حبيباتي .. نظراً للرسائل الخاصة الكثيرة اللي وردتني .. تستفسر عن مدى فعالية كريمات تفتيج المنطقة الحساسة .. ونظراً الى اضطراري للإجابة على كل عضوة في رسالة خاصة منفردة
ارتأيت ان اضع الإقتباس التالي حتى يقرئه الجميع
بس حبيت اوضح ان كريم كيفانت وكريم ايسوتريكا .. الاثنين فعالين جدا .. ايسوتيريكا مجرب وهو بالفعل فعال جدا .. ولو سمحتوا تقرون الإقتباس التالي .. لتفاصيل أكثر
أم بــــدر كتبت:
فديتج .. تسلمين على الإطراء الطيب ..
لا حبيبتي مايرجع السواد بعد ماتوصلين للنتيجة اللي انتي تبينها ..
بس بعد اسبوع من الإستعمال تبدأ النتايج بالظهور وانا متأكدة ان شاء الله من انج بتستانسين من النتيجة .. لكن نصيحتي انج تواصلين ليما تشوفين المنطقة تلق
صديقتي الأمريكية من ثالث يوم ابتدت النتايج تظهر عندها .. تقول المنطقة صارت افتح من المناطق اللي حولها .. وحتى الخلفية .. صارت افتح من باقي المنطقة عندها
( لاتفتكرين ان الأجانب مايعانون من الأسوداد , ترى أغلبهم عندهم نفس مشاكلنا .. بس أكثرهم يلجأون للصالونات لتبييضها , واللي مايقدرون يغطون تكلفة الصالونات . يعالجونها بهالكريمات العجيبة )
بس حبيبتي أهم شيء لاتستعملين الكريم على بشرة متهيجة او مجروحة أو توج شايلتها بالحلاوة .. لانج بتحسين بحرقان ..
ولنتيجة أسرع واروع .. استخدمي اللوشن السويسري مع الكريم ..
الخطوات :
في المساء .. تغسلين المنطقة جيدا وتنشفينها .. تاخذين قطنة وتضيفين اللوشن عليها .. وتقومين بفرك المنطقة برفق كأنج تبين تنظفينها .. خلي اللوشن عليها .. الى موعد النوم .. وبعدها حطي الكريم عليها ونامي للصبح .. وشوفي العجب بعد اسبوع بإذن المولى
أهم شي ياقلبي .. حتى ماتخربين النتيجة اللي وصلتي لها .. تجنبي وضع الخلطات العشوائية على المناطق الحساسة .. لأن بعض الكريمات ماتناسب المنطقة الرقيقة هناك وتزيد من سوادها
هوي المنطقة لو نصف ساعة الى ساعة يوميا ( الكتمة تجيب السواد ) .. واذا قدرتي ماتلبسين شي تحت اليوم كله يكون افضل
الملابس الداخلية تكون بيضا وقطنية .. وابتعدي عن الحرير والساتان والدانتيل .. الا اذا حبيتي تلبسينهم في الليالي الخاصة فممكن ,, لانج بأي حال ماراح تلبسينهم لوقت طويل
لاتستخدمين أبداً كريمات إزالة الشعر هناك تراهم يقلبون المنطقة الى سواد حالك
وياهلا وغلا قلبي
