مصرووووووووف الزوجه

يابنات ياغاليات كم تتوقعون يكون مصروف الزوجه بدون مبالغه ولا استحقار للمراه يعني ابي رايكم جم المفروض الزوج يعطي مرته؟؟؟؟؟؟؟؟؟؟؟؟؟؟؟؟؟؟؟؟؟

المفرووض يكون 100 دينار على الاقل

صراحة الحد المعقول وبهالزمن 150 اقل شي عاد المرة بذكائها تقسم اللي تبية كل شهر شنو محتاجة... وصدقوني كل شوية فية بركة.... طبعا انا اقول عن الحريم اللي مو متوظفة..
بس انا منصدمة من شغلة ان المرة قبل الوظيفه تلبس احلى لبس وتكشخ وما تخلي شي بخاطرها .... بس تتوظف استغفرالله تنسى نفسها وما تهتم لنفسها >>> انا اتكلم عن بعض الحريم

المفروض يكون بالاتفاق بنهم حسب دخل الزوج

والله على حسب الزوج وزوجته واتفاقهم لانه يختلف من وحده لي الثانيه ..

مقمسين الراتب للمصروف اليومي لي وله ولعيالنا ..

وحاطين مبلغ لمشترياتنا وطلعاتنا واذا انا ابي اي شي اخذ مو محدده لي مبلغ محدد

صراحه والله مااحب اخذ معاش منه لان مرات تكون التزاماتي فوق ال200دينار ..

صح والله على حسب معاش زوجهاا

وانا كان يعطيني 100 بس بعدين قلت

مابيها اي شئ ابيه تعطيني لان بصراحه طلباتي فوق 100

والناس كلهاا حاسدتني على هالميه

فقلت عووووووووع منها

ماصار فيهاا بركه

مع ان راتب زوجي وااااااايد زين

واعرف وحده مسكينه زوجهاا حتى بالعيد مايعطيها

الله يصبرهاا على زوجها الخبيث

مرحبا بنتات دامكم بطلتو هالموضوع انا توني متزوجه من شهر وانا طالبه توني بالكليه ومستحيه اطلب من زوجي مصروف بس لازم اطلبه بس مو عارفا شلون ساليت تساعدوني

المفروض 100
وبصراحة ماتكفي السوق نار يعني تخلين 100 تطلعين بربع 100 تساوي 10

الله يعطيكم العافيه ومشكورين ع المرور تقريبا اجاباتكم نفس الشي

صحح علا حسب

والله على حسب وضع الزوج الماادي وعلى حسب قناعه الزوجه

قوليله انا محتاجه شغله من السوق يالي تقولين عروس واهو بطريقته راح يفهم ويقول انا بدفع

والله مادري انا صدفة زوجي يعطيني مصروف
بس الحمدلله على كل حال

انا الصراحه مالي مصروف امحددنتى ما احتجت خذيت منه

انا على حسب التزماتي

70 او 100 او 150 او 200 او 250 مو اكثر من جذي

على حسب الزوج يعني اذا ماكانت موظفه يعطيها كل شهر 200

وانا ماظن في كويتي راتبه اقل من 700 كلهم 700 وفووق يعني مقتدر والحمدالله

خصوصا اذا كانوا توهم متزوجين يعني مافي غير راسهم اهم هالاثنين ومافي مصاريف واجد يعني 200 حق الزوجه تكفي لها

بس بنسبه لي الوحده تكون على وظيفتها ومعاشها ابرك لها بلا منه الرجال ومعاشه

الصراحه انا مايعطيني كلللللششششش لاني موظفه
واذا كنت محتاجه وطلبت منه يقولي سلف وتردينهم ترى ماعندي
بس ينزل معاشي يقول وين افلوسي احس انه بخيل مرات
ومرات احمد ربي اني موظفه ...

كنت اول اخذ 100 بس مصروفي اكثر من 100 والله العظيم هالشهر صارفة 300 على شنو ماادري 100 ماتسوي شي ماقام يمشيلي مصروف لاني اخذة وزيادة انا ادرس بالمعهد مو موضفة بس مايقصر بشي لو ابي زيادة عطاني الله يحفضة اذا حل وسط 150 حيل حلو ومناسب الدنيا طايرة تدخلين الجمعية اغراض تافهة كاكاو لج وخرابيط ب30 وفوق شدعوة تدخلين بو 100 فلس وانتي ماتبين شي بس جذي طالعة ب10 وهم السوق لازم تشترين وعبي وغيرة والمطاعم لي طلبتي هذا بروحة معاش كامل بس صج مافيها بركة بالمرة والله اخذهم واطيرهم ولا استفيد منهم لا عباية ولا شي مهم بس للخرابيط واذا عندج مناسبة يزيدهم لج