lo
love king dom
2009/11/26 · #1
ياجدي حـارت الدمـعه ابكيها وتبكيني#### تنسيني ولاتنسى...الـيـن ابـكي انا فـيـهـا
يتوه الدمع بجروحي الين ارخي هدب عيني #### يسابق نظرتي يجري ولاادري كيف ابخفيها
حنان الدمع ياجدي قتلني واتعب سنيني #### صـديـق بغربتي يجرح جروحي مايـداويـهـا
حنانك يابعد حالي زرع آمــال ترويني #### تـنـور جـرحـي المظلم تعيشني بـمعانـيـهـا
ابسمع صـوتـك الدافى..دعا ينبت رياحيني #### ابي كـفـك الى منه لـمـس روحي يـدفـيـهـا
ياجدي من ورى طول المسافه هــاك ضمني#### حنانك ياصل لقلبي ورى الدنيا وبـلاويـهـا
إلـه الكون من وصفه وهـب لك ازين الزيني#### يارحمة صاغها الرحمن وبالاخلاق كـاسـيـهـا
انا فـدوة هـدب عينك فديتك يابعد عيني #### فـداك الـكـون والدنيا من اولـها لـتـالـيـهـا
عجز حرفي يوصف للبشر شوقي ومافيني #### ولـكـن ربنا عـالـم بكل نيه ونـاويـهـا
يحسبون الهوى صيدي وانا الآهــات تكويني#### قطعها من نوايا يقطع الامطار طـاريـهـا
ولكن للأسف جدي خذاك الموت من عيني####رحلت وراحت كلمة (بابا عود) اللي دايم نطريها
ابدعيلك الين العالم ينتهي ويجف ريقي####ابدعيلك يا اطيب قلب بهالدنيا وما فيها