((الزوج البخيل))

اشدعوووه مافي ولا مشاركه؟؟؟؟؟؟

والله اتوقع البخل عاده شيـــــــــــــــــــــنه ..

انا مسرفه لابعد الحدود وزوجي كذلك مرات اتمنى واحد مننا يكوون بخيل

والله البخل يفيد مراات بس مو دااااايم طبعاا لانه يخنق اتوقع وانا عن نفسي

مااتحمله ولله الحمد الله رزقني بزوج نفس طبعي ..

يسلموو ع الموضووع وان شاء الله البنات يشاركوونج بموضووعج ..

اتوقع اني بقتله يستحييييييييييييييييييييل اعيش مع بخيل

الله يوفقج حبيبتي عسووله ويخليكم حق بعض وشاكرتلج مرورج العسل


مشكروه حياتي ميما عالمشاركه الحلوه

اشدعوووووه بنااااااااات وين تفاعلكم

صج احباط

شوفي انا مثل ما قالت عسوولة انا مسرفه لأبعد حد عادي اليوم نازل معاشي باجر مخلص
والله على أشياااء تافهه تلقين جنطة و لا موزعه فلوسي على اخواني و امي :)
ماعرف أخلي دينار بجيبي فمرات يعصب يقووولي بس ترى حرام تصرفيين جذي باجر ربج يسألج فيما أنفقت و مادري شقوول و انا اعصب اقوولة مو شغلك معاشي كيفي والللللللللللله >>>>
المهم من فترة صار ياخذ كرتي البنك و اهوة يعطني مصروف كل يوم و بحدود وحسيت بتقشف و صرت ابجي وأقولة يالجعص يالبخيل و انتحر اذا طلعت مع اهلي و لا رفيجاتي بس لما اطلع معاه اخلييه يتحسف مسكييين
على قوولتهم أخليه يصفر أفلسه المهم بعد فترة رد لي كرتي البنك و لا يقوولي روحي شوفي جم بحساابج و لا صج في مبلغ 2000 و شي قالي شفتي شلون انا مو جعص و لا بخيل انا بس بعلمج شلون تقتصدين و من يومها خليت كرتي عنده و كل يوم الصبح أقولة يباااه ابي تلووووس و يعطيني تلوووس حق الدوام خخخخخخ :)

بصراحه انا زوجي موبخيل الا اهو البخل نفسه بس بعيد زواجنا قبل يومين جابلي هديه اتوقع انها رخيصه بس انا غلطتي ماعودته على ان يصرف علي ماكنت اطلب استحي ايام عرسي اهو يعطيني 100 دينار واهو حق عيد عرس مدرسه ولو اموت ماشوف منه بعد فلس واحد بس لان حلال ريلي حلالي ابوق منه مرات بس مايحاسبني لا ومرات ايجيل البيت واكثر المرات لا معاناة الصراحه بس الحمدالله انا ماحب اطلب خواتي ايهاوشوني ايقولن طالبي بس بصراحه احس اني اهين نفسي اذا طلبت وتكونماعندي عزة نفس بس البنات ايقولون مافي من هالسوالف بين المره والرجال

الله يعينكم.............

بصراااحه الزوج البخيل الحياه وياه مستحيييييييييله....

شاكرتلكم مروركم ومشاركتكم ا حبايبي



خضيره تهقين لي متى راح تتحملين هالوضع؟؟؟


مافكرتي تصارحينه تذكرينه بواجباته؟؟؟؟انه لازم يصرف عليج وقت تحتاجين؟؟؟

ماادري اذا عندج عيال او لا او اذا ماعندج شلون راح تتصرفين اذا صار عندج عيال من وين بتصرفين؟؟؟

مرحبا ...حبوبه اشكرج على موضوعج الرائعه بس اذا بفتره الملجه شلون تعرفين اذا اهو بخيل اولا ؟؟

في فرق بين البخيل والمقتصد

انا ما جربته الحمدلله زوجي لابخيل ولامسرف مقتصد مايقصر معي ولا مع البيت لكنه مايسرف ويحاول يبقي لايام الزنقة

بنت خالي تركت زوجها ماتحملت بخله

غلا زوجي شاكرتلج مشاركتج حبيبتي والله يوفقج ويهنيج انشالله يااااارب


زوجة الملك حبيتي اشكرج على مشاركتج واطرائج على موضوعي :smile:

انا هذا سؤالي اللي محد جاوبه:confused_smile: بس اتوقع يبين بفترة الملجه بالذات اذا كانت فتره طويله انه مايعطيها مصروف كل شهر مايعطيها هدايا مرات كلامه يبين مثلا كل شي بالنسبه له غالي وكل شي بالنسبه له ماله داعي طبعا هذا بالنسبه حق اللي تتواصل مع زوجها وتطلع معاه


اتوقع جذي يبين اذا كان بخيل ولا شرايكم؟؟؟؟:75_75: