📦 أرشيف
هذا الموضوع محفوظ من المنتدى القديم (2009/12/22) — للقراءة فقط.
المعلومات قد تكون قديمة.
خبيرات لندن مسااااعدة
بقلم احساس امرأه · 2009/12/22 ·
13 رد
اح
احساس امرأه
2009/12/22 · #1
مرحبا
انا ناويه اروح لندن شهر فبراير
وبغيت اعرف الاماكن الحلوه فيها والاسواق اللي ما تتطوف
وشلون جوها بشهر 2
ناطره مساعدتكم اول مره اروح لها
ام
اميرة الرومانسية
2009/12/25 · #2
مساء لندنى بارد مع امطار فبراير الغزيرة يتصف جو لندن خلال شهر فبراير بالبرد ولكنه ليس كبرد شهر ديسمبر ويناير بس برد عليك بلبس الملابس الشتوية الثقيلة وشمسية للمطر وكفوف لليدين بس ترى شققهم وفنادقهم دافئة ماتحتاجين بجايم شتوية بل صيفية بس حسافة ماعندهم تنزيلات بشهر فبراير افضل يوم للتنزيلات هو يوم 27\12\2009 من كل عام حيث البضائع والماركات بنصف السعر عندج محل اسمه بريمارك روعة للتسوق لك وللعائلة يتميز بالملابس الداخلية النسائية القطنية الجميلة والبجايم روعة والترينج السبورت روعة وملابس الاطفال حلوة وللهدايا انصحج ببريمارك ملابس جودة عالية واسعارها رخيصة جدا فندق هيلتون ميتروبول حلو وافطارة مميز وباقى الاشياء اقولها لك فى يوم اخر لانى انا تونى رادة من لندن :smile::smile:
ان
انت بحياتي وبس
2009/12/30 · #3
بالتوفيق حبيبتي
ال
السعاده والحزن
2010/01/03 · #4
اهم شئ فى لندن الاسواق طبعا اكسفورد الى اخره عند يكون اكسفورد سيركس هم حلو والسوق اليديد هو ويست فيلد يكون يم الشفر بوش هم فى اشياء حلوه واهم شى روحى الاوت لت وهذا يكون بالقطار لمده ساعه طريق وطبعا عندك هارودز وهارفى نيكلز بوند ستريت واذا تبين اكل عربى عندك شارع اجور رود بس ما انصح بالسكن فى شققه لانها كلها وصخه طبعا لاتنسين تروحين متحف الشمع ولا اللندن اى وقصر الملكه هم حلو
اح
احساس امرأه
2010/01/23 · #5
تسلموووووون بنات ما قصرتوا
وياليت معلومات اكثر فديتكم
мs
мs.3вє6α
2010/02/02 · #6
أنا رحت بس مو بشهر فبراير بس جوها عجيب والاسوقه كانت تسكر 5 على ما أظن و في حديقة وااي عجيبه أنتي روحي وشوفي صدقيني مراح تنسين أيامها
أنشالله تروحين وتردين بسلامه
أم
أم درة
2010/02/04 · #7
جوها بشهر فبراير حلو
تحتاجين تلبسين ملابس مووايد شتويه يعني زينه وتاخذين معاج بالطوو دافي عشان تفصخينه بالاماكن المسكرة مثل المجمعات او المطاعم
اذا كنتي تبين تسكنين بفندق سكني بهيلتون متروو بوول او تشرشل بس (غااالي)
واذا تبين شقق مفروشه عندج 25 بورشستر شققه حلوة وتقدرين تشوفين الهايدبارك ولندن اي و بج بن من الديريشه
بس باي مكان اختاري شقه بطابق عالي عشان ما يكون فيها فيرااان (ويييع)
وبالنسبه للمطاعم الحلال عندج مطعم ناندوز ومطعم الونك ( ايراني) بالبيز ووتر وفي المطاعم اللي بايجور روود وفي محل برد فبيكاديلي موطبيعي لذيييييييييييذ
وبالاسواق ايكسفورد ستريت وريجنت ستريت في محل هاملز 5 طوابق العاب اطفال
وفي محل ملابس رياضيه كل الماركات بس مسوين عليهم خصم يصير جدام النافورة اللي فبيكاديلي اسمه وايت ليلي وعندج سوق السبت سوق شعبي يكون بالشارع يكون كل يوم سبت من الصبح لي 3 تقريبا تخلين اجور روود وراج وتمشين تلقين شارع على اليمين ورا محل نفس طريقه كنتاكي وترى حلال وحلو
في مجمع يديد اسم وايت فيلد يم شفردس بوش حلو وفيه كل الماركات الكبيره وفي مجمع صغيروون بالبيز ووتر اسمه وايت ليز
وفي شارع يم 30 ديفانشير في محلات بعد ومطاعم
وعندج بعد محل ارجوس ويسوي عروض على طول ((مجلات))
واكيد هاررودز والمحلات يمه بالنايت بردج ستريت
والمواصلات احسن تاخذين كرت الاويستر وتعبينه يطلع ارخص وتركبين فيه الباص والاندر جراوند
واماكن الترفيهيه الهايد بارك و لندن اي و بيج بن و متحف الشمع ( مدام تيسوو) و في مدينه العاب بس لازم تروحونله بالقطار بمحطهه ووتر لوو وتنزلون بمحطهه stain وبس تنزلون من القطار تلقون باص يوديج على مدينه الالعاب على طوول اسمها ثورب بارك حلوة واايد حق الصغار والكبار
وفي قلعه الرعب اسمها ذ دينجر بس تخرع يم لندن بردج
امبيه تعبت ونفس الوقت تخيلت اني بلندن
واذا تبين فكره حلوة تحجزين باليورو ستار قطار لمده ساعتين وتوصلين فرنسا تروحين دزني يومين او 3 ايام وتردين
واذا تبين اي معلومه راسليني على الخاص وماراح اقصر معااج
كي
كيووته
2010/02/07 · #8
حبيبتي لندن شهر 2 باااااااااارده اذا قدرتي تغيرين التوقيت يكون افضل 00لان اللي اعرفهم هناك
الحين مومستمتعين فيها يقولون محكورين بالشقه او المجمعات!!
الاماكن الحلوه واااااااااااايد في لندن 00الاسواق00عندج اكسفوردستريت وبوند ستريت
وريجنت ستريت00والهارودز والويست فيلد والاوت لت اللي في بيشستر فيلج حلو !!
والاماكن السياحيه عندج00
الهايد بارك فيها بحيره وتاجير قوارب تونس وخيل بعد00
وعندج مدام توسو (متحف الشمع) لاتطوفينه واذا طلعتي منه روحي مشي لل(الريجنت بارك)
حديقه حلوه وجميله يقولون هذي اللي صورت فيها نوال اغنيتها (احاول)!!
هم فيها تاجير قوارب وفيها كافتيريا حلوه وبيتزتهم لذيذه!!
وممكن تطلعين من الريجنت بارك ل(لندن زوو) بعد مشي00
ويوم من الصبح روحي حق (لندن آي) عباره عن عجله تدور لمدة نص ساعه وتشوفين لندن كلها
من فوق!!
واذا خلصتي منها في عندج برا لندن اكواريوم حلو وكبير مونفس المركز العلمي اللي عندنا!!
وبتشوفين (بج بن)طبعا في هالمكان 00
هذا اللي اذكره الحين والله يوفقج 00اذا عندج اي استفسار انا حاضره
q8
q8tya_uk
2010/02/27 · #9
مسا الخير بنات وكل عام والكويت بخير
اح
احلام العمر
2010/02/27 · #10
احلى تسوق شهر 2 فاضيه من الناس وتتسوقين على راحتج اسعار مناسبه مو غاليه وكل شى يديد يحطون==== مو مخزن مثل للصيف يطلعونه عندهم والفنادق ارخص بس زحمت الندنين الى يون من داخل لندن من مناطق داخليه شوى تكون زحمه منهم اما العرب قليل هذا الشهر احسن تسوف شهر 3 جو عجيب وتسوق مافى اخلى منه
عا
عالم العجائب
2010/02/27 · #11
"]
اس
اسيل كويتيه
2010/02/27 · #12
لا اله الا الله محمد رسول الله
q8
q8tya_uk
2010/02/28 · #13
اي فدييتج صدقتي الجو شهر 2 اينن و3 احلى واحلى وتبدى عندهم اعتقد الايستر والاسوقه تكون فيها تنزيلات بس بالنسبه للعرب ما شاء الله متروسين موجوديين اشكثرهم اهنيه في السنتر لانه الي اييون هالحزه 80 الى 70% علاج ربي يشفيهم يارب
فانصحكم بالي حابه تيي لندن شهر 2 و3 وهم 4 خريفهم ايينن بعد
بن
بنت السليل
2010/06/06 · #14
مشكورين الله يخلي لنا ديرتنا واهلها مهما رحنا
ما نبي غير الكويت فديتها
كنتي عضوة بالمنتدى القديم؟
استرجعي حسابچ وشوفي مشاركاتچ ومحتواچ من ٢٠٠٩.
استرجعي حسابچ
مواضيع من نفس القسم