g6
g6wa.90
2010/02/03 · #1
مساء الخير ..
والله اني منحرجه اكتب هالمشكله البسيطه اللي معيشتني بجحيم..
والمشكله زووووووووووووووووووووجي:sad_smile:
>> طبيعته وايد يغار..كثر مايغار يشك فيني:sad_smile:
طبيعته وايد ينبش بتلفوني بس من جدامي مو من وراي.
لدرجه اني اين اسير مينوووونه واعصب ونتهاااوش
لازم كل يوم تقريبا يمسك تلفووني ربع ساعه يدش كل مكان فيه
حتى :sad_smile: بالتقويم يدش والسجل و:sad_smile:المسجات والصور
كل شي كل شي.
وانا جم مره تهاوشت معاه بس مابي اقول حق اهلي ..لان بيشوفونها تافهه وبسيطه..
اهو واثق فيني. يدري ومتاكد 1000% ان مااااعندي غيره
بس مااااااااااااادري ليش متى هالمرض:emoticon_U: وهالشك جد انا تعبت ومادري شلون اتعااامل معااااااااه ..:emoticon_U::sad_smile: والله تعبت كل ماحد دق يركض يشوف منو ويشوف منو الي دزلي المسج والله تعبت ..ماكان جذي قبل:sad_smile:
وسالته انت تشك فيني يقول : لا ماشك بس حرص
بس مااااساااار حرص جذي
تعبت ابي نصايح اقوله.. ابي حلوووول ..
صباح الخير ياقلبي ولاتضايقين ولاتزعلين نفسج المهم انه واثق فيج خلاص انتهينا والي قلتيه خليه يشوف منو يتصل ومنو داز لج مسج وين المشكله عادي اذا بكل مره يشوف تلفونج فيها بتسوين سالفه وتهاوشون صدقيني عقله بيخليه يشك فيج لما الحين الشيطان مامات اعوذ بالله منه خليه يشوف على راحته وانتي تعودي على هالشي اعتبريه طبع من طبايعه واظن مافي احد كامل الكمال لله وصدقيني لما يشوفج عادي مع الايام بيخف هالطبع والله يوفقج
كا
كاتبة احساس
2010/02/03 · #3
معليش حبيبتي لاتتضايقين
بختصرلك الكلام والنصيحه
كل او اغلب رجال العالم هيك
لايهمك شيء بيروح كل شيء وتبقى الثقه هي الاساس
انتي لاتتعبين وهذا الشيء ضروري في كل بيت ويصير في كل بيت
سواء اب او اخ او زوج او ام كمان
خليك بالسليم ولا يهزك شيء
اسألك الله لي ولك ولهم السعاده دنيا واخره
ال
الطيب والكادي
2010/02/03 · #4
حبيبتي الشك والغيره طبع وشي عادي بكل جنس الرجال اهم شي تكون اعصابج بارده ولا تهدمين بيتج بشغلات وامور تافه وانتي عطيه الجوال وضحكي وقولي بالعكس انت تعجبني بكثر اهتمامك مره علي مره يستحي ولا يهتم بجذي سوالف لانه بيوثق فيج
تقبلي مروري
حبيبت قلبي لو حس انج مضايجه من هالشي راح يشك فيج تعودى على هالشي ومثل ما قالت الاخت اعتبيرنه خصله من خصاله او طبع وعقب ما راح يحس ان السالفه عندج عادى وتعودتي على هالشي راح يمل اهو ويخفف منها وبعد ما راح يسويها
تحياتي القلبيه لج
اسال الله لكم الهدايه
جو
جوريه ذهبيه
2010/02/03 · #6
رايي من راي البنات بالعكس انا لو منج اذا دخل انا اللي اعطيه التلفون واقوله لو ماتحبني ماتسوي جذيه وصدقيني مع الوقت راح يخف وان شاءالله يترك هالطبع.......
الله يعينج والله
بس صح رايي من راي البنات خلج واثقه من نفسج عادي لا تحسسينه انج خايفه
lo
love king dom
2010/02/03 · #8
سمعي من خيتج نصيحه والله خليه ينبش ويطالع مسجاتج ويدش ع السجل ويسوي اللي يبيه مدام انتي واثقه من نفسج خليه يسوي اللي يبيه وكوني واثقه انها مسألة وقت وتعدي راح تشوفين اهوه راح يمل من كثر ما يتعبث حقريه وراح اتشوفين التغيير صدقيني
ما
ماما عبودان
2010/02/03 · #9
ذن
ذنوب الحب44
2010/02/04 · #10
صحيح تجاهلي الموقف نهائياا
وتشوفي راح يمل وينسى حركته هاذي
وانتي واثقه من حالك لايهمك احد
g6
g6wa.90
2010/02/05 · #11
يعطيكم العاااااااافيه خواااتي:regular_smile:
حبيبااااتي والله ماتقصرووون
بس اتملل :sad_smile:من هالتصرف سارلنا سنه على هالحال:sad_smile:
ماتقصرووون
موفقين ياااارب ...:regular_smile:
ام
ام عبودي النزغه
2010/02/05 · #12
حبيبتي طبعه بخف مع الايام لانه بمل وهم انتي خلج عادي وثقه مدام ماعندج شي خلاص لاتزعلين بالعكس اهوا اللي ينبش وبمل من نفسه بعدين ....
الله يوفقج انشالله
شو
شواقه 1
2010/02/07 · #13
راح يمل لما يخيب ثناه الله يقويج ويصبرج عليه
مل
ملاك الرحمه
2010/02/08 · #14
صحيح رايي من راي البنات التجاهل والبرود احسن حل ومثل ما قالولش بالضبط امشي في السليم ولا تخافين.
حو
حواجه
2010/02/08 · #15
حبيتي انا نفسج وتعبت حيل بعدين سويت مثله كله اساله من دق عليك ومنو داز المسج واذا قال لي ليش تسوين جذيه اقوله مثلك
بس انا لحد الان ما بطلتها تعودت افتش تلفونه هههههههههههههههههههههههههين وصدقيني شوي شوي بطل يفتش خير شر
مس
مسووكه
2010/02/08 · #16
الله يعينج ربي ويهديه ماراح ازيد علي البنات كفو وفو
شق
شقردية واحب الخير
2010/02/08 · #17
حبيبتي الزوج مثل الجاهل لا رديتي عليه يعاند ويحس هالشي لعبه له ويزيد بحركته
فاللي عليج اطنشينه ولا تخلينه يحس انج مهتمه بالموضوع وريلاكس حبيبة قلبي
وموفقه ان شا الله
خض
خضيره
2010/02/11 · #18
بالعكس هذا ايحبج بجنون ولازم تستانسين واول ماتدخلين قوليه هاك ياحياتي ودنيتي فتش على كيفك اهو راح يتفشل ويبطل هالعاده وقوليله انا مستانسه منك لانك تغير علي
سل
سلطانة زماني
2010/02/11 · #19
عادي دامج واثقه خليه ينبش وتحملي لاتبينين انج متنرفزه شوي شوي راح تخف وعقبها بيصير عادي
ام
ام حبيب العلي
2010/02/13 · #20
صج حبيبتي ولاتضيقين خلقج ولاشي اصلا انتي خلية ينحرج من تصرفاتة وشوفي متى يكون فاضي وعطية تلفونج خلية يفتش على راحتة وكرري هالشي قوليلة اليوم ماجيكت وعطية التلفون وانتي زعلانة مو بضحك وخلي التلفون بيدة وروحي غرفة ثانية وقولي له ليه خلصت انا بالغرفة او بالمطبخ كل يوم سوي جذي لين اهو يستحي ويبطل هالسوالف