أنا أمكم .. أم المعرس وين تفصل ؟؟؟

[يابناتي شلونكم طيبين وين أفصل حق عرس ولدي .. مشغل ولا خياطة عندها موديلات حلوة تصلح لعمري 50 سنه بس مو موديلات عجايز خواتي أكبر مني وإذا جا العرس هدومهن تهبل تزوغ ومايعلمني وين يفصلن وإذا سألتهن قالن مشغل ]



علما بان أمي تلبس برقع وشيلة خفيفه .. يستحسن تقولون بعد منين نشتري البرقع والشيله الحلوة .. هذا أول عرس لنا ومانعرف شي ضايعين .. نسيت اقولكم بتحصلون دعوة حلوة بظهر الغيب من امي ..

حبيبتى خلها تروح لام نوره بمجمع الدبوس بالفحيحيل

او ام نوره العلاج بالعميريه

ولبس ام العروس تلقاهم بالمشاغل الحريم ااو بالعربيد

يامال العافية عندج رقم ام نورا العلاج

لا حبيبتى ماعندى بيتها مايضيع اسالى عنه وبيدلونج على الشارع الى يوديج لجسر الغزالى

اوو سوى سيرج بقوقل

والله كأنج توصفين امي
فدييييييييييييييييييييييييييييييييييييييييت امج يارب يسعدها ويوفقها ولا يحرمها من الصحه والعافيه ويخليلها عيالها وبناتها وحبايبها ويرزقهم من حيث لايحتسبون
خليها تروح رانيا اللي بمجمع الاوقاف عند محل اسمه رانيا اظن هلمحل هذا بالذات يصلح لمي فديتها
قوليلها بنتج شموخ تقولج روحي هناك وشوفي يايمه وشغل حلو ونظيف ولا بعد اذا وسيع ضيق او طويل يصلحونه لها خليها تاخذ دراعتين وحده فخمه حق بداية العرس والثاني ناعم لان الفخم راح يكون ثقيل عليها شوي
شك وتطريز وشغل حلووووووو والناعم علي الساعه 10 ونص 11 تلبسه تعرفين امي الله يعطيها الصحه والعافيه تتعب شوي من الوقفه والروحه والرده
اما الشيال معروف نوره العلاج بالعميريه
قوليها ابيج تصيرين احلا من العروس يايمه فديتها والله

مرت اخوي مشتريه من مجمع الاوقاف واهيا بعد حرمه كبيره بس عليها دراعه على 180 دينار تطير العقل وفعلالا حق حرمه رزه والله يخلي لج امج وتفرح بولدها ان شاءالله

يارب يخليلنا أمهاتنا والله يالغاليه أمي دايما تشتري قطع حلوه من البلوكات وتفصل لها موديل عند أي خياط وبالتوفيق يالغاليه

يالبيه

وش قومكم 50 توها شباب
قطي البرقع ياخاله وسوي هالسموكي وهالبف وجننيهن وصكي على عروسكم

وتبين شغل عدل روحي للمعارض وشوفي البدل الحلوه
والبراقع السنعه والملافع التمام عند ام انور وغالبا ماتلقينها بمعارض سفير الرقعي
وبالدوغه
وبأفكاري
وكذا معرض
الوكاد الله يهنيكم ويوفقكم
وياعله مبارك وسعيد
ياراعي البيت المثولث
اللي رواقه جديدي
ولدكم زفوا عروسه
ووليدي بعد يريدي
هههههههه

وسلامة اعماركم