→

وين يبيعون ؟! ووين ألاقي هالشغلة ؟!

قـسـم تبادل الخبرات والتجارب المنزلية · 5,765 مشاهدة

📦 أرشيف هذا الموضوع محفوظ من المنتدى القديم (2010/01/14) — للقراءة فقط. المعلومات قد تكون قديمة.

وين يبيعون ؟! ووين ألاقي هالشغلة ؟!

بقلم نور العباس · 2010/01/14 · 27 رد

نو

نور العباس 2010/01/14 · #1

السلام عليكم ورحمة الله وبركاته ..

في البداية .. اعتذر اذا كان الموضوع مكرر ..

بما اني بحرانية مقيمة بالكويت بعض الأوقات احتاج حق اغراض بس ماادري وين الاقيهم .

حبيت انزل هالموضوع يشمل كل الاغراض والاحتياجات الي بعض الاوقات نحتاجهم بس ما ندري وين نلاقيهم ؟!

ونتبادل فيه الخبرات والمعلومات ..

ال

الاء العلي 2010/01/14 · #2

حبووبه شنو الاغراض اللي تحتاجينها ممكن توضحين ..؟؟

عشان نقدر نساعدج ..

شو

شوشوه 2010/01/14 · #3

اي صح ممكن توضحين اكثر

............

نو

نور العباس 2010/01/17 · #4

مشكورين خواتي ..

الموضوع كتبته حق اي اغراض نحتاجها وما ندلي وين نلاقيها .. حاليا ما في شئ معين محتاجته .. والموضوع مو بس حقي ..

حق اي وحدة ما تدري وين تلاقي اي غرض ..

مشكورين مرة ثانية ويعطيكم العافية :regular_smile:

شو

شوشوه 2010/01/17 · #5

اها فهمتج الحين

...

غن

غنجاااار 2010/01/17 · #6

اي والله ياليت تفيدوووني
ابي شغلات حق المطبخ تحف وغيرها وبن احصلهم
جديده بالكويت مو عارفه شي فيه وانتم ان شاء الله تفيدونا

نو

نور العباس 2010/01/19 · #7

شنو التحف الي تبينها ؟!

عموما سوالف المطبخ عندش true value في سوالف حليوة حق المطبخ من ادواته .. وفي ليه فرعين واحد بالشويخ عند ايكيا القديم .. والثاني بالري يصير قريب من الافنيوز من وراه ..

عند النصر الرياضي .

ويمكن تحصلين في هوم سنتر او A 2 Z بس A 2 Z وايد غالي

ان شاء الله تلاقين الي في بالش :smile:

شي

شيكولاتة 2010/01/19 · #8

متصفح رائع تسلمين على الفكرة الحلوة

خلوني أشارك واتعبكم معاي :)

وين الاقي عطار سنع وعنده كل اغراض الخلطات وكمان عنده منتجات حراز

ويكون أسعاره زينة ؟؟؟

نو

نور العباس 2010/01/19 · #9

العطارين موجوين بكل جمعية .. ما حبيت اخلي سؤالش من غير رد بس هذا الي اعرفه .. ان شاء الله تحصلين احد عنده خبر

نو

نور العباس 2010/01/19 · #10

سويت لش سيرج وحصلت لش هالنتايج :smile:

اللي بجمعية كيفان واايد حلووو و عنده شغلات واايد انا ما شفتها الا عنده

و مكانه ذرب و سنع و مرتب
اهوه بدائره بنس الجمعيه
ساير مدور تقدرين تدروووريين تدووورين عليه عشان تشوفين كل شي عنده لوول
و تردين مكان ما بديتي و ماراح يطوفج شي
انا رحتله مره و عجبني

اسم العطاره : الطايف
مكانها : الفروانيه يم مجمع الحمرا مول
تلفونه : 24745414 وتوصيـــــــــــل منازل وانتي مرتاحه
اللي شريته منه : مجموعة زيوت حق الشعر وخذيت سدر
والله يابنات ماشاءالله وااااااااااااايد زين والريال محترم بالتعامل ويراعيكم بالسعر

حووووووووواي الصبووحه بالاندلس يم مكتبه السناااافر

عااااااااد هذااا رووووعه

شغله نظيف وحلووو

وكل ماتروحين له تلقين زحمة موووووو طبيعيه

طبعا ما يوصل

واحلى شي عنده خلطه الصبوووحه للوجه والجسم

أثق فى عطارين بس
واحد الى بجمعيه الشاميه المول اليديد
والثانى الى ورى المبرقعه بالسالميه اول محل بعد المبرقعه
الى بالشاميه محله مكيف طبعا يعنى شغله مايخيس ومغطيه ومرتب

عطار مبارك بالجهرا يم البنك الوطني معروف بشغله الحلو والنظيف والحريم يتعنون له من داخل الديرة
عندة خلطات للوجه والشعر خاصة فيه اهو يسويهم انا استعملت زيوت الشعر من عندة روعه
وعنده حنة يمنية ورشوش

هذه بعضهم مو كلهم .. سوي سيرج باسم عطار بالكويت بقوقل و بيطلع لش موضوع بمنتديات النسائية الكويتية عن العطارين ..

ان شاء الله مو مخالف لقوانين المنتدى

أم

أم عبدالله 2010/01/19 · #11

مشكورة وما قصرتي أختي أفديتنا . . .

أم

أم ورود 2010/01/19 · #12

شوفي حبيبتي تبين مواعين عملية يعني مو كشخه للبيت و للعيال
عندج الميره بالشويخ ,,, الدرزن بدينار صحون و قلاصات وبيالات و غيره
و عندج بعد الاسوقه الشعبية مثل طيور الجنه و الشاهبندر
و عندج سوق لندن اشتري منه اغراض البيت الاكل و المعلبات الدرزن بدينار ارخص و اوفر لج بعد بشويخ
و عندج رامز بعد حلو و كله شغلات رخيصه بعد بشويخ

و على فكره اذا تبين اغراض من البحرين مثل ماي لقاح و حلوى و هالسوالف عند سوق لند بالشويخ تلقين شارع التمور حده حلو وعجيب ,,,,

و عندج الدريم مول للبجامات ملوت اليهال عند المشاتل جدام سوق الجمعه ,,, مجمع حلو و فيه جمعية اللولو حلوه و رخيصه ,,,,

و اذا تبين تاخذين فره بسوق الجمعه ترى و ناسه و كل شي رخييييييييييييييص

و عندج الفروانية متروسه سوالف الاسواق الشعبية الرخيصه

هذا من ناحية الاماكن الرخيصه

أما من ناحية الماركات و الرزه

عندج مجمع الراية
الصالحية
سوق شرق
الافنيوز
مجمع 360
شارع مركز السلطان (( عبدالله مبارك )) مجمع الفنار و ليلى و الثريا

اللحين بقولج عن الاماكن الحلوه اللي فيها وناسة و تسوق
سوق الكويت
اسواق القرين
ستي سنتر السالمية

ديسكفري ,,, مجمع للأطفال فيه العاب و محلات و مطاعم و مصور و اثاث كل شي يخص الاطفال

آآآآآآآآآآآآه تعبت ,,,,,

ها قولي بعد شنو تبين ادليج :))

شي

شيكولاتة 2010/01/20 · #13

نور العباس كتبت:
العطارين موجوين بكل جمعية .. ما حبيت اخلي سؤالش من غير رد بس هذا الي اعرفه .. ان شاء الله تحصلين احد عنده خبر

نور العباس كتبت:
سويت لش سيرج وحصلت لش هالنتايج :smile:

هذه بعضهم مو كلهم .. سوي سيرج باسم عطار بالكويت بقوقل و بيطلع لش موضوع بمنتديات النسائية الكويتية عن العطارين ..

ان شاء الله مو مخالف لقوانين المنتدى

يا حبيبة قلبي مشكورة من اعماق قلبي

على ردك الرائع

جزيت الجنة و النعيم من رب العالمين

نو

نور العباس 2010/01/21 · #14

شوكولاته .. حاضرين خييو ما سوينا شئ :smile:

وين الاقي مثل هالاشكال .. وجم اسعارهم ؟

نو

نور العباس 2010/01/25 · #15

؟؟

:75_75:

لي

ليلى الأنصاري 2010/01/25 · #16

ههههههههه
ما شاء الله لا قوة إلا بالله أم ورود عطت كل شي ما خلت لنا شي
الله يحفظها ويحفظكم

نور عزيزتي
تلاقين هالاشكال بمركز سلطان قسم الأواني
في منها وفي بلاستيك بعد
الله يوفقج ومشكوره على هالموضوع المفيد

لي

ليلى الأنصاري 2010/01/25 · #17

أسعارهم متفاوته بس مو غاليه يمكن دينار دينار وكسور :)

نو

نور العباس 2010/01/25 · #18

مشكورة خييو ليلى الانصاري .. كنت بروح بجيك مركز سلطان قلت يمكن احصل عندهم ..

شي

شيكولاتة 2010/01/28 · #19

خواتي العزيزات

في موضوع هنا في القسم عن ترتيب الدولاب والادراج

الحكاية فعلا شغلت تفكيري لان دولابي مهما ارتبه يرجع فوضى بسبب الارفف والملابس المصفته

فهل تعرفون طريقة لترتيب الدولاب او منتجات تساعد على ترتيب الدولايب ووين مكانها ؟

وشكرا لكم

نو

نور العباس 2010/01/28 · #20

ايكيا عندهم سوالف حق ترتيب الدولاب .. روحي وخذي كاتلوجهم وشوفيه وشوفي شنو الي تحتاجينه .. بالكتالوج واايد اشياء راح تعرفين حق شنو استخدامهاتها ..

وعندش البنات الي يبيعون بالمنتدى هني في بعضهم يبيعون سوالف مال ترتيب :)

اتمنى اني افدتش :)

كنتي عضوة بالمنتدى القديم؟

استرجعي حسابچ وشوفي مشاركاتچ ومحتواچ من ٢٠٠٩.

استرجعي حسابچ

مواضيع من نفس القسم

قبل لاتروحين الجمعية تعالي هني ضروري 56,180 مشاهدة

ارجوا الانتباه (منتج به لفظ الجلاله يوضع بالحمام بدون قصد) 51,004 مشاهدة

تجاربكم في تفريز ماكولات رمضان 00الكل يشارك000 39,632 مشاهدة

رامز وما ادراك ما رامز ؟؟؟ 21,822 مشاهدة

عطر للبيت وخصوصي غرفة النوم ويجذب الزوج روعه 18,333 مشاهدة

ماهو الحل لإزالة الخطوط السوداء اللي بين السيراميك و الجرانيت 17,584 مشاهدة

انضمي لسيدات للمشاركة والتعليق والحفظ والتسوّق — مجاناً

انضمي دخول