بنات والله اني تعبانه منهم !!

السلام عليكم,,


بنات انا ضيفة يديده عليكم والصراحه حبيت المنتدى من جذي خاطرت ونزلت هالموضوع الي صج متعبني وماني لاقيتله حل ..

بدش بالموضوع

بنات انا عندي بنات قراب مني حييييل متمادين بدرجه والله العظيم انها تفشل حيل اهم من النوع عند اهلهم حجاب وعبايه ومتسترين ولما يطلعون طلعات السكاتيه الي لما يكونون بالجامعه ومن ورا اهلهم على انه اهم بالمحاضره يطلعون طلعات عالبحر وتمشي والي اغرب من هذا انهم يفصخون حجاباتهم واعبيهم على انهم بنات فري والي اغرب من هذا يوم مرا كلمتهم بهالشي قالو حرام عليج تتبلين علينا احنا نخاف الله كل هذا علشان مايقولون لي وانا شلون عرفت انهم جذي كانت وحده وياهم تقولي عن كل شي ويوم شفت تلفوناتهم واصورهم والله اني تعجبت والله قولولي شسوي انا مره حاولت اقول حق امهاتهم بس بطريقه غير مباشره وقلت الحجي جدامهم والله انه اقلبو الحجي وخلو امهاتهم تصف معاهم قولولي شسوي الحين حرااام اسمع عن الغلط واسكت حراام بنات مثل الورد جذي تبيع لحمها برخيص والله يابنات اكتب لكم الحين وانا قلبي معورني ياليت تساعدوني بالحل الي الله يهديهم لاتقولون لي انصحيهم لاني نصحت بمافيه الكفايه ويبت لهم داعيه لي البيت وماكو فايده ابي حل اقوى من جذي والله اني ادعيلهم انه الله يهديهم بكل صلاتي ...

اسفه اني طولت عليكم بس شسوي ودي افضفض بلي بداخلي ..

وعليكم السلام

حبيبتي الله يعينج هالمشكله ماينسكت عنها ,, وايد اعرف بنات قامو يتمادون بهالشي والسبه دلع الاهل واهمالهم لعيالهم حاولي تكلمين احد كبير بينج وبينه ......

اتمنى اني فدتج بشي وتقبلي مروري ..

أولا كثر الله من امثالج ولا غيرج يشوف المنكر ويقول كيفهم مالي شغل


ثانيا:::

الله يهديهم ويستر على بنات المسلمين وجزاج الله خير مانسيتيهم من دعاءج

ثالثا::::

اذا في احد يقدر عليهم ويكون ثقه قوليله يتصرف معاهم أو يقدر يوصل لأهلهم بطريقه ماتكونين فيها بالصوره لان واضح انهم موسهلين وممكن يتهمونج انج تتبلين عليهم وأهلهم اكيد بيصدقونهم ويجذبونج

وبالنهايه اذا اهم ما اقتنعوا ان اللي يسوونه غلط عمرهم ماراح يتغيرون

والله انا رايي من راي خواتي شوفي احد كبير وتثقين فيه وقوليله بس انشالله ما ينقلب الموضوع عليج وتنحل السالفه بسهوله
ونعم التربيه فيج الصراحه قليل اللي مثلج الله يخليج لاهلج ويحفظج انشالله :)

حبيباتي تسلمون على مروركم العطر
انا كذا مرة حاولت ادخل شخص كبير متفهم بس اخاف يدرون اني انا الي قايله بعدين تصير السالفه تنقلب علي وتصير سالفه كبيره

شاكرتلكم على كلامكم الطيب وشسوي يابنات من حر مافيني واتعب لما اشوف البنت تضيع عمرها بيدها ,,

للرفع الموضوع

عسى الله يكثر من امثالج
الله يستر علينا وعلى بنات المسلمين
انا من رايي
انه انتي سويتي اللي يمليه عليج ضميرج
واجتهدتِ بدعوتهم لطريق المستقيم
وهم مع امهاتهم ....مصرين على اسلوب حياتهم ....
لا وبعد طلعتي انتي بالشينه
لذلك واتمنى انج تاخذين برايي
انج تتركين السالفه نهائيا نهائيا نهائيا
لانج سويتي اللي عليج
وصدقيني باجر الله بيفضحهم ..
وتجي امهاتهم ويقولولج ياليتنا صدقناج

ومن زاويه ثانيه
انتي مو خايفه لا يحطونج براسهم
و يتبلون عليج ...ويطلعون عليج حجي ...كذب ويشوهون من سمعتج بالكذب
**************
يبه تركيهم و بالطقاق اللي يطقهم ...
الزم ما عليج نفسج

وريحي عمرج
**************
وقالوها
دعوا الخلق للخالق

راي انج سويتي الي عليج وتجنبيهم لا يضرونج نصيحه مدام هذي سوالفهم

فكي نفسج من المشاكل وريحي بالج وخليهم خلاص سويتي اللي عليج وزياده بس اهم شي لبتعدي عنهم لا ن الصاحب ساحب ديري بالج على نفسج

هلا يا قلبي

حبيبتي انتي كلمي احد كبير يعني امهم بس بروحج بينج و بينها و اذا ما صدقتج

قوليلها روحي و شوفي بعينج

و الله يهدي الجميع

حبيبتي لا تعورين راسج ولا قلبج ولا شي
انتي حاولتي بايدج ولسانج والحين حاولي بقلبج وبالدعاء لهم
بس الأهم لا تحتكين فيهم وايد ويأثرون عليج لا سمح الله
هذيل شكلهم مو هينين
وترى الصاحب ساحب
و(المرء على دين خليله فلينظر أحدكم من يخالل) وسلامتج

شاكرتلكم على ردودكم

ومثل ماقلتو ماعلي الا الدعاء لهم والله يهديهم ويهدي بنات المسلمين يارب