الي تطلع طلعات البر مع زوجها ويعيالها الصغار ادش ضروري

السلام عليكم

خواتي انا اول مره بطلع اخيم مع زوجي واهله وعندي بنت ولد 3سنين وسنه ودي اعرف شنو اخذ معاي وشنو اشتري حق البر وشنو الاغراض الي اشتريها حق الخيمه شرينا خيمع 4في 6 ولا عليكم امر ابي افكاركم وابي اخذ اشياء تفيدني

لا تخلين شي اخذي كل شييخص البر وخلج مميزة يا قلبي :smile:
الخيمة ومستلزماتها:-

( أعمده – أطناب- اوتاد – أروقه– ذرا شراع - أشرعه زرقاء بلاستيك – فرشة مع مراكي - حبال – ماطور كهرباء مع الأسلاك واللمبات – فأس – منشار – كريك – مسحاة - مطرقة – ملقاط – ذراية حديد – لي ماء + حنفيه- ترمس ثلج (حافظة) – جراكل ماء+أباريق وضوء + حطب + فحم ـ ماء زياده عن الحاجه ــ صابون ــ ليفه تنظيف
السيارة ومستلزماتها :-

( مفتاح احتياط للسيارة - ماطور هواء + عيارهواء – اشتراك – كشاف –واير سحب او حبل قوي- عدة كاملة - محول كهرباء من بطارية السيارة – لمبة على بطاريةالسيارة – صيدلية - خرائط خاصة بالرحلات البرية – قارمن+كنود-– دربيل – سلاح شخصي – كمرة فيديو+محول كهرباءــ جركل بانزين احتياطي
– التأكدمن وضع السيارة :-

الزيت + الماء + هواء الكفرات + ليات الماء(الخراطيش)+ البطارية+البنزين ) .
عدة القهوة والشاي :-

( دله قهوة + ملقمة قهوة + ليفة دله– أباريق شاي أحجام – إبريق تفويح - إبريق حليب – بيزه (جمع بيز) وهو الواقي من الحار – كبريت + مكعبات – مركب – محماس + نجر_ طاسة أوسطل- قز وبرميل غاز ولي ومحول- ترامس شاي وقهوة ـ بيالات وفناجيل ـ كيسان ورق ) .
طلبات القهوة والشاي :-

( قهوة – هيل – زعفران – مسمار – تمر – شاي – سكر – نعناع وحبق – زنجبيل – حليب + شابوره ) .
عدة الطبخ :-


( قدر كبير + ثلاث قدور صغيرة – ثلاثة صحون – مقلاة - ملاسة - سكاكين – مسن - ملاعق – مفتاح علب – صابون لغسيل الصحون - صابون يد – ليفه مواعين + أسفنجه – صحون بلاستيك + أكواب + سفره – قصدير-اكياس نفايات )
طلبات الطبخ :-

( رز – مكرونة – بهارات – زيت – لحم أو دجاج أو سمك – بصل – طماطم علب – طماطم طازج – ملح – ليمون أسود – فلفل أسود- بهارات مشكله – طحين – عسل - سمن– زبده – ثلج+ ماء بارد – فاكهه – معلبات + خبز )

ماشاء الله عليج انشهد بانج بدويه اصيله
اشكرج حبيبي علي الموظوع المميز

ماشاء الله عليك حياتي
ملمه بالبر واغراضه
شكلي بصحي زوجي من النوم ونطلع
شهيتيني بطلعة البر وحوستها
بس نسيتي
الملابس الاحتياطيه والعاب الصغار


ومشكوره اللي طرحت الموضوع

يعطيكم الف عافيه

ماااااااااااقصرتوا ويعطيكم الف عافية

ما قصرو البنات افادوج بس لا تنسين المكنسه واكياس حق الزباله..واعواد الجبريت والولعه او القاز ولاكلينكسات

ماشالله عليهم البنات ماقصرو بس انتبهى على اعيالج ياقلبى اتعرفين فى البر يحلى شبه النار علشان جذيه انتبهى لهم ولا تتكلين عاى الخادمه علشان تستانسون فى طلعتكم

ما قصروا البنات السنعات اوصيج اخذى معاك سليب باج ادفى واحسن ورحلة سعيدة

ماشاء الله كفيتو ووفيتو بس ازيد عليهم دوا الحراره والكحه والنشله وانت بندول

ماشاء الله حفظكم الله خواتي

شوقتوني للبر

واى شوقتينى لطلعة البر ياليت اهلنا يشجعون يكرهون شى اسمة طلعة للبر:sad_smile::sad_smile:

نسيتو اهم شي؟؟؟؟
اخذي كريم عشان يديك ماتصير خشنه ههههه>>>>اهم شي عندي

لازم تاخذين معاج بعد خافض حراره لعيالج ولازق جروح علعموم جنطه حق الدوى وضد الشمس لليهال من الصيدليه وحقج لان الشمس طلعت بولدي حبوب صغيره

لاعاد مو لهالدرجه كل هالاغراض
اخذي دواء حراره احتياط لعيالج

مشكووووووووووووووووووووووووووووووووووووره

يعطيكم الف عافية وماقصرتوا

انا خذيت اشياء وااااااايد واشياء ما لها داعي بعد بس احتياااط

الاسعافات الاوليه اهم شي مثل(الضماد,لزقات الجرروح,كريم الحروق ,الادول )