فيدوني الله يجزاكم خير؟؟؟؟

:frown::frown::frown:السلام عليكم يا بنات ؟؟
اشلونكم
انا اليوم حدي تعبانه تخيلوا صارلي اسبوع زعلانهى على زوجي .................ومالي خلقه ....تخيلوا ما فكريجيني ويسالني اشفيج ....كاشت واهمه ....واذا قلت له اقعد معاي خلنا نتناقش ونحط حل ق خلافاتنا يقولي انتي نكديه وحقوده انا بسرعه انسى وانتي تحطين بقلبج............ياربي والله ذبحني بكلامه موراضي يفهم ان هو الغلطان لازم غلى الاقل يراضيني ....بنات تكفون عطوني حل ....والله تعبت والله....ودي نسافر نغير جو بس زوجي ما يحب السفر يخاف م الطيارة تكفون عطوني حل معاه ....وعطوني حل اخليه يسفرني شوي اغير نفسيتي والله حدي تعبانه منه احس همه بس الديوانيه والاب توب ماله بس هذي دنيته عطوني حلول وخطط اخليه يرد زوجي اللي اعرفه مو هذا :sad_smile:

حبيبتي ترا كل الرياييل جذي دايم اهو الصح ومرته اهي الغلط بس انتي شوفي نفسج بعد يمكن انتي تكونين مقصره معااه بعد حاولي تفاهمين معاه بهدوء وتناقشون وتلقولكم حل واذا ريلج مايحب السفر با الطياره سافري با السياره وياه لو البحرين او الخبر وتردين المهم غيرتي جو وادعي ان الله يهديه والله يستر عليج ويوفقج يارب

انا ما اعرف انصح بالزواج

بس بدعيلج
الله يسخره لج يا رب....:)

حبيبتي أصبري الله يعينج كلهم جذي دوانيه وبعضهم لابتوب ودوانيه مثل زوجج تحملي والسفر حاولي تقنعينه بهدوء موبهواش لأن السفر موكل شئ تحمليه وأدعيله وكثري من الأستغفار والله عجيب عسى الله يسخره لج إن شاءالله ويهديه

حبيبتي حاولي تهدين معاه شوي لاتشدين وانتي اكثر وحده تعرف طبعه وتعرف شنو يحب وشنو يكره والرجل اكره مايشوف ان المرأه تجبره علي شئ مايبيه.....ولاتنسين غيري من طبعج اولا وحاولي تسوين مثل ماهو يبي شخسرانه جربي وهم غيري من روتين حياتج معاه وتكشخي وغيري من شكلج ودوري الهوايه اللي يحبها وحاولي تشاركينه فيها وتكلمي بالمواضيع اللي يفضلها......يعني بصريح العباره كوني له مثل مايبي مو مثل ماتبين لان طبع زوجج جذيه........والله يهديه لج ويسخره ويريح بالج ياااااااارب

صـــــــح عليييييييييييييج جوووريه فديتج

كلامها عين الصواااب ..

والله الشااطره اللي تعرف شلون تكسب زوجها بذكائها مو بعنادها ..

كل الرجال مايحبون العناد راضيه بطريقه غير مباشره الا وهي تغيرين من شكلج

ونظام الشقه ومافي حدود بين الازواج ولا في كراامه

وصدقيني اذا بديتي انتي بالطيب راح تكبرين بعينه ..

والله يهديه لج ويسخره ..