ..

واذا انتي نفسي عاطله عن العمل ههههههه ماالومج بالملل بس هذي الحيااه لازم نتأقلم عليهاا

ونصيحتي لج اقنعيه انكم تسافرون ولو بالسياره وليله وحده مو اكثر صدقيني

لتغيير حلوو ..

ويوم زوااج سعيد ان شاء الله والله يديم المحبه بينكم ويخليكم لبعض ..

حبيبتي لازم تغيرين المكان بس جنه بدري علي الفتور



طلعي فندق بالكويت وخلي الفندق يزين الغرفه



وبالتوفيق

مشكورين على النصايح بس هم لي الحين مو مرتاحه ابي شي اغير روتيني ليته يقتنع بالسفر حتى بسياره بس زوجي ماراح يرضى

قلبي

لو مارضى بالسفر

عندج شاليهات الخليفه اعتقد اسمها جديده

روحي وياه لو بذاك اليوم بس

ومووفقه يارب

الله يوفقج يارب........اكسري اي شي روتيني بينكم
طلعو ريوق برة
او سوي له ليلة حمرة من نوع خاص...يعني تقمصي شخصية ثانية ...سويها بطريقة لعبة انج وحدة ثانية واتصلي فيه بالتلفون وداعبيه وتحرشي فيه وطلبيه لغرفتج وانج تبينه...ولما يشوفج خلي شكلج مختلف لبسي شي مو متعودة تلبسينه.......مو شرط قمصان نوم...لبسي مثلا عباية مخصرة ونقاب مغري
او بنطلون جينز وكاب ونظارات شمسية.....وكانج مغازلجية ...صدقيني راح تستانسون

كلام اختى ام عهود صح والله

سوى نفسج وحدة ثانية واغرى بالملابس مثل ما قالت اختى

الله يسعدج طول العمر

زوجي روتيني ممل مو من النوع اللي لاعزمتيه على شي يلبيه لا عادي يمكن يفشلني ويرفض عزيمتي والله العظيم يابنات اني مليت من هالحياة

شالسالفه بنات ابي تفاعل اكثر والله نفسيتي حيل تعبانه

يا قلبي و الله حاسه فيج بس لا تكبرين الموضوع ترى إبليس يحاول يضخم الامور عشان يزرع النفور بين الزوجين .. دام الرجال مو مأذيج جسديا و لا نفسيا احمدي ربي و اشكريه و ادعي ربي بتالي الليل انه يسخره لج و يفتح قلبه لج و الله يا قلبي اعرف وحده حياتها مع زوجها جحيم لا يطاق طق و تحقير و اهانه و لا يراها شي و لا يقرب لها الا يمكن مره او مرتين بالسنه .. غامري و حاولي معاه لا تستحين منه .. و لا تخافين يفشلج عادي جربي نفع معاه نفع ما نفع مثل ما يقولون كثر الدق يفج اللحام حاولي اكثر و اكثر و بإذن الله راح يلين معاج .. عسى الله يوفقج و يسعدج و نفرح بعيالج .. و يوم زواجكم هيئي نفسج انه بإذن الله بيكون اروع يوم بحياتج بقولج حركه سويتها .. غيرت الديباج حطيت ملكي أبيض ستان و شموع أبيض بزهري و حطيت عالكومدينو كرستال أبيض شفاف من ماكس مع الشموع و ورد جوري وردي .. و جبت ورد طبيعي مقطع و نثرته عالديباج ..لبسي قميص دخلتج اذا للحين عندج و جيبي ألبوم الصور حطيه عالديباج و هديتج له .. هيئي نفسج حزتها إنج راح تسيطرين عليه بكل الوسائل الممكنه .. و موفقه يا قلبي