عندي مشكله .. بحاجه لرايكم .. بليز

السلام عليكم

انا بنت في بداية العشرين وأواجه مشكلة الوسواس .. الوسواس اني ماراح اتزوج .. كله اخاف من الوحده لانه اغلب اللي حولي ينخطبون ويتزوجون وانا محد خطبني .. ساعات أسأل نفسي ليش ؟ لاني عاديه والناس اتدور الجمال وانا ماعلي قاصر وادرس بالجامعه بس مو جميله عاديه وبنت ناس على قدهم؟ .. الله اعلم اشكثر ابداخلي حنان ومحتاجه انسان يمي واعطيه اللي بداخلي .. خايفه أضيع .. خايفه عواطفي تجرفني للغلط .. لاني من النوع العاطفيه وبسرعه ينقص علي بالكلمه الحلوه .. مشاعري تغلب عقلي وساعات اتصير فيني نوع من الشهوه واقعد استغفر ربي وادعي ربي يرزقني الزوج الصالح .. صج خايفه انجرف للغلط .. مو حاسه بالراحه .. ابي استقر .. حتى اهلي صارحتهم ابهالشي بس ما من مجيب بالاخر ابقى بنت بالنسبه لهم عيب اقول بتزوج دورولي ريل مابيدي غير النطره بس الريال اهو اللي اقول بتزوج ودورولي .. فيها شي اذا البنت قالت بتزوج دورولي ريل ؟؟ مو بس الريال احس انه نضج ومحتاج بنت مو بس الريال احس انه يبي الاستقرار والاهتمام كل بنت تبي بس شنو بيدي :( .. شسوي ازوج نفسي ؟ احس اني ناقصه .. مو عارفه شسوي .. اكيد بتقولون صبري وكل واحد ياخذ نصيبه وانا والحمدلله عارفه ربي وملتزمه بس حابه افضفض لاحد وماخاب من استشار ان شاءالله .. ودي اسمع كلام اريح واغير هالشي فيني .. ناطره ردودكم خواتي

هلا أختي . . .

مشاعرج كل بنت تمر فيها البنت لما تكبر تحس برغبة انها تكون زوجة وصاحبة بيت حتى لو غرفة بس بتكون اهي بيتها ولما تكبر وتكبر تحس بعاطفة الامومة ودها تصير ام
يعني مشاعر الكل مر فيها لكن دائما كان في خط فاصل بين اللي نحس فيه ومصارحتنا لاهلنا ونقول لهم بتزوج لان البنت بطبعها تخجل من البوح بهالشي وتم تفكر بينها وبين نفسها وتعقد مقارنات بينها وبين وحدة متزوجة وجيكرة واهي احلى منها وما تزوجت اللي بوصله لج شي ومشاعر طبيعية الاهم دراستج والنصيب اذا ربج كاتبه لج والله بيجيلج في وقته
ومو كل البنات ربي كاتب لهم نصيب يعني وكلي امرج على رب العالمين واهتمي بدراستج واكثري من الاستغفار وشوفي النتااائج قريبا وربي يوفقج بزوج صالح فالح من البيت لي المسيد ومن المسيد لي البيت لي دوامه :)

ينقل للقسم المناسب

هلا حبيبتي ,,


صدقيني مافي بنت ماتتمنى تستقر وتعيش حالها حال اي بنت ثانيه وتكون لها اسرة وبيت والعيال

بس انا من نظري ان البنت لازم ماتستعيل على هالشي ومتى مااراد الله وكتب لها النصيب الي تتوفق فيه ,,


فعليج بأهم شي الاستغفار والادعيه الي الله يرزقج بالزوج الصالح و يبعدج عن الحرام يارب ...


:smile: :smile:

اختي هذي مشاعر كل ينت ادعي لليل نهار قولي بصلات الليل يارب اغنني بحلالك عن حرامك يارب اسمع عنك الاخبار الزينه يارب اشرح صدرها وسخرلها خلقك وارزقها الزوج الرومنسي الذي يسعدها آميييييييييييييييييييييييييييييييييييين

الله يوفقش حبيبتي

ويرزقش بالزوج الصالح

امييييييييييييييييييييييييييييين

الله يووفقج يارب

حبيبتي صبري :)
وانشاءالله ربي يرزقج بالنصيب الصالح :smile:

امين اجمعين ان شاءالله .. ومشكوووووووووووووووووووووووووووووووووووووووووووووورين وجزاكم الله خير .. والله ونستوني بردودكم وان شاءالله بسوي اللي تشورونه علي .. والله يعين ان شاءالله :)

الله يوفقج ويرزقج بالزوج الصالح الي يستر عليج

ويعوضج عن كل شي


ادعي ربج وادعيه واسغفرلي


واللهم امين

موفقه يا قلبي :smile:

امييييييييين .. مشكوره واايد :)

بنات نصيحه تابعوا الشيخ خالد الجبير في قناة بداية
تبغون تعرفون ليش
مرة من المرات كنت جالسه اقلب على القنوات ولفت نظري كلام الشيخ الجبير في قناة بدايه
وهو يتحدث عن كنز وانه لن يبوح به الا اخر الحلقه
وجلست انتظر الى ان قال هذا الكنز فقال :
أنه من توضأ قبل ان ينام ومن ثم انقلب اثناء نومه وفي هذه الاثناء قال
لا إله الا الله وحده لا شريك له له الملك وله الحمد يحي ويميت وهو حي لايموت بيده الخير وهو على كل شئ قدير
ثـــــــــــــم دعى قبلت دعوته
والله يابنات إنه كنز عظيم عظيم عظيم الخاسر من تركه
ومن بعد ماسمعت كلامه طبقته والله يابنات مامر شهرين إلا وأنا أنخطبت
بس اتمنى من تقرأ موضوعي لاتنساني أنا والدكتور الجبير من خالص الدعاء
إدعولي إن ربي يتمم لي خطوبتي على خير ويخليلي امي وابوي ياكريم

هذي قصه بعد لبنوته الله يوفقها

دعيت هذا الدعاء وتزوجت بعد شهر استغفرت أكثر من الف مره باليوم وبشهرين انخطبت كررى هذا الدعاء او اقري هذي السوره وماراح يجي اسبوع الا وانتي مخطوبه وغيرها وغيرها ..........

هذي كلها بدع في بدع ومافيه دعاء معين او سوره معينه ترزقك لان الله وحده هو الرازق ركزي على هالكلمه ربي هو الرزاق انا ماانكر فضل الدعاء وقراءه القران لكن مو لدرجه ان دعاء معين راح يزوجك انا الي اعرفه ان فيه دعاء فك الكربه ممكن تدعين فيه لغرض الزواج لكن مو لدرجه انك تعبدين هذا الدعاء لدرجه تحسين انه هو الي بيرزقك صدقيني اهم شي تدعين من قلبك وركزي على هالكلمه من قلبك وماتقولين وانتي تدعين ان شاء الله مثلا (يارب ارزقني زوجا صالحا عاجلا غير اجل يارب ان شاء الله) لالالالا غلط ادعي وانتي موقنه ان الله بيعطيك بس مو تتحرين وتقولين لي سنه اعدي وماانخطبت ولا فكرت لالالا غلط انتي ادعي واتكلي على الله وربك يحل كل شي صدقيني اسالي مجربه مافيه شي تبينه سواء زواج ..نجاح ..ذريه ..شفاء ..وغيرها .....الا ويجي بالدعاء والتقرب من الله ليس بغرض الزواج فقط لا بل لغرض ارضاءه لانه من تقرب الى الله شبرا تقرب الله له ذراعا في مامعنى الحديث ......
اقري قصتي يمكن تفيدك .......وتعطيك التفاؤل
انا متزوجه لي اربع شهور تقريبا طبعا قبل زواجي لما كنت بالجامعه والله ماكنت افكر بشي اسمه زواج وعايشه حياتي وفلتها بالعكس احس الزواج كابوس مزعج واخاف منه المهم طبعا مع مرور سنوات الجامعه بدو البنات يعرسون صديقتي بنت عمتي قريبتي وغيرها انا كنت انبسطلهم مرررره وادعيلهم بس برضو ماحطيت ببالي ليش مااعرست بالعكس كنت اقول الله يعينهم زواج ودراسه كيف يجتمعون الموهم لما وصلت رابع جامعه بدات تجيني مضايقات من الناس اقاربنا طبعا الي تقول وراها مااعرست والي تقول كبرتي ماشاء الله مابقى غير العريس وحركات الحريم الماصخه انا عندي اربع اخوات وحده اصغر مني وثلاث اكبر مني الثلاث تزوجو بدري يعني بعد الثانوي وباول سنوات الجامعه تقريبا اما انا تاخرت شوي على قولت الناس مع انه بدري يعني وصلت رابع مااعرست والناس مستغربين دايما بنات فلان يعرسون بدري الموهم سببولي عقده ودايما دعاوي الله يرزقها كاني بالخمسين
وصرت افكر في الموضوع وصار يضيق صدري مجرد ذكر موضوع الزواج وصرت ابي اتزوج بس عشان افتك من نظرات الناس وتعليقاتهم السخيفه جابولي عقده لدجه صرت اشوف وجهي بالمرايه واقول انا شينه عشان كذا محد باغيني ....عقدوني في عيشتي مع اني كنت شايله الفكره من بالي ومخليتها علي ربي متى ماكتبلي راح يرزقني
بس الناس خلوني اتعقد واعيش بكابوس اسمه العنوسه .....مع انها مو مشكله بس الناس خلتها مشكله مدري ليييييييييش ؟؟؟؟؟؟؟؟
الموهم بديت بالدعاء لاني عارفه ان كل شي يتحقق بالدعاء ومافيه مستحيل وصرت ادعي بقيام اليل دعاء من قلب بدون تخصيص لدعوه معينه واصيح واشكي همي لربي لاني اعرف ان هو الوحيد الي يفرج الهم فلو شكيت لاختي ماراح يكون بيدها شي المهم تخرجت من الجامعه وعلى طول دورت وظيفه لاني عارفه انه لو قعدت راح افكر بالموضوع لهيت بالوظيفه لكن كنت مستمره بالدعاء وكنت ادعي يوم الجمعه العصر واحيانا اصوم الاثنين والخميس وادعي ربي وانا صايمه ...
وبكل وقت ادعي ومن قلب وانا طبعا كنت موقنه بالاجابه بس ماكنت اتحرى الاجابه يعني ماكنت اقول ليش انا ادعي وربي مااجاب لي سنه ادعي وربي مارزقني لا بالعكس كنت ادعي وانا عندي يقين ان الله بيعطيني متى ماكتب لي...بس في نقطه مهمه لاتخلين تفكيرك بالزواج يسيطر على حياتك وتفكيرك عيشي حياتك واستمتعي بايام العزوبيه لان مافيه احلى منها وبنفس الوقت ادعي ربك ومتى ماكتب ربي الرزق بيجيك صدقيني والله ان كل انسان بيعطيه ربي الي كاتبه واذا كان ربي كاتبلك ماتتزوجين بالدنيا تقدرين تغيرين القدر بالدعاء لان الدعاء يغير القدر بس لازم تدعين وانتي موقنه بالاجابه ركزي على هالكلمه لان الله عند حسن ضن عبده به .... و
اهم شي ادعي ربك واطلبي منه المغفره وادعيه بامور الاخره قبل الدنيا ...
المهم بعد فتره انخطبت بس ربي ماكتب وبعدها باقل من شهر انخطبت بس ربي ماكتب بعد
وبعدها بكم شهر انخطبت وماكتب ربي بعد وانا كنت استخير قبل كل خطبه واذا ربي ماكتب كنت اقول اللهم اجرني في مصيبتي واخلفلي خيرا منها واحمد ربي واقول خيره من ربي والله مايكتب لعبده الا الخير ...
الموهم بعدها بكم شهر كمان انخطبت وجاو حريم يشوفوني كالعاده لاني فالخطبتين الاولات كانو الحريم يجون يشوفون وماعاد يرجعون المهم دخلت على الحريم وانا عاديه جدا سولفت ضحكت كانهم جيرانا وهم بالفعل جيرانا بس اول مره نشوفهم وكنت جدا عاديه طلعو مر يومين ماردوا بعدين عطونا خبر الموافقه بس قالو الولد بيشوف البنت بعد اسبوع جا الولد يشوفني لبست عادي حطيت كحل وروج بسسسسسسسس طبعا انامستخيره قبل كم مره دخلت ووكلت امري لربي سبحانه وقلت الله يكتب الي فيه الخير .......
بعد كم يوم عطونا الموافقه المهم بدا مشوار طويل الا وهو الفحص الطبي قعدت يمكن شهر عشان الفحص ونتيجته بعد شهر طلعت النتيجه توافق بعدين جابو المهر وتمت الملكه بعد كم شهر وبدات تحضيرات العرس وانا الحين الحمد لله في بيت زوجي كل هذا بفضل ربي سبحانه الي ماخيب رجاي ورزقني بالي يستاهلني بصراحه وحمدت ربي اني ماتزوجت بدري لاني عشت حياتي درست وتخرجت وتمتعت وانا في بيت اهلي وعشت ايام حلوه في العزوبيه وحسيت ان تاخر زواجي كان خيره لاني انا مااقدر اتحمل بيت ودراسه فربي اخرها وكل تاخيره وفيها خيره على قولتهم تزوجت وعمري 23 واحس انه حلو بس حتى لو الوحد باخر العشرين او بالثلاثين لاتخلين الزواج اكبر همك اعرفي ان ربي مأخرها لخيره هو اعلم بها واحمدي ربك ترا فيه ناس تتمنى ترجع للعزويه ولاتعيش مع زوج سكران او صايع او خاين ...
واخيرا عيشى حياتك وفليها ولا تخلين هالفكره تجمد تفكيرك شوفي مستقبلك ادرسي تفوقي بدراستك او وظيفتك اثبتي وجودك في مجالات عديده اعتزي بنفسك خليك واثقه بالله تقربي من الله بالطاعات احفظي جزء من القران جزئين او احفظيه كاملا اقري وتثقفي في كتب دينيه كتب علميه لا تقعدين بالبيت بس تفكرين بالي تزوجت قبلك وغيره لالالالا حاولي تغيرين نمط حياتك تحطين قدامك هدف

نقلتها للفائدة ..

يعطيج العافيه Ghala

وماقصرتي ياقلبي على نقل هالفائدة وجزاج الله خير ,,

:smile: :smile:

الله يووووووفقك ويرزقك بالزوج الصالح اللي يسعدك دووووووم
حبوبه انتبهي لدراستك وربي يكتبلك متى النصيب وقومي صلاه الليل وادعي ربي يرزقك بالزوج الصالح وكثري من الاستغفاااااااااااااااااااااااار
والله يوفقك ويوفق الجميع

نصيحة من اخت اكثررررررررررررررررررررررررررررررري الاستغفار بنية الستر والزوج الصالح



وادعي دايمااااااااااااااااااااا بالستر في كل الاوقات وان شاءالله ربي يرزقش بالزوج الصالح بسسسسسسسسسسسسسسسسسس لاتنسين شي مهم


مهم جداااااااااااااا وهووووووووووووووووووووووووووووووووو عسى ان تكرهو شي وهو خيرن لكم وعسى ان تحبو شي وهو شر لكم والله يعلم وانتم لا تعلمون




تذكري الخيره في كل شي لان الانسان مايدري القدر شنووووو مخبي له بذا الدنيا ياما تمنينا شي وربي منعه عنااااااااااا وبالاخير طلع خيره لنااااااااااااااااا



ياعمري تقبلي مروري برحابة صدر

حبيبتي الله يرزقج بالزووووووج الصاااالح اللي يسعدج ويهنيج يا قلبي ...


صبري ان الله مع الصااابرين واكثري من الاستغفااار بنية الزواج وان شاءالله ربي بيوفقج .....

جزاكم الله خير ويعطيكم العافيه على اهتمامكم .. مروركم يونسني :)