شوفو لي حل مع ابو زوجي بتطلق والسبه؟؟؟؟؟

مرحبا حبيباتي والله ابي مشورتكم في موضوعي لاني مليت من هالعيشه ابو زوجي ناشب لي نشبه بالطالعه والنازله انسان متسلط تخيلو يبيني اربعه وعشرين ساعه مقابله وجه يعني لاتصعدين فوق الا وقت النومه ياربي مليت منه حتي زوجي مل من كثر المخانق ولا يقول ابيج تنزلين بالوقت اللي ابي يعني بمزاجه صراحه زوجي عسل معاي ويموت فيني بس ابوه المشكله وكثر الخناق مع ابوه وقلت لزوجي شف لك صرفه مع ابوك ولا ودني بيت اهلي مايصير وزوجته اللي هي خالتي اربعه وعشرين ساعه برا البيت واطيح براسي مع العلم انه موكبير بالسن بس يحب يفرض رايه بس انا ابي اخذ راحتي اقوم بالوقت اللي ابي وطلع بكيفي بس هو بيتحكم فيني شسوي بالله عليكم وبناته ماخذات راحتهم ببيت ازواجهم طبعا كل وحده ببيت بروحها واتحدي احد يقولهم شي من اهل ازواجهم ؟ وماخفي كان اعظم ؟

الله يعينج حبيبتي
والله غريبه العاده الخاله حاطه دوبه دوب الجنه والعم ماله شغل بأحد

الله يعينج انا من منظوري الحل بيد زوجج المفروض يتفاهم مع ابوه وامه لانه هو ولدهم ويتقبلون منه

حبيبتي اذا ما تقدرون تطلعون بره البيت تحايلي يقولون من ليس لديه حيلة فليحتال
كل شوي تفككي منه مره قولي له عندي شغلات لازم اسويها بغرفتي
مره قولي بنظف مره قولي بكوي ........الخ
واذا نبين تطلعين طلعي قبل لا يتفرق لش ويصير موجود وكثري روحات بيت اهلش وفتكي منه
لكن انتبهي لزوجك ارضيه ودلليه وخليه يادهينه لا تنكتين وحافظي عليه.
والله يعينك .

الله يكون بعونج والله يعينج عليه ياختي اطلعوا ابيت ابروحكم ووفكي نفسج ولا صبري وتحملي عشان زوجج

ماتدرين امكن معجب فيك هاهاهاهاهاها وسسسسسسسسسسسسسسسسسسسسسسسعي صدرك وعطيه ركبه شايب مخرف

انا اوافق ذنوب الحب 44 ع رايها افضل انكم تطلعو بيت بروحكم ولا تجيبي طاري الطلاق ف لسانج
وليش ما تكلمي خالتج ؟ كلميها وشو فيها شو بتقول !
الله يعينج ع عمج